Juan 5:23 - Nuevo Testamento Toba Sombrero Negro

²³ qaedi yema jayem qo'nonaĝachigui, da'me nach'e ena'am qo'nonaĝachigui da'me jo'ne yanem joñe'me Taĝadena'. Qa'a joga'me jo'ne ja jayem 'te 'nonaĝachichigui, nach'e ena'am ja 'nonaĝachichigui ñe'me Taĝadena', joñe'me jo'ne nach'eñe 'me jayem namaĝaquena.

Nuevo Testamento Toba Sur

²³ yaqto' 'enauac na shiÿaxauapi ishit da ÿi'oxoden na llalec, 'eeta'am naq'en da 'eetec da ÿi'oxoden ñi lta'a. Qaq cam sa ishit da ÿi'oxoden na llalec, qaq camayi sa ishit nataq'en da ÿi'oxoden ñim lta'a mayi namaq namayi.

La'aqtaqa Ñim Lo'onatac 'Enauacna 2013

²³ yaqto' 'enauac na shiỹaxauapi ishet da ỹo'oxoren na Llalec, 'eeta'am naqa'en da 'eetec da ỹo'oxoren Ñim Lta'a. Qaq cam saishet da ỹo'oxoren na Llalec, qaq camaye saishet nataqa'en da ỹo'oxoren Ñim Lta'a maye namaq Namaye.

Juan 5:23 Iomraidhean Croise

Mateo 10:37

Ñe'me jo'ne noqopita ga'me let'a uotaĝa lat'e qama'te ja yaguegue da'me jayem noqopita, qama'le ja tayet da'me ñauela't. Nataq'aen ñe'me jo'ne noqopita ga'me c'oĝot uotaĝa c'oqote qama'te ja yaguegue da'me jayem noqopita, qama'le ja tayet da'me ñauela't.

Mateo 11:27

“Joñe'me Taĝadena' jayem yanema ena'uaque jogaa'me jo'ne uo'oe. Qaya'te eja yataqachiñe eja yateton joñe'me Nec'oĝot, dite ñe'me Let'a; nataq'aen qaya'te yataqachiñe eja yateton joñe'me Net'a, dite ñe'me C'oĝot choqogaa'me jo'ne jetaque yatetonaĝa'n.

Mateo 12:21

Qama'le yema ga'me noyaqapi 'Uo da'me leuataqataĝanaĝa'j Da'me naqaeñe jo'ne chiyaqayi da'me nec'alaĝa.”

Mateo 15:8

«Jenjo' jiyaĝadipi ch'e jayem 'nonaĝachidegue naa'me nedegaqa'te, qalaĝaja naa'me lai'li ja jayem 'te yauoqoda'a.

Mateo 28:19

Chane'eja oquiyi nayi, auec'achiyalo ena'uaque ga'me jiyaĝadipi qama'le a'uaqataĝañema qaedi auauoyi' yapaĝaguenaqa. Anachilaĝañi' jogaa'me, da'me auachiyalo'te da'me lañoqotaĝanaĝac ñe'me Qadet'a choqoñe'me Lec'oĝot choqoñe'me Dios Lepaqal 'me ja 'nalegue,

Lucas 10:16

“Joñe'me jo'ne ami naquiaĝanalo, mach'e jayem naquiaĝana; joñe'me jo'ne ami 'yota'tape, mach'e jayem 'yotatac. Nataq'aen ñe'me jo'ne jayem 'yotatac, mach'e 'yotatac ñe'me jo'ne jayem namaĝaquena.”

Juan 14:1

“Ena'te ami totelo'te, dite da'me jayem auep'iiya'a nataq'aen da'me auep'iiya'a ñe'me Dios.

Juan 16:14

Nach'eñe ñe'me jo'ne yaloĝon da'me mach'e 'yonaĝac, qa'a yaconegueta naa'me jo'ne jayem chiyoqodayi qama'le nach'e ena'am ami yayatenaĝanaĝaneque.

Juan 17:10

Yema gaa'me yalemaĝaje'te nach'e ena'am adalemaĝaje'te, nataq'aen yema adalemaĝaje'te nach'e ena'am yalemaĝaje'te, qama'le da'me mach'e 'yonaĝac qoyela'a da'me uetauelo jogaa'me.

Romanos 1:7

Dios ami noqopitalo, nataq'aen ami qoyapetenegueta gaa'me Dios lec'oqo'tepi. 'Noota qom Dios mach'e Qadet'a nataq'aen ñe'me Qadejaliaĝanec Jesucristo ami yanema da'me anichoĝodenataguequi nataq'aen da'me at'emaĝaqui.

Romanos 15:12

Isaías nach'e ena'am yediñe da'me dojo': “Ga'me lolelaĝai 'me chiyoĝoguet di'me Jesé yitaĝa nolelijeguem qomle, Nach'eñe ñijeguem qomle qaedi nejaliaĝatelo'te yema ga'me noyaqapi, Qama'le nach'eñe joñe'me dajoteda'a jogaa'me.”

