Juan 5:44 - Nuevo Testamento Toba Sombrero Negro

⁴⁴ ¿Teua'atoqo' jayem auep'iiya'a da'me ami, qom auacoñiyeguet ga'me li'yoĝodenataĝanaĝa'j jogaa'me adaqayadi', qama'te ja aueloyaque ga'me ni'yoĝodenataĝanaĝac jo'ne chiyoĝogue ñe'me Dios jo'ne onolec?

Nuevo Testamento Toba Sur

⁴⁴ Qaq ¿táloxochiyictoxo' da qami' ishit da qau'amqajnataxañi, yi ñi 'oonolec da qoñiita maichi ÿaconguet ca lli'oxonnataxanaxac ca maichi 'en'am lÿa, qaq sa ishit da qanmichiÿaique ca ñi'oxoyic mayi chigoqo'ot ñi 'oonolec Dios?

La'aqtaqa Ñim Lo'onatac 'Enauacna 2013

⁴⁴ Qaq ¡Ca 'eeteco' da qami' Aỹem qaua'amaqchiñi, ye qami' qarqopitaxache da qami' ỹo'oxoreeta'ape na shiỹaxauapi, qaq saishet da ỹo'oxoren Ñim Lo'onatac 'Enauacna maye 'oonolec!

Juan 5:44 Iomraidhean Croise

Mateo 23:5

Yema yauote qaedi ga'me jiyaĝadipi yec'ate'n jogaa'me. Nataq'aen 'yamaqate'n da'me yauo'oe lete' na'me laliaqa gaa'me Dios 'laqataqa qaedi yachetalo'te naa'me nepel nataq'aen naa'me loua', nataq'aen yaidiñe gaa'me leuo jo'ne yededañe naa'me la'uol.

Lucas 19:17

Joñe'me najoĝola' 'yateguet: «¡Yataqachiñe 'noota: am yalemaĝajet jo'ne 'noota! Qama'le queda'me auayataĝadetelegue da'me aue'et ga'me jaleca, nayi jen anejaliaĝatelo'te gaa'me diez noyaqa.»

Juan 12:43

Qa'a ja en 'te p'ajaye da'me 'nonaĝac jo'ne yanem joñe'me Dios, dite da'me jo'ne chiyaqayilo jogaa'me ch'e jiyaĝa'u.

Juan 17:3

Qama'le nach'eda da'me 'noyaĝac jo'ne ja 'naidena'a chiyaqayi da'me am qoyateton, da'me am onolec Dios jo'ne yataqatelegue, nataq'aen da'me jayem qoyateton, da'me jayem Jesucristo jo'ne jayem anamaĝaquena.

Juan 3:20

Chane'eja ena'uaque jogaa'me jo'ne yauote da'me ja no'en 'uo da'me louelaqataĝanaĝac ñe'me necoyadaĝanaĝat, nataq'aen da'me ja nec'adeta joñe'me qaedi ja qoyecoyadelegue da'me 'yetedac jo'ne ja no'en.

Juan 5:41

“Jayem ja jouetaque ta'le jaconeguet ga'me li'yoĝodenataĝanaĝa'j ga'me jiyaĝadipi,

Juan 8:43

Da'me ami ja auaqanachichi ta'le auayachiñe da'me dojo' jo'ne ami japaĝagueneque, qa'a da'me ami yajouaĝa't queda'me nach'eda da'me ja anaquiaĝañiyalo naa'me 'yaqataqa.

Romanos 2:10

Qalaĝaja, ena'uaque jogaa'me jo'ne 'yetedac da'me 'noota qamqa'me Dios yanema da'me 'lonaĝa'j nataq'aen da'me li'yoĝodi'j nataq'aen da'me 'lemaĝa'j, nach'e ena'am 'uaediñe joga'me judiopi, yem qama'le nach'e ena'am joga'me ja judiopi.

Romanos 2:29

Ga'me yataqachiñe yataqatelegue judío le'ec nach'ega p'auo, nataq'aen da'me am netaye da'me nichaĝajoĝonaĝac mach'e loĝot na'me adauel ja naqaeda ta'le chiyaqalegue ga'me qoyediñe, dite ñe'me Dios Lepaqal. Ñe'me jo'ne naq'aeta, nach'eñe da'me niyamaĝadenataguec, qalaĝaja ja chiyaqayi ga'me ch'e jiyaĝaua dite ñe'me Dios.

Romanos 2:7

Yanem da'me 'loyaĝac 'me ja 'naidena'a jogaa'me jo'ne 'nañaĝadetec da'me yelodaque, da'me 'lonaĝac ñe'me Dios da'me ja yitaĝa pal.

