Juan 8:12 - Nuevo Testamento Toba Sombrero Negro

¹² Jesús yitaĝa yapaĝague'n jogaa'me jiyaĝadipi, qama'le enaac: —Naqayem jo'ne lecoyadaĝanaĝat jogaa'me aleua laje'pi; gaa'me jo'ne jayem quetegue ja yitaĝa uetedaue da'me 'lalaĝa, dite da'me male yauata da'me yoqochiñe jo'ne nec'alaĝa.

Nuevo Testamento Toba Sur

¹² Nachi so Jesús qaltaq 'enapega so shiÿaxauapi, 'eeta': –Aÿim nachaÿim lcoÿadaqte ana 'alhua. Ca aÿim ca'ategue, nachi camayi huo'o aca lcoÿadaxanaqte mayi i'ot da lca'alaxa camayi. Huaña, nachi camayi sa nauane' da huetaigui ca napalaxa.

La'aqtaqa Ñim Lo'onatac 'Enauacna 2013

¹² Nache So Jesús qaltaq 'enapega so shiỹaxauapi, 'eeta': –Aỹem Nachaỹem lcoỹaraxanaqte 'enauac na huetalec ana 'alhua. Aỹem qauca'acheegue, yaqto' saishet da qoquiitaigui na napalaxa, nachaqrata da qoviitaigui na yo'oqchiguiñi maye nachera da nca'alaxa.

Juan 8:12 Iomraidhean Croise

Mateo 5:14

“Nataq'aen ami lecoyadaĝanaqate jena'me aleua. Ga'me noic jo'ne nalegue ga'me qajoĝonaĝa 'me qayaje'mec ja yaqanatet ta'le nañoĝochiñe.

Lucas 2:32

Nach'eñe ena'am ta'le yoqochiñe jo'ne yecoyadelegue ena'uaque joga'me jiyaĝadipi; nach'eñe chiyaqayi da'me qo'mi qoyi'yoĝode'tape, qo'mi Israel laje'pi jo'ne mach'e qo'mi ac'oqo'tepi.”

Juan 12:35

Jesús 'yategueta jogaa'me: —Maliaĝa cha'li cada'ac ami uetauelo da'me yoqochiñe. Chane'eja 'noota qom aueuoitac yatemaliaĝa ami uetauelo jenjo' yoqochiñe, qaedi ja ami 'te yepelaĝa't ga'me 'lalaĝa, qa'a ga'me yeuotapiye ga'me 'lalaĝa ja yayaten ga'me ta'ya.

Juan 12:36

A'uamaqachiñe ñe'me jo'ne yoqochiñe yatemaliaĝa cha'li ami uetauelo, qaedi da'me ami male aueñiya'am da'me yoqochiñe. Joca'li yem da'me 'yaĝate'tape naa'me naajo' uo'oe, qanach'e male ec ñe'me Jesús, 'nañoĝochi'ñalo joga'me jiyaĝadipi.

Juan 12:46

Naqayem jo'ne jayem lecoyadaĝanaĝat jenjo' aleua, qama'le ñanaequena qaedi jogaa'me jo'ne jayem p'iida'a ja uedaue ga'me 'lalaĝa.

Juan 14:6

Jesús 'yateguet joñe'me: —Naqayem jo'ne naq'aec, 'me eja nataq'aen da'me nec'alaĝa. Qaya'te naq'aec laqaya ta'le qoyovida'a ñe'me Taĝadena'.

Juan 3:19

Joote 'uo da'me ne'uaĝanague'j qa'a yauo'oe jogaa'me jo'ne ja 'noe'n, qama'le ca'li novi' ñe'me necoyadaĝanaĝat jo'ne nec'achi'ña jena'me aleua qama'le gaa'me jiyaĝadipi ja yec'adeta joñe'me qa'a noqopideta da'me 'lalaĝa, ja noqopideta da'me 'yoqochiñe.

