Juan 8:14 - Nuevo Testamento Toba Sombrero Negro

¹⁴ Jesús male 'yategueta: —Da'me dojo' yapaĝaguenataĝanaĝac 'uo da'me lajo'viyaĝac, mate mane'e mach'e jayem da'me 'ñaĝatetapela't, qa'a jayaten ga'me jo'ne jachiyoĝogue nataq'aen ga'me jo'ne jec'ata qomle. Qama'le ja ena'am da'me ami: ja auayachiñe ga'me jachiyoĝogue nataq'aen di'me jo'ne jec'ata qomle.

Nuevo Testamento Toba Sur

¹⁴ Nachi so Jesús 'enapeco': –De'eda i'aqtaxanaxac, damayi ÿataqta 'eesa, nai'ctaxa da huo'otaq aÿim maichi ñi'axattapeguela't. Cha'ayi saÿateeta yi sachigoqchiguiña, qataq dam sata'ague. Qami', qalaxayi sa ishit da qauaÿajñi ca sachigoqta'ague, qataq cam sata'ague.

La'aqtaqa Ñim Lo'onatac 'Enauacna 2013

¹⁴ Nache So Jesús 'enapeco': –De'era ỹa'aqtaxanaxac, damaye ỹataqta 'eesa, na'aictaxa da huo'otaq Aỹem maiche ña'axattapeguela't. Cha'aye saỹateeta ye sachegoqchiguiña, qataq dam sata'ague. Qami', qalaxaye saishet da qauaỹaañi.

Juan 8:14 Iomraidhean Croise

Juan 10:15

Qama'le nach'e ena'am da'me jayem yateton ñe'me Taĝadena' nataq'aen da'me jayem jateton ñe'me Taĝadena', qama'le janegue da'me 'yoyaĝac qaedi ñec'alaĝatedegue jogaa'me 'naĝanaĝatel.

Juan 10:36

Chane'eja qom jayem en yataqatelegue ñe'me Dios, male jayem namaĝa'ña jenjo' aleua, qama'le ¿toqoch'e anenaĝachiyegue da'me 'ñaĝat queda'me ja 'noote' naa'me 'yaqataqa, da'me ñenaĝategue da'me jayem Lec'oĝot ñe'me Dios?

Juan 13:3

Jesús yayaten da'me chiyaqaje'ma ñe'me Dios mach'e Let'a, nach'e ena'am da'me yitaĝa 'viyelaĝaje'ma ñe'me, nataq'aen ñe'me Let'a joote yanem yema da'me lañoqotaĝanaĝac qaedi yema yaqanatet ta'le ya'uo.

Juan 14:10

¿Qo'li ja a'uamaqachiñe da'me nach'ayem jo'ne jone'tajop joñe'me Taĝadena', nataq'aen joñe'me mach'e jayem ne'tajop? Naa'me naajo' jo'ne ami ja'aĝatetapema ja naq'aeta ta'le mach'e 'yaqataqa, dite da'me 'uo ñe'me Taĝadena' jo'ne jayem ne'tajop, nach'eñe jo'ne ya'uo na'me mach'e 'lonataĝanaĝac nale.

Juan 16:28

Eja da'me joote jeca'e di'me lejaliaĝa ñe'me Taĝadena' qaedi ñec'ata jenjo' aleua, qama'le nayi jeca'e jenjo' aleua qaedi ji'iyelaĝa joñe'me.”

Juan 17:8

qa'a joote ja'aĝatema naa'me 'naqataqa jo'ne jayem auanema, qama'le nach'e ena'am yaconegueta jogaa'me. Nataq'aen da'me yataqachiñe am nomeda'a da'me eja am jachiyaqayi, nataq'aen da'me ja yoqolegue't da'me naqa'am jo'ne jayem anamaĝaquena.

Juan 18:37

Qama'le Pilato yenatec da'me dojo': —Chane'eja, ¿qo'li ja naq'aeta da'me naqa'am jo'ne am nejaliaĝanec? Jesús 'yateguet joñe'me Pilato: —Naq'aeta da'me anenaĝategue: jayem nejaliaĝanec. Da'me jayem ñiyiñe queda'me ñec'ata jenjo' aleua qaedi ja'aĝatetac da'me jo'ne eja, qama'le ena'uaque jogaa'me 'yamaqate'n da'me eja, nach'egaua jayem naquiaĝata.

Juan 5:31

“Ta'le mach'e jayem da'me 'ñaĝatapela't, qama'le da'me 'yaqataĝanaĝac qaya'te lajo'viyaĝac.

Juan 8:42

Jesús 'yategueta jogaa'me: —Ta'le eja da'me Adet'ai ñe'me Dios, qama'le jayem adoqopichiya, qa'a da'me jayem jachiyaqaje'ma ñe'me Dios, chane'eja jayem 'uo. Nataq'aen da'me ja mach'e yelnataĝac da'me ñanaequena, dite da'me nach'eñe ñe'me Dios da'me jayem namaĝaquena.

2 Corintios 11:31

Ñe'me Dios nataq'aen Let'a ñe'me Qadejaliaĝanec Jesús, jo'ne nach'eñe qoyanem da'me nach'e eta't qo'nonaĝachigui, nach'eñe yayaten queda'me ja joqovinaĝatac.

2 Corintios 12:11

Jayem ena'am ta'le je'n jalaĝayaqa't da'me 'yoyaĝac, qalaĝaja ami jayem auaviquiyigue da'me dojo' qaedi ja'uo. Jayem 'uo da'me jañoqotet ena'am gaa'me eetapela'ajalo namaĝa's p'ajodaye, chane'eja naqa'ami toqo' da'me jayem a'nonaĝachigui.

2 Corintios 12:19

Uotaĝa auepíchitapega da'me ami ñachoĝodenaqatapegouelo qaedi qo'mi avichoĝodeñi, qalaĝaja ja naq'aeta. Qo'mi jouaqa'tot ñe'me Cristo, nataq'aen ñe'me Dios mach'e yayaten yema ga'me jo'ne ja'aĝataqatac. Ami qadaqaya'olqa, yema ga'me jo'ne joote je'etaq, ga'me joote jauoqo da'me ami yecochaĝalo, qaedi nichiquetajeguem da'me yataqachiñe auep'iiya'a ñe'me Cristo.

Apocalipsis 1:5

qama'le nach'e ena'am chiyoqo'ot joñe'me Jesucristo, nach'eñe jo'ne choqotaĝanaĝaic 'me yataqatelegue, joñe'me jo'ne 'uaechiñe da'me 'niyelaĝajeguem da'me chiyaqauelo gaa'me napa'lpi, qama'le yataqata nejaliaĝatelo'te yema jogaa'me nejaliaĝanaqa jena'me aleua. Nach'eñe jo'ne jalcote da'me qo'mi noqopitalo, Qama'le qo'mi doĝotaĝaneque gaa'me qadoeco Ca'li naliñi jaga'me letauo' da'me qoyalat.

Apocalipsis 3:14

“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Laodicea: «Da'me ami jo'ne oñiya'ña di'me Laodicea, ami janema nayi jenjo' 'yaqatac, mach'e jayem jo'ne jayem yataqata eja, jayem choqotaĝanaĝaic 'me yataqatelegue nataq'aen da'me nach'ayem jo'ne jayem chiyoqodayi yemeda gaa'me uo'oe jo'ne ye't joñe'me Dios: