Juan 5:25 - Nuevo Testamento Toba Sombrero Negro

²⁵ Eja da'me ami ja'aĝatema: da'me male qoyoqo'ta ga'me nolo', nataq'aen da'me joote novi', qom jodia'me yele'u domachita da'me yajamaĝa, jayem mach'e Lec'oĝot joñe'me Dios, qama'le jogaa'me jo'ne domachita male nec'aletedaye.

Nuevo Testamento Toba Sur

²⁵ Qataq ÿataqta 'eesa de'eda qami' sa'axatema, da nagui mashi ivita yi laloqo', qaq nachina nagui na huetoigui da nam leuaxaicpi, da huo'otaq hua'axaÿa da lavilÿaxac na llalec ñi Dios, nachi cam ÿalaq nachi nca'aleec.

La'aqtaqa Ñim Lo'onatac 'Enauacna 2013

²⁵ Qaq huo'o nataqa'en da ỹataqta 'eesa 'eeta': nagui nam ỹataqta qaỹoqta naqa'en Ñim Lo'onatac 'Enauacna, Aỹem hua'aqtague', Aỹem maye Aỹem Llalec Ñimaye. Qaq da ỹalaxalec 'enauac nam shenapec, nache huo'o ca lca'alaxa chochaq tatec.

Juan 5:25 Iomraidhean Croise

Lucas 15:24

Qa'a jenjo' yalec ena'am ta'le yeleu mañaĝa qama'te 'niyelaĝa da'me lec'alaĝa; te'me yejomac mañaĝa, qalaĝaja yitaĝa jauanaĝa.» Qama'le jogaa'me yauote ga'me neualaĝayaĝac.

Lucas 15:32

Qalaĝaja, youen da'me jauoqo da'me qanetonaĝac jo'ne qadiqui'yaĝac nataq'aen qo'mi made'tape, qa'a ñe'me adanoqolec ena'am ta'le yeleu mañaĝa, qama'te yitaĝa nec'alegue; te'me yejomac mañaĝa, qalaĝaja yitaĝa jauanaĝa.»”

Lucas 9:60

Qalaĝaja Jesús 'yateguet: —Auomachiya'alo ga'me napa'lpi qaedi mach'e yijediñi gaa'me yele'u. Am qamqa'me oc qama'le a'uaĝatetac da'me lejaliaĝa ñe'me Dios.

Juan 13:1

Ca'li jona'li yovita ga'me neualaĝayaĝaiqui jo'ne Pascua, qama'le Jesús joote yayaten da'me yovida'a ga'me laloqo' da'me male ca'e jena'me aleua qaedi yec'ata ñe'me Let'a qama'le yitaĝa na'ajop. Joote yaloĝonalo da'me loqopich'i jogaa'me lapaĝaguenataqa jo'ne neteda'ña jena'me aleua, qama'le naq'aeta da'me noqopitalo jogaa'me chayovida'a qom yovita da'me loiquiaqa'.

Juan 17:1

Mane'e ca'li yem da'me 'yaĝatetac da'me dojo', qama'le Jesús yeloje'ma di'me piyem qama'le enaac: “Am Taĝadena', nayi male jayem novita da'me yaloqo': 'noota qom jayem a'nonaĝachichigue, qaedi nach'e ena'am da'me jayem male am 'ñonaĝachichigui.

Juan 4:21

Jesús 'yateguet: —Am yaqayole, ena'te jayem auoqoleguet queda'me novi' qomle ga'me nolo' da'me male ja yitaĝa ta'le anec'achiya jenjo' qajoĝonaĝa qom anetameñiyot joñe'me Qadet'a, nataq'aen da'me ja yitaĝa auajoyigui di'me Jerusalén.

Juan 4:23

Qalaĝaja male qoyoqo'ta ga'me nolo', nataq'aen da'me joote novi', qom ñe'me Qadet'a Lepaqal yanema ga'me jiyaĝadipi da'me yayate'n da'me eja qaedi yayate'n da'me yataqata netametot ñe'me Qadet'a, qa'a ñe'me Qadet'a onolec da'me dojo' 'yamaqaten ta'le qonetamenot.

Juan 5:21

Qa'a naq'aeta joñe'me Taĝadena' 'niyelaĝachidijeguem jodia'me yele'u nataq'aen da'me yanema da'me lec'alaĝa'j, qama'le nach'e ena'am jayem janem da'me nec'alaĝac ga'me jo'ne jetaque ua'ajop.