1 Corintios 4:5

Chane'eja da'me ami, ena'te aueñi gamachaqaega adec'atenaĝanaĝaqui qom maliaĝa ja novitequena ga'me nolo' qom 'niyelaq ñe'me Jaliaĝanec; cha'li auajoyiya'a ñe'me Jaliaĝanec qom novi' qama'le nach'eñe yachiyoĝotaue ga'me 'lalaĝa ga'me jo'ne qoyoĝotetapiñe qaedi 'yoqotelegue q'aen. Qama'le qoyaloĝon ga'me jo'ne jalchi'ena yepaquetapegalo joga'me. Qom yem da'me dojo' qama'le nach'eñe ñe'me Dios yanema da'me qaedi qo'nonaĝachiguilo jogaa'me.

2 Corintios 10:18

Ga'me jiyaĝaua jo'ne 'uo da'me niyamaĝadenataguec ja naqaega ga'me jo'ne mach'e niyamaĝadetapela't, dite ga'me jo'ne ñe'me Jaliaĝanec yiyamaĝaden.

Filipenses 2:3

Ena'te ani'yoĝodeñila't uotaĝa ch'e aueloiquiitapega't, dite da'me onolqa'tape da'me ami 'noota qom joĝodaic na'me lauel, qaedi nach'e eta't eetapegalo gaa'me laqaya' ta'le yataqata p'ajodaye.

1 Ts 2:6

Yataqata ja jeloqotac ta'le 'uo ga'me qo'mi 'nonaĝachiguilo, uotaĝa ta'le ami uotaĝa gamachaqaega ta'le qo'mi 'nonaĝachiguilo: ja naq'aeta.

1 Timoteo 1:17

¡'Noota qom nach'e eta't qa'nonaĝachigui joñe'me, nataq'aen jaloĝonaq da'me onaĝaic lejaliaĝa joñe'me mach'e Qadejaliaĝanec jo'ne ja pal, nataq'aen Jaliaĝanec jo'ne qaya'te nalo'oguet, ja qoyauana, nach'eñe onolec mach'e Qanedios! Jaja'a, nach'e naq'aeta da'me dojo'.

Hebreos 3:12

Ami yaqaya'olqa, adechilela't qaedi qaya'te onolec da'me ami jo'ne ja no'en da'me lelnataĝac, da'me ja 'yamaqaten ta'le yoqo'cha joñe'me Dios jo'ne nach'e eta't da'me nec'aletaye, qaedi ja yaĝanegue joñe'me.

Santiago 2:1

Ami yaqaya'olqa, da'me auep'iiya'a ñe'me Qadejaliaĝanec Jesucristo jo'ne 'uo da'me 'lonaĝa, ena'te jetaque auauoyi adiquiyaĝanaĝaqui ga'me onolec adaqayai, qom ja nach'e ena'ama gaa'me adaqayadi' laqaya'.

1 Pedro 1:7

Qa'a da'me adepi'iyaĝaqui ena'am jaga'me oro, da'me youen da'me qoyapiyenec ga'me lauaq ga'me dole', qaedi qoyayaten da'me yataqata yoqovita, qaya'te lale'gue. Qa'a ga'me nepe'e jo'ne ja yaqanatet da'me napiyenaguec, napacalegue da'me lajo'viyaĝac jaga'me oro jo'ne 'uo ga'me loiquiaqa'. Qama'le naq'aeta da'me adepi'i da'me ami, qom ja yaqanatet da'me napiyenaguec, qama'le 'uo qomle da'me aniyamaĝadenataguequi choqoda'me adi'yoĝodiqui nataq'aen da'me at'onaĝaqui, qom yovita ga'me nolo' p'ategue qom yataqata di'yo'quena joñe'me Jesucristo.

Judas 1:25

Chane'eja joñe'me Qadet'a jo'ne qaya'te ena'am, mach'e Qadec'alaĝaiqui jouaĝat joñe'me Qadejaliaĝanec Jesucristo, 'noota qom nach'e eta't qoyanem da'me ni'yoĝodenataguec nataq'aen da'me lañoqotaĝanaĝac, nataq'aen da'me 'lañaĝac, nataq'aen da'me lejaliaĝa. Nach'e naq'aeta jalchi'ena joca'li yemta nataq'aen nayi naa'me naajo' noloqo'ote, nataq'aen nach'e eta't ja pal. Jaja'a, nach'e naq'aeta da'me dojo'.