Juan 7:1 - Nuevo Testamento Toba Sombrero Negro

¹ Ca'li yem da'me dojo', qama'le Jesús quetalegue yema ga'me aleua jo'ne Galilea, qa'a male ja jetaque ue'ta di'me Judea, yajouaĝat da'me uo'oe jogaa'me judiopi lajoĝola'te jo'ne yelotedaque queda'me jetaque yala't joñe'me.

Nuevo Testamento Toba Sur

¹ Qaq co'ollaq ime de'eda, nachi so Jesús coleetac yi 'alhua Galilea. Somayi sa ishit da taÿa yi Judea, cha'ayi na judiopi mayi lma' yimayi nshitaique da ÿalauat somayi.

La'aqtaqa Ñim Lo'onatac 'Enauacna 2013

¹ Qaq co'ollaq ime de'era, nache So Jesús coleetac ye 'alhua Galilea. Somaye saishet da taỹa ye 'alhua Judea, cha'aye nam lataxala' na judiopi maye lma' yemaye nshetaique da ỹalauat Somaye.

Juan 7:1 Iomraidhean Croise

Mateo 10:23

Qom ami qoyecaa'tape, oquiya'e di'me oñiya'ña qama'le auapiñeya ga'me noic laqaya. Eja ami ja'aĝatema queda'me ja auaqanachichi ta'le yemeda auecaechiyalo jogaa'me noyaqa jona'me israelpi, chayovida'a male 'ñiyelaq, da'me jayem jo'ne jayem Jiyaĝaua Lec'oĝot.

Mateo 21:38

Qalaĝaja ca'li yauata ga'me c'oĝot, jogaa'me onataĝanaĝayaqa male enapega't: «Nach'ena jenjo' jo'ne yaconeguet qomle da'me neuoyaĝac; 'noota da'me jalataq nayi qaedi ga'me te'me loĝot male qo'mi ua'ajopa qomle.»

Marcos 11:18

Ca'li nomeda'a da'me dojo' gaa'me tamenaĝaiqui lo'ol lejaliaĝanaqa nataq'aen joga'me judiopi napaĝaguenoqo'tpi, ja nayaloĝode'n da'me yelodaque ga'me chiyaqayi da'me yala't ñe'me Jesús, qa'a t'oita joñe'me, da'me yema ga'me jiyaĝadipi yoqoch'em da'me lapaĝaguenataĝanaĝac.

Juan 1:19

Jenjo' jo'ne 'laqataĝanaĝac ñe'me Juan, ca'li gaa'me judiopi lajoĝola'te jo'ne neteda'ña di'me Jerusalén yamaĝata ñe'me Juan jogaa'me tamenaĝaiqui lo'ol choqogaa'me necochoqo'tpi qaedi yena't joñe'me: —¿Jach'e da'me am?

Juan 4:3

Mane'e ca'li yayaten da'me dojo' ñe'me Jesús, qama'le 'viyelaĝague di'me Galilea, ca'e di'me Judea.

Juan 4:54

Jenjo' male dojolqa da'me ya'uo ga'me 'nanec joñe'me Jesús joca'li ue'ta di'me Galilea da'me chiyaqa'ña di'me Judea.

Juan 6:1

Ca'li yem da'me dojo', Jesús dajoyi ga'me lajego jaga'me qa'em lat'edai 'me na'ña di'me Galilea, di'me jo'ne nach'edi 'me loogue di'me Tiberias.

Juan 7:11

Qalaĝaja jogaa'me judiopi lajoĝola'te yelotedaque joñe'me Jesús, qama'le enapega'ajalo joca'li: —¿Jach'e jogamaĝa ue'ta jo'me jojo' jiyaĝaua?

Juan 7:13

Qalaĝaja qaya'te ta'le jetaque 'yaĝatetac ñe'me Jesús da'me uetedaue gaa'me jiyaĝadipi, qa'a ena'uaque jogaa'me jiyaĝa'u t'oiya'agueta jogaa'me lajoĝola'te.

Juan 7:19

“Da'me ami, ñe'me Moisés ami yanema da'me lamaĝajoĝonaĝac ñe'me Dios. Qalaĝaja da'me ami qaya'te ta'le onolec jo'ne yoqo'cha. Qama'te ¿toqoch'e jetaque jayem aualachi?”

Juan 7:25

Qanach'e jogaa'me jo'ne neteda'ña di'me Jerusalén male denataĝatedapec, enapega't: —¿Qo'li ja naqaeda da'me dojo' jo'ne qoyelotaque queda'me jetaque qoyalat?

Juan 7:35

Jogaa'me judiopi lajoĝola'te male mach'e nenatetapega't onolqa'tape, yenate'tape jogaa'me laqaya': —¿Jach'e jogamaĝa yec'ata da'me jetaque ec, da'me qaedi ja jaqanatetaq ta'le yitaĝa jauanaĝa? ¿Qo'li ec qaedi yec'atalo jogaa'me judiopi jo'ne nelagaĝa, qama'le uetauelo jogaa'me jo'ne ja judiopi qaedi yapaĝague'n jogaa'me?

Juan 8:37

Jayem joote jayaten da'me auachiyoqoya'aguet di'me Abraham, qalaĝaja jetaque jayem aualachi da'me aueñi yaviyaĝajet da'me jo'ne ami ja'aĝatema.

Juan 8:40

Qama'le da'me jayem, mate mane'e ami ja'aĝatema da'me eja jo'ne Dios jayem yapaĝaguenec, qama'te jetaque jayem aualachi. ¡Di'me Abraham yataqachiñe qaya'te 'lonatac ta'le naq'aeta!

Hechos 10:38

Auayachiñe queda'me Dios en nejaqachigui da'me lañoqotaĝanaĝac nataq'aen ñe'me Lepaqal 'me yanem ñe'me Jesús jo'ne Nazaret le'ec, nataq'aen queda'me Jesús ya'uo da'me 'noota ca'li, nataq'aen en yemedegue ga'me jiyaĝadipi ena'uaque ga'me jo'ne 'uo da'me lachoĝode'j 'me yepataqatedañe da'me lañoqotaĝanaĝac ñe'me payac. Dojo' yaqanatet da'me ya'uo qa'a ue'tajop joñe'me Dios.