Juan 6:68 - Nuevo Testamento Toba Sombrero Negro

⁶⁸ Ñe'me Simón Pedro 'yateguet joñe'me: —Jaliaĝanec, ¿jach'e ga'me jiyaĝaua laqaya jo'ne 'noota ta'le qolaĝague? Qa'a naa'me at'aqataqa 'naqataqa jo'ne chiyaqayilo da'me 'noyaĝac 'me qaya'te loiquiaqa'.

Nuevo Testamento Toba Sur

⁶⁸ Qalaxayi so Simón Pedro 'enapeco': –'Am ÿataxala', ¿negue'tom ca lÿa soqolaxague? Yi nachi'amta mayi naua 'ad'aqtaqa naamayi chigaqaiguilo da achaalataxac mayi chochaq tateec.

La'aqtaqa Ñim Lo'onatac 'Enauacna 2013

⁶⁸ Qalaxaye so Simón Pedro 'enapeco': –¿Negue'tom ca lỹa seca'ataxague, 'am Qarataxala'? Ye nache'amta maye naua 'ara'aqtaqa naamaye ỹa'n da achaalataxac maye chochaq tatec.

Juan 6:68 Iomraidhean Croise

Mateo 16:16

Simón Pedro 'yateguet: —Naqa'am jo'ne Dios Liquiyac, mach'e am Lec'oĝot joñe'me Dios jo'ne nec'aletaye.

Marcos 8:29

—Qama'le jega ami: ¿jach'e ga'me auepíchitapega da'me jayem? Pedro 'yateguet joñe'me: —Am mach'e Dios Liquiyac jo'ne joote am qo'yaĝate'taguet.

Lucas 9:20

Qama'le yenatouelo jogaa'me: —Jega ami, ¿jach'e ga'me auepíchitapega da'me jayem? Qama'le Pedro 'yateguet: —¡Mach'e am jo'ne Dios Liquiyac!

Juan 12:49

Qa'a da'me jo'ne japaĝaguenataĝanec nale ja ch'e yelnataĝac, dite da'me chiyaqayi ñe'me Taĝadena' jo'ne jayem namaĝaquena. Nach'eñe jo'ne joote jayem yanem da'me mach'e 'yaqataĝanaĝac choqoda'me yapaĝaguenataĝanaĝac.

Juan 12:50

Nataq'aen jayaten da'me jo'ne mach'e lamaĝajoĝonaĝac ñe'me Taĝadena', nach'eda chiyaqayi da'me qat'oyaĝac 'me ja 'naidena'a. Chane'eja naq'aeta da'me ñenaĝategue nale, japaĝaguenataĝanec da'me jo'ne jayem 'yaĝatem ñe'me Taĝadena'.”

Juan 17:8

qa'a joote ja'aĝatema naa'me 'naqataqa jo'ne jayem auanema, qama'le nach'e ena'am yaconegueta jogaa'me. Nataq'aen da'me yataqachiñe am nomeda'a da'me eja am jachiyaqayi, nataq'aen da'me ja yoqolegue't da'me naqa'am jo'ne jayem anamaĝaquena.

Juan 5:24

“Eja da'me ami ja'aĝatema: ga'me jo'ne naquiaĝanalo naa'me 'yaqataqa nataq'aen p'iya'a ñe'me jo'ne jayem namaĝaquena, qama'le yauana da'me lec'alaĝa jo'ne qaya'te loiquiaqa', nataq'aen da'me ja yitaĝa 'uo da'me ne'uaĝanaguec, qa'a joote chiyaqaue da'me neleuaĝa qama'le yataqachiñe nec'aletaye.

Juan 6:40

Qa'a da'me lelnataĝac joñe'me Taĝadena', yemeda jogaa'me jo'ne jayem yauata da'me jayem Lec'oĝot ñe'me Dios, nataq'aen da'me jayem p'iida'a, qama'le jetaque yauata da'me lec'alaĝa'j jo'ne qaya'te loiquiaqa'. Qa'a da'me jayem male 'ñiyelaĝachidijeguem jogaa'me qom yovita ga'me nolo' jo'ne p'ategue.

Juan 6:63

Ñe'me Dios Lepaqal nach'eñe jo'ne ya'uo da'me nec'alaĝa, qama'le ja ena'am da'me jo'ne ch'e anejiyaĝauayaĝaqui 'me qaya'te 'noota ta'le chiyaqayi. Qama'le ami janema da'me dojo' 'yaqatac qaedi ñe'me Dios Lepaqal ya'uo da'me adec'alaĝaqui.

Hechos 13:26

“Ami yaqaya'olqa jo'ne Abraham c'oqo'tepi, nataq'aen ami jo'ne ja at'achaqadiyena nataq'aen jo'ne at'oiyapega joñe'me Dios: jenjo' qo'yaĝatetac 'me nec'alaĝa mach'e qo'mi nelo'talo.

Hechos 4:12

Qaya'te laqaya jo'ne chiyaqayi da'me nec'alaĝa, qa'a yema jena'me aleua Dios ja qo'mi 'te yanema ga'me jiyaĝaua laqaya jo'ne jachiyojoĝotaĝaye da'me qadec'alegue.

Hechos 5:20

“Jamoyi, qama'le anechachiñi da'me auec'achiya ga'me tamenaĝaiqui, a'uaĝachetapema ena'uaque daa'me noyaqa da'me dojo' 'naqataĝanaĝac jo'ne chiyaqayi da'me 'noyaĝac.”

Hechos 7:38

Nataq'aen ca'li Moisés yema'ña ga'me aleua jo'ne totapega't nach'e Moisés p'ayapeguet ca'li ga'me piyem le'ec jo'ne naloĝoneguet di'me qajoĝonaĝa jo'ne Sinaí nataq'aen dia'me qadet'al; nach'eñe qoyanema gaa'me 'naqataqa jo'ne chiyaqauelo da'me 'noyaĝac qaedi qo'mi yaqauaqatenouelo.