Juan 5:28

Ena'te aloualiya'a da'me dojo': queda'me novitena qomle ga'me nolo' da'me ena'uaque jodia'me joote yele'u domachita da'me yajamaĝa

Juan 6:60

Mane'e ca'li qodomachiya da'me dojo' lapaĝaguenataĝanaĝac joñe'me Jesús qama'le uo'oe gaa'me jiyaĝa'u jo'ne qayoĝode' 'me quetedapegue' joñe'me male enapega'ajalo: —¿Jach'e jogamaĝa yaqanatet ta'le yaconeguet da'me dojo' qaedi yoqo'cha, queda'me 'uo da'me laqalaic?

Juan 8:43

Da'me ami ja auaqanachichi ta'le auayachiñe da'me dojo' jo'ne ami japaĝagueneque, qa'a da'me ami yajouaĝa't queda'me nach'eda da'me ja anaquiaĝañiyalo naa'me 'yaqataqa.

Juan 8:47

Gaa'me Dios lec'oqo'te naquiaĝanalo naa'me 'laqataqa. Qalaĝaja queda'me ja ami 'te Dios lec'oqo'te, ja jetaque anaquiaĝañiya joñe'me.

Juan 9:27

Qama'le yitaĝa 'yategueta jogaa'me: —Jayem, joote yema da'me ami ja'aĝatema da'me jo'ne jayem ee'tec, qama'le ¿toqoch'e ja aueñi 'te eja da'me jo'ne ami ja'aĝatema? ¿Toqoch'e jetaque yitaĝa aueñi ji'iyelaĝalegue da'me 'yaqataĝanaĝac? ¿Qo'li jetaque nach'e ena'am oquiyegue ñe'me Jesús?

Romanos 6:4

Qa'a jouaĝat da'me nachilaĝanataĝanaĝac nach'e ena'am qo'mi ena'am ta'le jouaĝaue jaga'me napa'l lae't jo'ne qoyachaue ca'li ñe'me Cristo, nataq'aen ena'am ta'le qadeleu ca'li qaedi qo'mi qo'niyelaĝachidijeguem nataq'aen qadec'alegue qaedi jaconaĝaguet da'me 'noyaĝac dalaĝaic, nach'e naq'aeta ca'li Cristo qo'niyelaĝachijeguem, chiyaqayi da'me let'adaic lañoqotaĝanaĝac ñe'me Let'a.

Efesios 2:1

Ca'li da'me ami yataqata ena'am ta'le joote adelevi, qa'a yajouaĝat da'me yataqata ademiya'alo gaa'me adepatenaĝanaĝacodi', nataq'aen yataqata ami loeco lo'olpi.

Efesios 2:5

Temaq'aen da'me jenaqa'am da'me joote qadeleu ca'li jouaĝat jogaa'me qadoeco, male nayi Dios joote qo'mi yanema da'me qat'oyaĝac qa'a jouaĝat da'me joqo'taqataguet joñe'me Cristo. Chane'eja male 'uo da'me qadec'alaĝa qa'a jouaĝat da'me loqopich'i ñe'me Dios.

Efesios 5:14

Qama'le 'uo jo'me nolo' ca'li qoyediñe jena'me jenjo': “¡Aneloye, am uochaĝaic! ¡A'niyelaĝajeguem, auachiyaqauelo na'me napa'lpi, Qaedi joñe'me Cristo am yecoyadelegue!”

Colosenses 2:13

Da'me ami ena'am ta'le joote adelevi joca'li gaa'me noloqo'ote jo'ne joote yenoĝodegue, yajouaĝa't daa'me adoecodi' nataq'aen da'me ja aĝañiyegue da'me at'oyaĝaqui 'me toijec jo'ne oiquiaĝaic; qalaĝaja nayi Dios ami yanema da'me at'oyaĝaqui dalaĝaic queda'me ademii'teguet ñe'me Cristo, qama'le yapalaĝa't ena'uaque da'me qadoeco.

Apocalipsis 3:1

“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Sardes: «Da'me ami jo'ne oñiya'ña di'me Sardes, ami janema nayi jenjo' 'yaqatac, mach'e jayem jo'ne ñejaliaĝatelo'te jogaa'me siete nepaqa'li jo'ne chiyoqo'ot joñe'me Dios nataq'aen yajoqot'a gaa'me siete uaqachiñil: Joote jayaten yema da'me auauoyi jo'ne chiyaqayi da'me a'naqataguequi da'me yataqata anec'aliitaye, qalaĝaja ja naq'aeta, dite da'me ena'am ta'le joote adelevi.