Juan 7:31 - Nuevo Testamento Toba Sombrero Negro

³¹ Chane'eja jalcote gaa'me jiyaĝadipi jo'ne 'uo da'me 'lamaqatenataĝanaĝac joñe'me qama'le enapega't: —Ga'me Dios Liquiyac, qom novi', ¿qo'li yauo'oe qayoĝode' gaa'me 'nanaqa 'me yaloĝo'n ta'le napacalegue da'me dojo' jiyaĝaua?

Nuevo Testamento Toba Sur

³¹ Qalaxayi ÿataqta qalota na i'amaqten somayi. Nachi namayipi 'eeta': –Qom ivita da nvi' ca nta'a nca'alaxaqui, qaq ¿peta'a ÿacteec na i'ot n'anecpi mayi sa qaÿauanapega da napacalec dam da' shiÿaxaua?

La'aqtaqa Ñim Lo'onatac 'Enauacna 2013

³¹ Qalaxaye ỹataqta qalota na ỹa'amaqten Somaye. Nache namayepi 'eeta': –Ca Lca'aguishec Ñim Lo'onatac 'Enauacna qom nvi', qalaq ivira'a sa ỹañoxot da ỹo'ot na na'anecpi maye ỹo'ot de'era ỹale.

Juan 7:31 Iomraidhean Croise

Mateo 12:23

Ena'uaque joga'me jiyaĝadipi nenatetapega't ca'li queda'me jalcote qoyoqoch'em: “¿Qo'li ja naqaena jena'me jenjo' jo'ne mach'e c'oĝot di'me David?”

Lucas 8:13

Jaga'me peta jo'ne tachi'ñalo ga'me qadipi yelo'tegueta gaa'me jo'ne domachita da'me Dios 'laqataĝanaĝac qama'le made'tape da'me yacoteguet. Qalaĝaja ja jalcote qayada'ñelo gaa'me patadi: cada'ac 'uo da'me 'lamaqatenataĝanaĝa'j, qalaĝaja yovita da'me 'uo ga'me napiyenague'j qama'le ja naloteguet.

Juan 11:45

Qama'le uo'oe ca'li jalcote joga'me judiopi jo'ne dajotegue qaedi naequetedapegue' jañe'me María, ca'li yauata da'me jo'ne ya'uo ñe'me Jesús, qama'le p'iida'a joñe'me.

Juan 12:11

qa'a naqaeñe ñe'me yajouaĝat da'me jalcote joga'me judiopi jo'ne ca'ae gaa'me mach'e lajoĝola'te queda'me male 'yamaqate'n joñe'me Jesús.

Juan 12:42

Qalaĝaja chayovida'alo gaa'me judiopi lajoĝola'te uo'oe gaa'me qayoĝode' jo'ne p'iida'a joñe'me Jesús. Qalaĝaja ja nechoĝotegueta joga'me fariseopi qa'a 'uo da'me loqolanaqa' nataq'aen da'me qaedi ja qoyamaĝaye joga'me nemaĝaiqui.

Juan 2:11

Da'me dojo' 'nanec jo'ne ya'uo ca'li ñe'me Jesús da'me ue'ta di'me Caná, di'me aleua jo'ne Galilea, nach'eda da'me jo'ne 'uaechiñe yaloĝon ca'li male naloĝola't choqoda'me en di'yoq da'me 'lonaĝac, qama'le jogaa'me lapaĝaguenataqa male yataqachiñe p'iida'a joñe'me.

Juan 3:2

Nach'eñe jo'ne yec'ata ñe'me Jesús ca'li pi'yaq qama'le enaac: —Am paĝaguenataĝanaĝaic, jayatenaq queda'me am namaĝaquena joñe'me Dios qaedi qo'mi auapaĝague'n, qa'a qom Dios ja uetaue ga'me jiyaĝaua qama'le ja yaqanatet ta'le ya'uo ga'me di'yoq jo'ne laloĝonataĝanaĝac 'me ena'am da'me aua'uo.

Juan 4:29

—Anec'achiquena qaedi ami jauegalo ñe'me jiyaĝaua jo'ne jayem 'yaĝatem yema daa'me jo'ne jauo'oe. ¿Qo'li ja naqaeñe ñe'me Dios Liquiyac?

Juan 4:39

Di'me noic jo'ne Sicar, qayoĝode' joga'me Samaria laje'pi jo'ne p'iida'a joñe'me Jesús queda'me 'uo da'me 'laqataĝanaĝac jañe'me yauo jo'ne eetac: “Joñe'me jayem 'yaĝatem yema daa'me jo'ne jauo'oe.”

Juan 6:2

Jalcote ga'me jiyaĝadipi 'me quetapegue', qa'a qoyauana ga'me laloĝonataĝanaĝaco jo'ne di'yo't 'me yauo'oe, e'n yemedegue joga'me leuaĝayaqa.

Juan 7:26

Qa'a da'me dojo' joote ueta'ñena da'me dojetapegoue jena'me jiyaĝadipi ja nañoĝotetapiñe, qalaĝaja qaya'te ta'le onolec jo'ne yaqanatet da'me enapega. Qa'a ¿uotaĝa naa'me qadajoĝola'te e'n eja da'me naqaeda da'me jo'ne mach'e Dios Liquiyac?

Juan 9:16

Qama'le uo'oe gaa'me fariseopi jo'ne enapega't: —Joga'me jo'ne ya'uo da'me dojo' ja chiyaqaje'ma ñe'me Dios, qa'a nach'ega ja yayaten ga'me nolo' jo'ne niyamaqatac. Qalaĝaja uo'oe gaa'me laqaya' jo'ne enapega't: —Ga'me jiyaĝaua jo'ne loeco lo'o, ¿qo'li yaqanatet ta'le ya'uo da'me dojo' 'nanec jo'ne yaloĝon? Qama'le ua'a ca'li da'me male yodapecache naa'me lelnataĝaco.

Hechos 8:13

Qama'le chayovida'a mach'eñe Simón p'iya'a, qama'le qonachilaĝan, qama'le paja'a naequetapegue' ñe'me Felipe, yoqochetapeguema gaa'me p'ajodaye nañoqotaĝanaĝaco nataq'aen 'nanaqa jo'ne yauanalo.

Santiago 2:26

Da'me male qonaloqotena't da'me dojo', qom naq'aeta da'me yeleu da'me qanejiyaĝauayaĝac qom male ca'e ñe'me lepaqal, qama'le nach'e ena'am da'me qadepe'e, qom ja qoyapotenegueta gaa'me 'nonataqa qama'le ena'am ta'le ja nec'alegue.