Juan 5:26 - Nuevo Testamento Toba Sombrero Negro

²⁶ Qa'a naq'aeta joñe'me Taĝadena' 'uo da'me mach'e lec'alaĝa da'me jo'ne mach'e 'loyaĝac, qama'le nach'e ena'am jayem yanem yema da'me 'yoyaĝac jo'ne 'uo da'me yec'alaĝa.

Nuevo Testamento Toba Sur

²⁶ Cha'ayi ñim lta'a huo'o da l'añaxac, da yaqto' maichi ÿan da nca'alaxa, nataq'en ÿanem na llalec da l'añaxac da ÿan da nca'alaxa.

La'aqtaqa Ñim Lo'onatac 'Enauacna 2013

²⁶ Cha'aye Ñim Lo'onatac 'Enauacna maye Ita'a, huo'o da la'añaxac da ỹan da nca'alaxa. Qaq de'era na'añaxac, damaye mashe Aỹem ỹanem.

Juan 5:26 Iomraidhean Croise

Juan 1:4

Nach'e ena'am da'me nach'eñe jo'ne chiyaqayi da'me nec'alaĝa, qama'le da'me nec'alaĝa nach'eda jo'ne yecoyadelegue ena'uaque gaa'me jiyaĝadipi.

Juan 10:18

Qa'a da'me 'yoyaĝac qaya'te doĝotaĝanec, qalaĝaja mach'e jayem da'me janegue, qa'a da'me jayem nach'e ena'am 'uo da'me yañoqotaĝanaĝac nataq'aen da'me qaedi yitaĝa jaconeguet. Qa'a naq'aeta da'me jo'ne jayem yamaĝalegue ñe'me Taĝadena'.”

Juan 11:25

Qama'le enaac ñe'me Jesús: —Jayem naqayem jo'ne 'ñiyelaĝachidijeguem jogaa'me napa'lpi nataq'aen da'me ñec'alaĝatedegue. Gaa'me jo'ne jayem p'iida'a, mate mane'e yele'u qalaĝaja yitaĝa ñec'alaĝatedegue;

Juan 11:26

nataq'aen ena'uaque jogaa'me jo'ne nec'aletedaye, qom jayem p'iida'a qama'le ja nale'en ta'le yele'u. ¿Qo'li a'uamaqaten nayi da'me dojo'?

Juan 14:19

Qomle male ja jayem 'te yauata ga'me aleua laje'pi, qalaĝaja da'me ami qamqa'me yitaĝa jayem auañiya qomle, nataq'aen da'me adec'aletedaye qomle qa'a nach'e ena'am da'me jayem yitaĝa jec'aletaye qomle.

Juan 14:6

Jesús 'yateguet joñe'me: —Naqayem jo'ne naq'aec, 'me eja nataq'aen da'me nec'alaĝa. Qaya'te naq'aec laqaya ta'le qoyovida'a ñe'me Taĝadena'.

Juan 4:10

Jesús 'yateguet: —Ta'le auayaten ga'me jo'ne Dios am yanem nataq'aen jayem auayaten da'me am jiyaĝatapecot qaedi jayem aniyomaĝan, qama'le ga'me aviyaĝanaque qama'le am janem ga'me noĝop jo'ne nec'alaĝaiqui.

Juan 6:57

Joñe'me Qadet'a 'me jayem namaĝaquena, 'uo da'me lec'alaĝa jo'ne qaya'te loiquiaqa', qama'le da'me jayem nach'e ena'am da'me nach'e eta't jec'aletaye, qa'a naqayem jo'ne joue'tajop joñe'me Qadet'a. Chane'eja nach'e ena'ama jogaa'me jo'ne yali'j jenjo' yapat: nataq'aen 'uo da'me lec'alaqa' qa'a jouaĝat jayem.

Juan 8:51

Eja da'me dojo' jo'ne ami ja'aĝatema: ga'me jo'ne yoqo'cha da'me 'yaqatac, nach'ega ja yeleu, dite da'me male yauana da'me lec'alaĝa jo'ne qaya'te loiquiaqa'.

Hechos 17:25

ja youetaque ta'le gamachaqaega 'uo ga'me ye'tem ñe'me, qa'a ñe'me nach'eñe jo'ne ena'uaque qo'mi yanema da'me qat'oyaĝac, ga'me layat nataq'aen uoja'aegaua laqaya.

