Juan 7:39 - Nuevo Testamento Toba Sombrero Negro

³⁹ Qama'le ñe'me Jesús 'yaĝatema gaa'me jo'ne p'iida'a joñe'me da'me yacoteguet qomle ñe'me Dios Lepaqal, qalaĝaja ñe'me Dios Lepaqal maliaĝa jona'li 'uo, qa'a ñe'me Jesús maliaĝa ja yovita ga'me nolo' da'me ni'yoĝodenataguec.

Nuevo Testamento Toba Sur

³⁹ Qaq de'eda 'enapec so Jesús, damayi naigui da ca i'amaqten somayi, nachi camayi ÿaconguet so Espíritu Santo. Cha'ayi so Espíritu Santo saxanaxa co'ollaxa da anac, cha'ayi so Jesús saxanaxa da ivita ca laloqo' da lli'oxoyic.

La'aqtaqa Ñim Lo'onatac 'Enauacna 2013

³⁹ Qaq de'era 'enapec So Jesús, damaye naigui da ca ỹa'amaqten Somaye, nache camaye ỹaconeguet So Saqcha'a La'añaxac Ñim Lo'onatac 'Enauacna. Cha'aye So Saqcha'a Na'añaxac Qui'itta saxanaxa co'ollaxa da anac, cha'aye So Jesús saxanaxa da ivita ca laloqo' da ileu qataq da nca'alec.

Juan 7:39 Iomraidhean Croise

Mateo 16:14

Jogaa'me 'yadeteguet: —Uo'oe gaa'me eetedapega am Juan 'me chilaĝanataĝanaĝaic, nataq'aen laqaya' eetedapega am Jeremías uotaĝa gamachaqaegaua dia'me 'uaediñe Dios 'laqataĝanaĝanaqa. Qama'le yachimaĝatalo jogaa'me:

Mateo 21:11

Gaa'me jiyaĝadipi laqaya' male 'yategueta, enapega't: —Jenjo' mach'e Jesús, Dios 'laqataĝanaĝanec, chiyaqa'ña di'me Nazaret 'me Galilea.

Lucas 24:49

Qama'le ami ñamaĝa'ñalo qomle ga'me jo'ne joote jayem 'yaĝatem ñe'me Taĝadena'. Qalaĝaja, ami cha'li ovi'ta jena'me jenjo' Jerusalén, chayovida'a auacoñiyeguet da'me nañoqotaĝanaĝac jo'ne chiyoĝogue di'me piyem.

Lucas 3:16

Qalaĝaja Juan ena'uaque enapegalo jogaa'me: —Jayem, eja da'me male ami ñachilaĝañilo ga'me noĝop; qalaĝaja 'uo qom'te ñe'me jo'ne jayem napacalegue jo'ne yataqata p'ajaye nataq'aen ja jalo'oguet ta'le jejodegue gaa'me lapela'te leque'te. Nach'eñe ami nachilaĝaneque qom'te joñe'me Dios Lepaqal uotaĝa ga'me dole'.

Lucas 7:16

Mane'e ca'li qoyauana da'me dojo', qama'le ena'uaque jalcote da'me yoqochetem, nataq'aen 'nonaĝachidegue joñe'me Dios, enapega't: —¡'Uo jena'me p'ajaye Dios 'laqataĝanaĝanec jo'ne qo'mi naloĝonouelo! ¡Dios naequena qaedi qo'mi lecochiyalo, mach'e qo'mi lec'oqo'tepi!

Juan 1:21

Qama'le yitaĝa qoyenat: —¿Qo'li naqa'am da'me am Dios 'laqataĝanaĝanec Elías? Qama'le yitaĝa 'yategueta: —Ja naqayem. Jogaa'me yitaĝa yena't: —Qama'le ¿qo'li naqa'am da'me am Dios 'laqataĝanaĝanec jo'ne na'taquena? 'Yategueta: —Ja naqayem.

Juan 1:25

yenatetedac ñe'me Juan: —¿Toqoch'e auachilaĝanataĝan, queda'me ja naqa'am ta'le am Dios Liquiyac, choqoda'me ja am 'te Elías, uotaĝa ta'le am Dios 'laqataĝanaĝanec?

Juan 1:33

Jayem maliaĝa ja jayaten ca'li jach'e jogamaĝa eeta, qalaĝaja ñe'me jo'ne jayem yamaĝalegue da'me jachilaĝanataĝañgui jena'me noĝop joote jayem enapega: «Da'me dojo' 'uo qomle 'me auana, ñe'me jo'ne nenochi'ña ñe'me Yepaqal, nach'eñe joñe'me jo'ne dachilaĝanataĝañgui joñe'me Yepaqal.»