Juan 7:17

Gamachaqaega ga'me jo'ne jetaque ye'et da'me jo'ne loequenataĝanaĝac ñe'me Dios, yayaten da'me yapaĝaguenataĝanaĝac ta'le chiyoqo'ot ñe'me Dios, uotaĝa ta'le ch'e yelnataĝac.

Juan 9:5

Nayi da'me yatemaliaĝa joue'ta jenjo' aleua queda'me jayem jo'ne aleua laje'pi lecoyadaĝanaĝat.

Hechos 13:47

Qa'a naq'aeta da'me qo'mi yamaĝalo'te ñe'me Jaliaĝanec, enaac: «Am jene'tem lecoyadaĝanaqate na'me noyaqapi, qaedi aueda'alo da'me yec'alaqataĝanaĝac chayovida'alo gaa'me loiquiaqa'te jena'me aleua.»

Hechos 26:23

queda'me youetaque da'me yeleu ñe'me Dios Liquiyac, qama'le mane'e qom joote yeleu nach'eñe jo'ne 'uaechiñe da'me 'niyelaĝajeguem, nataq'aen jo'ne 'yaĝatetac da'me 'yoqochiñe 'me nec'alaqataĝanaĝac jena'me qadayi nataq'aen ga'me jiyaĝadipi jo'ne na'ñalo gaa'me ale'u laqaya'.”

2 Pedro 2:17

Naajo' paĝaguenataĝanaĝayaqa ena'am jaga'me nejede jo'ne qaya'te noĝop ta'le le'ec, nataq'aen da'me ena'am ga'me piyem lo'oc jo'ne layat layonatac. Chane'eja 'uo qomle da'me laviyaĝajet, da'me qoyen yec'adeta ga'me 'lalaĝa let'adaic jo'ne qaya'te loiquiaqa'.

2 Pedro 2:4

Dios ja yichoĝode'n joca'li jogaa'me piyem laje'pi jo'ne yauote da'me loe'j, dite da'me yamaĝadoue di'me ne'uaĝanaqa' qaedi yanetedaue joga'me 'lalaĝa, qama'le qoyajoqoteda'aguet ga'me nolo' p'ategue qom qoya'uo da'me nec'atenaĝanaĝac.

1 Juan 1:6

Qom 'uo ga'me enaac: “Jema'aguet joñe'me Dios”, qama'te ua'edi maliaĝa quetaue da'me 'lalaĝa, qama'le daa'me 'laqataqa uotaĝa 'lonataqa ja chimadichidiñe.

Judas 1:13

Nach'egaua ena'ama gaa'me lepa' let'al ga'me noĝop, qa'a ena'am ta'le ya'uo 'lali nale, nach'egaua 'lonataĝanaĝaco jo'ne ja nepocoĝolo'te. Nataq'aen ena'ama ga'me uaqachiñipi jo'ne yejomateda'ague ga'me dajotegue, qa'a queda'e da'me yoqochiñe jo'ne 'laqatac joñe'me Dios, qama'le qoyecoñe't qaedi tadoue ga'me jo'ne ja 'naidena'a 'me yataqachiñe yeda'at jo'ne 'lalaĝa.

Judas 1:6

Nataq'aen anetoviñetac da'me uo'oe gaa'me piyem laje' jo'ne ja yiyamaĝatetedac joda'me mach'e 'lonataĝanaĝac, dite da'me queda'ae di'me yataqachiñe 'lachaqa't, qama'le Dios ye'tema ga'me necoñetague'j 'me ja 'naidena'a jo'ne 'lalaĝa, qaedi qoyajoĝoteda'a ga'me nolo' jo'ne p'ategue qom 'uo da'me ne'uaĝanague'j.

Apocalipsis 21:24

Qama'le jogaa'me jiyaĝadipi jo'ne uetedalegue jena'me aleua nach'e ena'ama da'me yeuotedapiye qomle ga'me yoqochiñe jo'ne lauaqayaĝac jodi'me noic. Qama'le jogaa'me nejaliaĝanaqa jo'ne yelodelegue jena'me aleua nach'e ena'ama da'me yanema qomle da'me leuoyaĝac.