1 Corintios 15:45

Nach'e ena'am naq'aeta da'me qoyediñe ca'li naa'me nedii's jo'ne 'laqatac ñe'me Dios, eet'oi: “Ñe'me 'uaeñe jiyaĝaua 'me lenaĝat Adán, ca'li qoye'et qama'le qoyanem da'me yataqata nec'aletaye qoyen.” Qalaĝaja ñe'me Adán jo'ne p'ategue, dojo' nach'eñe Cristo, qamqa'me nach'eñe yanegue da'me 'noyaĝac jo'ne chiyaqayi ñe'me Dios Lepaqal.

1 Timoteo 1:17

¡'Noota qom nach'e eta't qa'nonaĝachigui joñe'me, nataq'aen jaloĝonaq da'me onaĝaic lejaliaĝa joñe'me mach'e Qadejaliaĝanec jo'ne ja pal, nataq'aen Jaliaĝanec jo'ne qaya'te nalo'oguet, ja qoyauana, nach'eñe onolec mach'e Qanedios! Jaja'a, nach'e naq'aeta da'me dojo'.

1 Timoteo 6:16

Nach'eñe onolec jo'ne qaya'te nalo'oguet, nataq'aen ga'me lejaliaqa' 'uo joga'me edañgui jo'ne nach'ega netaue, nataq'aen qaya'te yaqanatet ta'le davi'teguet. Maliaĝa qaya'te jiyaĝaua ta'le yauana joñe'me, nataq'aen ja qoyaqanatet qom qoyetapega qoyauana. Qama'le ¡'noota ta'le nach'eñe yelo'tot da'me qo'nonaĝachigui choqoda'me let'adaic lejaliaĝa! Jaja'a, nach'e naq'aeta da'me dojo'.

Hebreos 1:2

Qalaĝaja nayi naa'me naajo' noloqo'ote jo'ne p'atedegue, male 'uo joñe'me jo'ne mach'e C'oĝot, qama'le nach'eñe jo'ne qo'mi yapaĝague'n, nach'eñe jo'ne qoyen loqo'te ena'uaque jogaa'me jo'ne uo'oe, qa'a nach'eñe 'me chiyaqayi da'me ye'et ena'uac joca'li.

Apocalipsis 21:6

Yem da'me dojo' qama'le yitaĝa jayem dojapegue', enaac: —Male joote jen yem. Mach'e jayem jo'ne je'uaechiñe nataq'aen da'me naqayem jo'ne jep'ategue, ena'am ta'le jayem alfa nataq'aen da'me jayem omega. Ga'me jo'ne yelinquip, janema qomle ga'me laiquip jo'ne chiyaqayi da'me nec'alaĝa, 'me chiyaqañgui ga'me noĝop jo'ne nach'e eta't da'me nayetaye, 'me ja qoyaqanatet ta'le qodicot.

Apocalipsis 22:1

Qama'le joñe'me piyem le'ec jayem yaloĝona di'me ñache jo'ne chichiñe jena'me noĝop jo'ne le'ec. Qama'le da'me 'loyaĝac di'me ñache ena'am ta'le cristal, nataq'aen da'me chiyoqotelegue ñe'me lejaliaqa' joñe'me Dios choqoñe'me 'Naĝanaĝate Lec'oĝot.

Apocalipsis 22:17

Joñe'me Dios Lepaqal nataq'aen jañe'me jo'ne jetaque en loua ñe'me 'Naĝanaĝate Lec'oĝot enaac: —¡Auanaequena! Da'me ami jo'ne jayem auomachiiya, aueñeetac: —¡Auanaequena! Joga'me jo'ne yelinquip, qa'a 'uo da'me lamaic da'me jayem nec'ata, qama'le 'noota qom niyomigui jenjo' noĝop jo'ne 'uo da'me nec'alaĝa, jena'me noĝop jo'ne ja qodicot.

Apocalipsis 7:17

qa'a joñe'me 'Naĝanaĝate Lec'oĝot jo'ne dajotalegue jaga'me je'onaĝaiqui jo'ne nejaliaĝaiqui, nach'eñe jo'ne nouatoqo't ena'uaque jogaa'me, qama'le yauetegue joga'me noĝop jo'ne yayetaye 'me chiyaqayi da'me nec'alaĝa. Nataq'aen joñe'me Dios male yiyo'y naa'me 'lae'te da'me niyojeguem yema jana'me lachi'.”