Juan 6:14 - Nuevo Testamento Toba Sombrero Negro

¹⁴ Joga'me jiyaĝadipi, mane'e da'me yauata da'me dojo' di'yoq q'aen jo'ne 'nanec 'me ya'uo ñe'me Jesús, qama'le enapega't: —Jenjo' jo'ne nach'ena 'me yataqatelegue 'laqataĝanaĝanec ñe'me Dios, nach'eñe jo'ne qo'yaĝat ca'li da'me nec'achi'ña jena'me aleua.

Nuevo Testamento Toba Sur

¹⁴ Nachi som shiÿaxauapi mayi ÿauaachigui de'eda n'anec mayi sa qaÿauanapega mayi i'ot so Jesús, nachi somayipi 'enapeco': –Ÿoqta 'eesa da nachida damayi dam l'aqtaxanaxanec ñi Dios mayi qai'axatta'aguet co'ollaxa da naÿa'a ana 'alhua.

La'aqtaqa Ñim Lo'onatac 'Enauacna 2013

¹⁴ Nache som shiỹaxauapi maye ỹauaachigui de'era na'anec maye sa qaỹauanapega maye ỹo'ot So Jesús, somayepi 'enapeco': –Ỹoqta 'eesa damaye, da la'aqtaxanaxanec Ñim Lo'onatac 'Enauacna maye qaỹa'axatta'aguet co'ollaxa da naỹa ana 'alhua.

Juan 6:14 Iomraidhean Croise

Mateo 11:3

qaedi yachimaĝadeta, enapega't: —¿Qo'li naqa'am jo'ne yataqachiñe am Dios Liquiyac 'me qoyetapega ca'li da'me auanaequena, uotaĝa maliaĝa cha'li jeuataqataque ga'me jiyaĝaua laqaya?

Mateo 21:11

Gaa'me jiyaĝadipi laqaya' male 'yategueta, enapega't: —Jenjo' mach'e Jesús, Dios 'laqataĝanaĝanec, chiyaqa'ña di'me Nazaret 'me Galilea.

Lucas 24:19

Joñe'me 'yategueta: —¿Te'ena't? Jogaa'me t'aqataĝatem: —Ga'me jo'ne qo'yetec ca'li ñe'me Jesús mach'e Nazaret le'ec, jo'ne nach'eñe Dios 'laqataĝanaĝanec; 'uo da'me lañoqotaĝanaĝac da'me 'laqataqa nataq'aen 'lonataqa nale dajoya'aguet ñe'me Dios nataq'aen nale dajoya'agueta ga'me jiyaĝadipi.

Lucas 7:16

Mane'e ca'li qoyauana da'me dojo', qama'le ena'uaque jalcote da'me yoqochetem, nataq'aen 'nonaĝachidegue joñe'me Dios, enapega't: —¡'Uo jena'me p'ajaye Dios 'laqataĝanaĝanec jo'ne qo'mi naloĝonouelo! ¡Dios naequena qaedi qo'mi lecochiyalo, mach'e qo'mi lec'oqo'tepi!

Juan 1:21

Qama'le yitaĝa qoyenat: —¿Qo'li naqa'am da'me am Dios 'laqataĝanaĝanec Elías? Qama'le yitaĝa 'yategueta: —Ja naqayem. Jogaa'me yitaĝa yena't: —Qama'le ¿qo'li naqa'am da'me am Dios 'laqataĝanaĝanec jo'ne na'taquena? 'Yategueta: —Ja naqayem.

Juan 11:27

Jaga'me male enaac: —Jaja'a, Jaliaĝanec. Am jep'iya'a queda'me naqa'am jo'ne am Dios Liquiyac 'me Lec'oĝot ñe'me Dios, nach'e am jo'ne am qo'yaĝat ca'li da'me anec'achi'ña jena'me aleua.

Juan 2:11

Da'me dojo' 'nanec jo'ne ya'uo ca'li ñe'me Jesús da'me ue'ta di'me Caná, di'me aleua jo'ne Galilea, nach'eda da'me jo'ne 'uaechiñe yaloĝon ca'li male naloĝola't choqoda'me en di'yoq da'me 'lonaĝac, qama'le jogaa'me lapaĝaguenataqa male yataqachiñe p'iida'a joñe'me.

Juan 4:19

Da'me domachiya da'me dojo' jañe'me yauo, qama'le enaac: —Jaliaĝanec, male jayaten da'me am 'laqataĝanaĝanec joñe'me Dios.

Juan 4:25

Jaga'me yauo enaac: —Jayaten da'me novi' qomle ga'me Mesías (jo'ne yeloteguet da'me Dios Liquiyac); qom novitequena qama'le qo'mi yapaĝague'n.

Juan 4:42

Chane'eja t'aqataĝatem jañe'me yauo: —Nayi male ja nach'edata da'me jep'iyaqa joñe'me jouaĝat da'me jo'ne qo'mi a'uaĝatema, qa'a nayi mach'e qo'mi da'me jomachaĝa joñe'me, qama'le jayatenaq da'me yataqatelegue eja naqaeñe ñe'me jo'ne Lec'alaĝaiqui ena'uac ga'me jiyaĝadipi.

Juan 6:2

Jalcote ga'me jiyaĝadipi 'me quetapegue', qa'a qoyauana ga'me laloĝonataĝanaĝaco jo'ne di'yo't 'me yauo'oe, e'n yemedegue joga'me leuaĝayaqa.

Juan 6:26

'Yategueta ñe'me Jesús qama'le enaac: —Eja da'me yataqachiñe ja auayachiñe' naa'me naajo' 'nanaqa jo'ne je'n di'yo't. Onolec da'me ch'e jayem aueloyitaque, qa'a yajouaĝat da'me aualiqui jaa'me pan jecaet, qama'le en adonodiye.

Juan 6:30

Qama'le nach'e ena'am yenadetec: —¿Jach'e jogamaĝa 'nanec 'me auaqanatet qo'mi aualoĝonalo, qaedi da'me jauanaĝa qama'le am jep'iyaqa? ¿Jach'e jogamaĝa yataqachiñe eeta da'me dojo' at'onatac?

Juan 7:40

Uo'oe gaa'me jiyaĝa'u laqaya' jo'ne domachiyalo naa'me naajo' 'naqataqa qama'le enapega't: —¡Jenjo' jiyaĝaua jo'ne yataqachiñe naqaena 'me jeuataqataque jo'ne 'laqataĝanaĝanec joñe'me Dios!

Hechos 7:37

Jenjo' nach'ena Moisés jo'ne 'yaĝatema ga'me israelpi: «Dios ya'uo qomle da'me 'uo ga'me ami chiyaqauelo jo'ne 'laqataĝanaĝanec, ena'am da'me jayem.»