Juan 6:26 - Nuevo Testamento Toba Sombrero Negro

²⁶ 'Yategueta ñe'me Jesús qama'le enaac: —Eja da'me yataqachiñe ja auayachiñe' naa'me naajo' 'nanaqa jo'ne je'n di'yo't. Onolec da'me ch'e jayem aueloyitaque, qa'a yajouaĝat da'me aualiqui jaa'me pan jecaet, qama'le en adonodiye.

Nuevo Testamento Toba Sur

²⁶ Qalaxayi so Jesús 'enapega somayipi, 'eeta': –Ÿataqta 'eesa de'eda qami' shinapegalo, da qami' aÿim qanmichiitaique, cha'ayi qami' qauqui'ii, nachi qami' comadaxaiqa, qaq sa ishit da souaxat da qami' qauaÿajñi ca naigui na n'anecpi mayi sa qaÿauanapega.

La'aqtaqa Ñim Lo'onatac 'Enauacna 2013

²⁶ Qalaxaye So Jesús 'enapega somayepi, 'eeta': –Ỹataqta 'eesa de'era qami' sa'axatema, da qami' Aỹem qanmichiitaique, cha'aye qami' qauqui'i, ivira'a da qami' comaraxaiqa, qaq saishet da souaxat da qami' qauaỹaañi ca naigui na na'anecpi maye sa qaỹauanapega.

Juan 6:26 Iomraidhean Croise

Juan 3:3

Jesús 'yateguet: —Eja da'me am ja'aĝatem: joga'me jo'ne ja yitaĝa niyiñe ja yaqanatet ta'le yauana da'me lejaliaĝa joñe'me Dios.

Juan 3:5

Jesús male 'yateguet: —Eja da'me am ja'aĝatem: joga'me jo'ne ja niyiñe q'aen ga'me noĝop nataq'aen ñe'me Dios Lepaqal ja yaqanatet ta'le taue da'me lejaliaĝa joñe'me Dios.

Juan 6:14

Joga'me jiyaĝadipi, mane'e da'me yauata da'me dojo' di'yoq q'aen jo'ne 'nanec 'me ya'uo ñe'me Jesús, qama'le enapega't: —Jenjo' jo'ne nach'ena 'me yataqatelegue 'laqataĝanaĝanec ñe'me Dios, nach'eñe jo'ne qo'yaĝat ca'li da'me nec'achi'ña jena'me aleua.

Juan 6:15

Qalaĝaja ñe'me Jesús noma'a queda'me jetaque qoneuoĝochigui da'me qoyauegoue da'me qoyen nejaliaĝanec, qama'le yitaĝa ca'ae joga'me jiyaĝadipi, yec'adije'ma ga'me qajoĝonaĝa jo'ne qayaje'mec qaedi onolac da'me neta'ña.

Juan 6:2

Jalcote ga'me jiyaĝadipi 'me quetapegue', qa'a qoyauana ga'me laloĝonataĝanaĝaco jo'ne di'yo't 'me yauo'oe, e'n yemedegue joga'me leuaĝayaqa.

Juan 6:24

Joca'li qoyauana da'me ja netedañgui jaga'me licota ñe'me Jesús choqogaa'me lapaĝaguenataqa, qama'le joga'me jiyaĝadipi male nedañgui jaga'me licota da'me dajotegue di'me Capernaúm qaedi yelodaque ñe'me Jesús.

Juan 6:30

Qama'le nach'e ena'am yenadetec: —¿Jach'e jogamaĝa 'nanec 'me auaqanatet qo'mi aualoĝonalo, qaedi da'me jauanaĝa qama'le am jep'iyaqa? ¿Jach'e jogamaĝa yataqachiñe eeta da'me dojo' at'onatac?

Juan 6:36

Qalaĝaja da'me joote te'me ami 'ñaĝatetapegueta, qama'te ja jayem 'te auep'iiya'a da'me te'me joote jayem auañiya.

Juan 6:47

“Eja da'me ami ja'aĝatema: joga'me jo'ne jayem p'iya'a, male yauana da'me lec'alaĝa jo'ne qaya'te loiquiaqa'.

Juan 6:53

Jesús male enaac: —Eja da'me ami ja'aĝatema, da'me jayem jo'ne jayem Jiyaĝaua Lec'oĝot: qom ja aualiqui jenjo' yapat, nataq'aen da'me ja aniyomiyigui jana'me yetauo', qama'le ja auañiya da'me nec'alaĝa jo'ne qaya'te loiquiaqa'.

Juan 6:64

Qalaĝaja da'me ami maliaĝa uo'oe gaa'me jo'ne doqoleguetaĝa'n. Jesús naq'aetec da'me dojo' 'laqatac joca'li qa'a jalchi'ena yayate'n gaa'me jo'ne ja p'iida'a joñe'me, nataq'aen joga'me onolec jo'ne jetaque p'alegue joñe'me.

Romanos 16:18

qa'a ja t'onataĝade'uo ñe'me Cristo mach'e Qadejaliaĝanec, dite da'me mach'e liqui'yaĝa'j, uo'oe gaa'me 'laqataqa jo'ne uayote' nataq'aen jama't qaedi yoqovi'n gaa'me lai'li jogaa'me jo'ne jaleca da'me letadenataĝanaĝa'j.

Filipenses 2:21

Qama'le jogaa'me jiyaĝa'u laqaya' ch'e nenateta'ajalo nale e'n p'ajodaye ga'me jetaque yauata, qama'le ja yauote joga'me yiyamaĝaden joñe'me Jesucristo.

Filipenses 3:19

Da'me dojo' jiyaĝadipi male ta'teda di'me 'lachaqa' joñe'me payac, nach'edata da'me liqui'yaĝac jo'ne uenateteda'a, qama'le yataqata ni'yoĝodetedapiye da'me ja no'en jo'ne mach'e 'lonataĝanaĝa'j, qa'a yataqata qaya'te lepocoĝo, qama'le yemeda'a da'me ja no'en jo'ne uapi'ña jena'me aleua.

1 Timoteo 6:5

nataq'aen 'uo ga'me neloiquiaĝac jo'ne qaya'te loiquiaqa', qa'a male uo'oe gaa'me jiyaĝa'u jo'ne yaledeuo, eetedapega 'uo ga'me layatenaĝanaĝa'j, jiyaĝa'u jo'ne yataqata ja yateto'n da'me eja, nataq'aen naajo' eetedapega 'uo ga'me lepe'e', qalaĝaja nach'egaua ch'e yachiyoĝotedayi da'me leuoyaĝac jena'me 'noota ladic.