Juan 12:16

Gaa'me lapaĝaguenataqa ñe'me Jesús maliaĝa ja yayate'n naa'me naajo' jo'ne uo'oe, qalaĝaja ca'li eque' jaa'me noloqo'ote da'me ua'a male yem da'me qo'nonaĝachigui ñe'me Jesús qama'le yemta qouenate'talo da'me yemeda naa'me naajo' jo'ne uo'oe, nach'enaua joote 'yaĝatetedac naa'me nedii's jo'ne Dios 'laqatac lae't.

Juan 12:23

Chane'eja Jesús enaac: —Nayi male na'ta da'me laloqo' da'me male qoyaloĝon da'me 'yonaĝac, queda'me mach'e jayem Jiyaĝaua Lec'oĝot.

Juan 14:13

Qom yataqachiñe jayem ademii'teguet, qama'le ami janema yema ga'me jo'ne auajelaĝañiyaque, qaedi da'me jayem jo'ne jayem Dios Lec'oĝot male jaloĝon da'me 'lonaĝac joñe'me Taĝadena'.

Juan 14:26

qalaĝaja ñe'me Necochaĝaua, ñe'me Dios Lepaqal jo'ne namaĝaquena qomle joñe'me Taĝadena', nach'eñe joote qoyanem da'me yañoqotaĝanaĝac qaedi ami yapaĝagueneque ena'uac naa'me naajo' uo'oe nataq'aen ami netouenaĝanaĝaneque yema da'me jo'ne joote ami ja'aĝatetapema.

Juan 16:14

Nach'eñe ñe'me jo'ne yaloĝon da'me mach'e 'yonaĝac, qa'a yaconegueta naa'me jo'ne jayem chiyoqodayi qama'le nach'e ena'am ami yayatenaĝanaĝaneque.

Juan 16:7

Qalaĝaja ami ja'aĝatema da'me jo'ne eja: yataqachiñe 'noota da'me jec. Ta'le ja jec, qama'le ñe'me Necochaĝaua ja novitequena qama'le ja ami 'te uetauelo; qalaĝaja qom jec, qama'le ñamaĝaquena.

Juan 17:1

Mane'e ca'li yem da'me 'yaĝatetac da'me dojo', qama'le Jesús yeloje'ma di'me piyem qama'le enaac: “Am Taĝadena', nayi male jayem novita da'me yaloqo': 'noota qom jayem a'nonaĝachichigue, qaedi nach'e ena'am da'me jayem male am 'ñonaĝachichigui.

Juan 17:5

Nayi, am Taĝadena', jayem a'nonaĝachichigue da'me am jona'ajop, qaedi yitaĝa jauana da'me jalchi'ena 'yoyaĝac jo'ne onaĝaic da'me am jone'tajop ca'li da'me cha'li jona'li 'uo jenjo' aleua.

Juan 20:22

Qama'le yepetetouelo jogaa'me, qama'le enaac: —¡Auacoñiyeguet joñe'me Dios Lepaqal!

Juan 6:14

Joga'me jiyaĝadipi, mane'e da'me yauata da'me dojo' di'yoq q'aen jo'ne 'nanec 'me ya'uo ñe'me Jesús, qama'le enapega't: —Jenjo' jo'ne nach'ena 'me yataqatelegue 'laqataĝanaĝanec ñe'me Dios, nach'eñe jo'ne qo'yaĝat ca'li da'me nec'achi'ña jena'me aleua.

Juan 7:12

Qama'le jogaa'me jiyaĝadipi jalcote da'me qonejoĝotapiye joga'me. Uo'oe gaa'me enapega'ajalo: “Dojo' jiyaĝaua onaĝaic da'me 'lonatac.” Qalaĝaja uo'oe gaa'me jiyaĝa'u laqaya' jo'ne enapega'ajalo: “Dojo' jiyaĝaua ja yataĝalegue, ch'e yoqovitac jena'me jiyaĝadipi.”

Juan 8:54

Jesús 'yategueta: —Ta'le mach'e jayem da'me ñi'yoĝodela't, qama'le da'me ñi'yoĝodenaĝac qaya'te lajo'viyaĝac. Qalaĝaja da'me 'uo ñe'me Taĝadena' jo'ne jayem yi'yoĝoden, ñe'me jo'ne aueñetapega Adet'ai.

