Juan 7:33 - Nuevo Testamento Toba Sombrero Negro

³³ Qama'le Jesús enaac: —Nayi cha'li maliaĝa ami jouetauelo, qalaĝaja ja jayem 'te cop'a qom yenoĝodegue naa'me naajo' noloqo'ote, qama'le jec'ata ñe'me jo'ne jayem namaĝaquena.

Nuevo Testamento Toba Sur

³³ Nachi so Jesús 'enapeco': –Aÿim ñaq cada'acolec da qami' soota'agueta. Qaq qom ime, nachi aÿim shi'iguelaxa ñi aÿim namaq.

La'aqtaqa Ñim Lo'onatac 'Enauacna 2013

³³ Nache So Jesús 'enapeco': –Aỹem ñaq cara'acolec da qami' soota'agueta. Qaq qom ime, nache Aỹem she'eguelaxa Ñim Aỹem namaq.

Juan 7:33 Iomraidhean Croise

Marcos 16:19

Mane'e ca'li yem da'me dojapegue'to, joñe'me Jaliaĝanec Jesús qoyen taje'ma di'me piyem qama'le na'ña di'me yayaten joñe'me Dios.

Juan 13:1

Ca'li jona'li yovita ga'me neualaĝayaĝaiqui jo'ne Pascua, qama'le Jesús joote yayaten da'me yovida'a ga'me laloqo' da'me male ca'e jena'me aleua qaedi yec'ata ñe'me Let'a qama'le yitaĝa na'ajop. Joote yaloĝonalo da'me loqopich'i jogaa'me lapaĝaguenataqa jo'ne neteda'ña jena'me aleua, qama'le naq'aeta da'me noqopitalo jogaa'me chayovida'a qom yovita da'me loiquiaqa'.

Juan 13:3

Jesús yayaten da'me chiyaqaje'ma ñe'me Dios mach'e Let'a, nach'e ena'am da'me yitaĝa 'viyelaĝaje'ma ñe'me, nataq'aen ñe'me Let'a joote yanem yema da'me lañoqotaĝanaĝac qaedi yema yaqanatet ta'le ya'uo.

Juan 13:33

“Ami yaqaya'olqa, cha'li cada'ac da'me maliaĝa ami jouetauelo. Qama'le yataqata jayem aueloyaque qomle, qalaĝaja nach'ena jenjo' 'yaqatac jo'ne janema gaa'me judiopi lajoĝola'te ca'li, nach'e ena'am da'me ami janema nayi: ja auaqanachichi ta'le auec'achiya joga'me jajoyi.

Juan 14:12

Eja da'me ami ja'aĝatema: ga'me jo'ne jayem p'iya'a nach'e ena'am yauo'oe naa'me 'nonataqa jo'ne joote jauo'oe, nataq'aen yitaĝa yauo'oe qomle gaa'me 'nonataqa laqaya' jo'ne yataqachiñe let'adayaqa, yajouaĝat da'me male jec'ata di'me neta'ña joñe'me Taĝadena'.

Juan 14:19

Qomle male ja jayem 'te yauata ga'me aleua laje'pi, qalaĝaja da'me ami qamqa'me yitaĝa jayem auañiya qomle, nataq'aen da'me adec'aletedaye qomle qa'a nach'e ena'am da'me jayem yitaĝa jec'aletaye qomle.

Juan 14:28

Joote jayem auayachiñe da'me jec qomle, qalaĝaja yitaĝa 'ñiyelaq qomle qaedi yitaĝa ami jouetauelo. Qom yataqachiñe eja da'me jayem adoqopichiya, qama'le ami made'tapolqa da'me auayachiñe da'me jec'ata ñe'me Taĝadena', qa'a nach'eñe jo'ne jayem napacalegue.

Juan 16:10

Nataq'aen nach'ayem jo'ne jayem chimaqategue: qo'che' da'me male jec'ata ñe'me Taĝadena', qama'le ja yitaĝa jayem auañiya jo' qomle.

Juan 16:28

Eja da'me joote jeca'e di'me lejaliaĝa ñe'me Taĝadena' qaedi ñec'ata jenjo' aleua, qama'le nayi jeca'e jenjo' aleua qaedi ji'iyelaĝa joñe'me.”

Juan 16:5

Qalaĝaja nayi male jec qaedi jona'ajop joñe'me jo'ne jayem namaĝaquena, qama'le da'me ami qaya'te gamachaqaega jayem yenatec ga'me jo'ne jajoyi.

Juan 17:11

“Jayem male ja yitaĝa joue'ta jena'me aleua, da'me cha'li jec qaedi yitaĝa am jona'ajop. Qalaĝaja naa'me naajo' qamqa'me maliaĝa ueteda'ña jena'me aleua. Am Taĝadena' jo'ne ja am 'te 'nalegue, 'noota qom auen netelalo naa'me naajo' ac'oqo'te da'me mach'e adañoqotaĝanaĝac jo'ne am chiyaqayi, nataq'aen da'me joote jayem auanem, qaedi male yataqachiñe auen nalo'ta'ajalo qama'le ena'am da'me am nataq'aen da'me jayem.

Juan 17:13

“Nayi male am jec'ata, qalaĝaja ja'aĝatetac da'me dojo' da'me cha'li joue'ta jenjo' aleua, qaedi naa'me naajo' male najaĝayelo da'me namaic jo'ne yataqatelegue da'me jo'ne jayem ue'tajop.

Juan 20:17

Jesús male 'yateguet jañe'me, enaac: —Ena'te jayem anauequetañe, qa'a maliaĝa jona'li jec'ata joñe'me Taĝadena' qaedi jona'ajop qomle. Qalaĝaja da'me am, 'noota qom oc qaedi a'uaqataĝanema jogaa'me yaqaya'olqa queda'me male jec qaedi jona'ajop joñe'me Taĝadena' jo'ne nach'e ena'am mach'e Adet'ai, joñe'me jo'ne Ñedios nataq'aen da'me mach'e Anedios.

Juan 9:4

da'me yatemaliaĝa cha'li je'etaq jenjo' nolo' ga'me 'lonatac ñe'me jo'ne jayem namaĝaquena. Qa'a nayi yamta'le pi'yaq, qama'le ja yitaĝa 'uo ga'me yaqanatet ta'le t'onataĝan.