Juan 6:51 - Nuevo Testamento Toba Sombrero Negro

⁵¹ Naqayem jo'ne pan 'me nec'alaĝa, jo'ne ñenochiñe da'me jachiyoĝogue di'me piyem. Joga'me jo'ne yalic jenjo' pan nach'e eta't da'me nec'aletaye: jenjo' pan jo'ne janegue, nach'ena jo'ne mach'e yapachidiyaĝac, da'me janegue qaedi 'uo da'me lec'alaĝa'j jogaa'me jiyaĝadipi.”

Nuevo Testamento Toba Sur

⁵¹ Qaq aÿim mayi nachaÿim pan mayi ñica'altauec, qataq sachigoqo'ot na piguem. Ca chic ana'ana pan, nachi huo'o da lca'alaxa chochaq tateec. Ana pan mayi san, nachida da i'oquiaxac. Qaq damayi san, yaqto' nca'aleec na shiÿaxauapi.

La'aqtaqa Ñim Lo'onatac 'Enauacna 2013

⁵¹ Aỹem maye Nachaỹem nauole maye ñeca'altauec, qataq sachegoqo'ot na piguem. Ca chec ana'ana nauole, nache qaica ca loga't da nachaalataxac. Ana nauole maye san, nachera da ỹo'ocỹaxac. Qaq damaye san yaqto' nca'alec 'enauac na shiỹaxauapi.

Juan 6:51 Iomraidhean Croise

Mateo 20:28

Qa'a mate mane'e jayem jo'ne yataqachiñe jayem Jiyaĝaua Lec'oĝot, ja ñanaequena qaedi 'uo da'me ñecochaguec, dite da'me ñanaequena qaedi yecochiyalo joga'me jiyaĝadipi 'me jalcote nataq'aen qaedi janema da'me 'yoyaĝac, qaedi ñep'aĝanegueta jogaa'me.

Lucas 22:19

Yem qama'le yacona ga'me pan; ca'li joote yanem da'me lamaic ñe'me Dios, yecolaĝatapiye gaa'me qama'le yanouelo jogaa'me, enaac: —Jenjo' mach'e laloĝoiqui qoyen jena'me yapat, jo'ne qoyanoue da'me leleuaĝa qa'a jouaĝat ami. Auauoyi da'me dojo' qaedi nach'e eta't jayem auenachetapega.

Juan 1:14

Qama'le ñe'me jo'ne 'naqatac joca'li male di'yoq ca'li da'me jiyaĝaua, ñe'me jo'ne yataqachiñe choĝodenataĝanaĝaic nataq'aen yataqatelegue, male qo'mi uetauelo. Chane'eja jauanaĝa da'me 'lonaĝac jo'ne yachiyoĝo'tot ñe'me Let'a queda'me onolec jo'ne mach'e Lec'oĝot.

Juan 1:29

Jo'me nolo' laqaya ñe'me Juan yauana joñe'me Jesús queda'me nec'ata qama'le t'aqataĝanema ga'me jiyaĝadipi, enaac: “¡Auec'achiñe jena'me jenjo' Jesús, naqaena jena'me jo'ne «'Naĝanaĝate Lec'oĝot 'me chiyaqa'a ñe'me Dios», jo'ne yapalaĝa't jogaa'me loeco gaa'me aleua laje'pi!

Juan 11:26

nataq'aen ena'uaque jogaa'me jo'ne nec'aletedaye, qom jayem p'iida'a qama'le ja nale'en ta'le yele'u. ¿Qo'li a'uamaqaten nayi da'me dojo'?

Juan 3:13

“Qaya'te ta'le yec'adije'ma di'me piyem dite ñe'me jo'ne nenochiñe 'me chiyoĝogue di'me piyem, jo'ne nach'eñe Jiyaĝaua Lec'oĝot.

Juan 3:14

Qama'le ena'am ñe'me Moisés ca'li yanajeguem ga'me nanaic di'me aleua jo'ne totapega't qaedi qonec'alaĝatedegue ga'me jiyaĝadipi, qama'le nach'e ena'am joñe'me Jiyaĝaua Lec'oĝot da'me qoyanajeguem qomle,

Juan 3:16

Qa'a naq'aeta da'me Dios noqopitalo ena'uaque gaa'me aleua laje'pi, queda'me yanegue ñe'me mach'e Lec'oĝot jo'ne onolec, qaedi ena'uaque jogaa'me jo'ne p'iida'a joñe'me ja yitaĝa yele'u dite da'me yauata da'me 'loyaĝa'j jo'ne ja 'naidena'a.

Juan 3:36

Joga'me jo'ne p'iya'a ñe'me Lec'oĝot yauana da'me 'loyaĝac jo'ne ja 'naidena'a; qalaĝaja joga'me jo'ne ja yoqo'cha ñe'me Lec'oĝot ja yauana da'me lec'alaĝa, dite da'me taue da'me ne'uaĝanaguec 'me chiyaqayi joñe'me Dios.

Juan 5:24

“Eja da'me ami ja'aĝatema: ga'me jo'ne naquiaĝanalo naa'me 'yaqataqa nataq'aen p'iya'a ñe'me jo'ne jayem namaĝaquena, qama'le yauana da'me lec'alaĝa jo'ne qaya'te loiquiaqa', nataq'aen da'me ja yitaĝa 'uo da'me ne'uaĝanaguec, qa'a joote chiyaqaue da'me neleuaĝa qama'le yataqachiñe nec'aletaye.