Hechos 19:2

Yachimaĝatalo jogaa'me: —¿Qo'li joote auacoñiyeguet ñe'me Dios Lepaqal 'me ja 'nalegue ca'li male ami p'etaqadayaqa? Jogaa'me 'yadeteguet: —Ja ch'e jomachaĝa ca'li ta'le qo'yaĝatetac ñe'me Dios Lepaqal 'me ja 'nalegue.

Hechos 2:17

«Ñe'me Dios 'yaĝatetac gaa'me uo'oe qomle, Gaa'me noloqo'ote jo'ne p'atedegue: Jeyala'aque ñe'me Yepaqal ena'uaque ga'me jiyaĝadipi; Qama'le jogaa'me ac'oqo'tolqa Nataq'aen ac'oqoteldi' 'yaĝa'tape qomle Daa'me mach'e 'yaqataĝanaĝaco, Nataq'aen ga'me joĝodipi 'uo da'me lauanaĝanaĝa'j Nataq'aen joga'me 'yaĝaicachidipi male uo'oe qomle Daa'me lichoĝonaĝaco.

Hechos 2:33

Qama'le Dios yana'ña di'me yayaten, nataq'aen yi'yoĝoden, nataq'aen yanem ñe'me Lepaqal 'me ja 'nalegue jo'ne joote 'yaĝatetapem ca'li. Qama'le ñe'me nach'eñe chiyoqo'tot da'me qo'mi yeyala'aque: dojo' nach'eda auañiya nataq'aen auomachiya nayi.

Hechos 2:38

Pedro 'yategueta jogaa'me: —A'niyelaqaeyot joñe'me Dios, nataq'aen onolqa'tape ami auacoñiyeguet da'me nachilaĝanataĝanaĝac jo'ne en di'yoq da'me auep'iiya'a joñe'me Jesucristo, qaedi Dios yapalaĝa't jodaa'me adoecodi', qama'le nach'eda naq'aeta ami qoyanema joñe'me Dios Lepaqal jo'ne ja 'nalegue.

Hechos 2:4

Qama'le yemeda jogaa'me yataqachiñe najaqachiguilo ñe'me Dios Lepaqal, nataq'aen paja'a yadenaĝa't gaa'me 'naqataqa laqaya', nach'e naq'aeta ga'me Dios Lepaqal yamaĝalo'te ta'le 'yaĝatetedac.

Hechos 3:13

“Ñe'me Nedios di'me Abraham, di'me Isaac, di'me Jacob, ñe'me Nedios dia'me jachiyojoĝogueta 'me qadet'al, nach'eñe yanem da'me yataqachiñe p'ajaye li'yoĝodic ñe'me lalemaĝajet Jesús. Nach'eñe jo'ne auemiñeyouelo gaa'me jaliaĝanaqa nataq'aen nach'eñe jo'ne a'uotañetac nataq'aen anemañetapec ca'li jetaque yejoye ñe'me Pilato.

Hechos 4:31

Ca'li yem da'me netamenaĝa'j, qama'le yema deda ga'me ueteda'a da'me yema'a't; qama'le ena'uaque jogaa'me male najaqachiguilo ñe'me Dios Lepaqal 'me ja 'nalegue, qama'le 'uo da'me 'lañaĝa'j da'me 'yaĝa'tape jodaa'me Dios 'laqataqa.

Romanos 8:9

Qalaĝaja ami male ja oquitalo'te naa'me lamaico jo'ne yepaquetapegalo da'me anejiyaĝauayaĝaqui, dite ga'me jo'ne yepaquetapega ñe'me Dios Lepaqal, qom yataqachiñe eja ami uetauelo joñe'me. Ga'me jo'ne ja netaye ñe'me Cristo Lepaqal ja Cristo nejoĝonec.

2 Corintios 3:8

Qalaĝaja yataqata yaguegue ga'me lauaqayaĝac qom qo'yaĝatetac da'me dalaĝaic yamaĝataĝac, nach'eda da'me jo'ne chiyaqayi ñe'me Lepaqal ñe'me Dios 'me ja 'nalegue.

Efesios 4:30

Ena'te aueñi totelegue joñe'me Dios Lepaqal jo'ne ja 'nalegue, qa'a naqaeñe joote ami 'yaneque da'me qoyen di'yoq queda'me ami lec'oqo'tepi joñe'me Dios. Nach'eñe jo'ne ami uetauelo chayovida'a qom yovita ga'me nolo' p'ategue qom Dios ami e'n uojotedañi.