Juan 6:33

Qa'a jaga'me pan jo'ne chiyaqayi joñe'me Dios, nach'eñe jo'ne nenochiñe joca'li da'me chiyoĝogue di'me piyem, qama'le nataq'aen da'me ya'uo da'me lec'alaĝa'j jogaa'me jiyaĝadipi.

Juan 6:35

Jesús 'yategueta jogaa'me: —Naqayem jo'ne pan 'me jayem chiyaqayi da'me nec'alaĝa. Qama'le ga'me jo'ne jayem nec'ata ja yitaĝa 'uo da'me loqouaĝa, nataq'aen joga'me jayem p'iya'a ja yitaĝa ta'le yelinquip.

Juan 6:41

Qama'le ua'a ca'li da'me qoyedaĝatetapega joñe'me Jesús, qa'a yajouaĝat da'me 'uo da'me nenaĝategue jo'ne eetac: “Naqayem jo'ne pan 'me jachiyoĝogue di'me piyem.”

Juan 6:47

“Eja da'me ami ja'aĝatema: joga'me jo'ne jayem p'iya'a, male yauana da'me lec'alaĝa jo'ne qaya'te loiquiaqa'.

Juan 6:48

Qa'a naqayem jo'ne pan 'me jayem chiyaqayi da'me nec'alaĝa.

Juan 6:50

Qalaĝaja jaga'me pan jo'ne chiyaqaje'ma di'me piyem, ga'me jo'ne yalic joñe'me ja yeleu.

Juan 7:38

Qama'le ena'am da'me jo'ne 'yaĝate'tape jonaa'me nedii's, gaa'me jo'ne jayem p'iida'a, ga'me lai'li jogaa'me 'natetayi joga'me noĝop jo'ne chiyaqayi da'me nec'alaĝa.

2 Corintios 5:19

Chane'eja ja'aĝataqatac da'me dojo' onaĝaic 'naqataĝanaĝac yema jena'me aleua: ñe'me Cristo nach'eñe chiyaqayi da'me qoyapalaĝa't jodaa'me qadoeco, nataq'aen ena'uac yanema da'me 'nemaĝac.

2 Corintios 5:21

Ñe'me Cristo yataqata qaya'te loec ca'li, qalaĝaja Dios 'yetem da'me ena'am ta'le loeco lo'o, qaedi Cristo qo'mi yovidaĝateda'a da'me ena'am ta'le qaya'te qadejamaĝataĝac.

Efesios 5:2

Yataqata adoqopichiyalo naa'me adaqayadi', ena'am ca'li joñe'me Cristo da'me yataqata qo'mi noqopitalo qama'le qo'mi nep'aĝanegueta ca'li, qaedi ena'am ta'le qoyen qadajaqajec, ena'am ga'me 'naĝanaĝate c'oĝot jo'ne qoyachalegue ga'me nec'atoĝonaĝala' nale, nach'eñe jo'ne ena'am joga'me neyoĝoque jo'ne jama nale ga'me laeta, yataqata yiyamaĝaden ñe'me Dios.

Efesios 5:25

Gaa'me le'mi, 'noota ta'le yataqata noqopitalo gaa'me loua', qa'a nach'e ena'am ñe'me Cristo da'me qo'mi noqopitalo, qama'le qo'mi nep'aĝanegueta ca'li qoyalat,

Tito 2:14

Nach'eñe qo'mi nep'aĝanegueta ca'li yeleu, qaedi qo'mi yachiyoĝotauelo gaa'me ja 'noe'n, nataq'aen qaedi qo'mi yataqachiñe qo'mi yiyo'y, qaedi mach'e qo'mi e'n Dios lec'oqo'tolqa, jo'ne qa'nañaĝatetac da'me jauoqo joda'me 'noota.

Hebreos 10:20

Qa'a joñe'me Jesús 'youategue ca'li ga'me napadenaĝanaĝat qaedi 'uo ga'me qadadiiuo dalaĝaic 'me yelo'tegue da'me nec'alaĝa, da'me dojo' jo'ne chiyoqochigui da'me leleuaĝa joñe'me.

1 Pedro 2:4

Chane'eja anichiquii'uo nayi joñe'me Qadejaliaĝanec Jesús jo'ne ena'am ga'me qa' 'me yataqata nec'aletaye. Ga'me jiyaĝadipi 'yota'n ca'li joñe'me, qalaĝaja nach'eñe jo'ne Dios liquiyac nataq'aen da'me 'uo da'me lajo'viyaĝac let'adaic.

1 Juan 2:2

Jesucristo nach'eñe jo'ne nemenegueta ena'uac daa'me qadoeco ca'li yeleu, qaedi naa'me qadoeco male qoyapalaĝa't, nataq'aen ja nach'e qo'mita dite da'me yema gaa'me aleua laje'pi.

1 Juan 4:10

Qama'le naq'aeta da'me noqopich'i: yaqa'a ta'le qadoqopita joñe'me Dios, dite da'me nach'eñe jo'ne qo'mi noqopitalo, ca'li namaĝa'ña jena'me aleua joñe'me Lec'oĝot qaedi nemela't qaedi qoyalat, qaedi yemeda daa'me qadoeco male qoyapalaĝa't.

1 Juan 4:14

Ca'li jauanaĝa queda'me joñe'me Qadet'a namaĝaquena joñe'me Lec'oĝot qaedi nec'alaĝatedegue jogaa'me jiyaĝadipi jo'ne aleua laje'pi, qama'le nach'e eta't jechoĝotaqatac da'me dojo'.