Romanos 6:22

Qalaĝaja nayi, auachiyoqoitelo'te naa'me adoecodi' da'me ami uojotedañi, male a'uoĝoñiuo'o da'me a'uonataĝañiuo'o ñe'me Dios. Dojo' qamqa'me eja 'uo ga'me anaviquila't, qa'a da'me chiyaqayi nach'eda 'noyaĝac 'me ja 'naidena'a.

Romanos 8:9

Qalaĝaja ami male ja oquitalo'te naa'me lamaico jo'ne yepaquetapegalo da'me anejiyaĝauayaĝaqui, dite ga'me jo'ne yepaquetapega ñe'me Dios Lepaqal, qom yataqachiñe eja ami uetauelo joñe'me. Ga'me jo'ne ja netaye ñe'me Cristo Lepaqal ja Cristo nejoĝonec.

1 Corintios 1:3

'Noota qom Dios mach'e Qadet'a nataq'aen ñe'me Qadejaliaĝanec Jesucristo ami yanema da'me anichoĝodenataguequi nataq'aen da'me at'emaĝaqui.

1 Corintios 10:31

Chane'eja, qom 'uo ga'me aualiquitac, uotaĝa 'uo ga'me aniyomiyigui, uotaĝa gamachaqaega a'vichetac, jalcote onaĝaic qom ga'me auauoyi nach'eda chiyaqayi da'me qo'nonaĝachigui ñe'me Dios.

1 Corintios 16:22

Qom 'uo ga'me ja noqopita ñe'me Jaliaĝanec, joote qoyachetalegue ga'me ne'uaĝanaguec jo'ne yataqachiñe t'adaic. ¡Am Qadejaliaĝanec, ja anayaloĝoden da'me auanaequena!

1 Corintios 6:19

¿Jeele ja auayachiñe queda'me adapachidiaĝaqui ena'am ta'le naqaega 'lachaqa' jo'ne netaue ñe'me Nepaqal 'me ja 'nalegue, nach'eda jo'ne ami yanema ñe'me Dios? Qama'le da'me ami ja naq'aeta ta'le adoqochidi' naa'me adapa'chidi',

2 Corintios 1:9

Janomaĝaguet da'me ena'am ta'le qo'mi qoyamaĝadoue da'me qadeleuaĝa, qalaĝaja dojo' nach'eda qo'mi yapaĝagueneque da'me qaedi ja mach'e ñip'iyaqala't, dite ñe'me Dios jo'ne 'niyelaĝachijeguem ga'me joote yele'u.

2 Corintios 5:14

Joda'me loqopich'i ñe'me Cristo napacalegue da'me qat'oyaĝac. Jayatenaq queda'me ena'uac nep'aĝanegueta ca'li yeleu ñe'me, chane'eja ena'am ta'le ena'uaque qo'mi joote qadeleu.

2 Corintios 5:19

Chane'eja ja'aĝataqatac da'me dojo' onaĝaic 'naqataĝanaĝac yema jena'me aleua: ñe'me Cristo nach'eñe chiyaqayi da'me qoyapalaĝa't jodaa'me qadoeco, nataq'aen ena'uac yanema da'me 'nemaĝac.

Efesios 6:24

'Noota qom joñe'me Dios yataqata yichoĝode'n onolqa'tape naa'me jo'ne yataqata ja yaĝadiñi da'me noqopideta joñe'me Qadejaliaĝanec Jesucristo, nach'e eta't ja pal.

2 Timoteo 1:12

Qama'le nayi, nach'eda da'me 'uo ga'me yachoĝodec, yajouaĝat da'me dojo' 'yonataĝanaĝac, qalaĝaja jenjo' yataqata ja jepocoĝolegue, qa'a jayaten ñe'me jep'iya'a, yataqata jayaten da'me 'uo da'me lañoqotaĝanaĝac qaedi jayem netela, chayovida'a qom yitaĝa 'niyelaq joñe'me Jaliaĝanec.

Hebreos 1:6

Qalaĝaja qom 'yaĝatetac joñe'me mach'e Lec'oĝot jo'ne nipiloĝot, da'me namaĝa'ña jena'me aleua, qama'le eetac: “Yema jogaa'me mach'e yamaĝa's jo'ne piyem laje'pi, 'Noota qom 'nonaĝachidegue joñe'me.”

2 Pedro 1:1

Jayem Simón Pedro, da'me jayem necochoqo't joñe'me Jesucristo nataq'aen da'me jayem lamaĝajec joñe'me, ami jamaĝalo da'me yep'iyenataĝanaĝac, da'me ami jo'ne joote auacoñiyeguet da'me nepe'e jo'ne yataqachiñe onaĝaic, yajouaĝat da'me ami yichoĝode'n joñe'me Qanedios jo'ne Qadec'alaĝaiqui mach'e Jesucristo, nach'eñe jo'ne yataqachiñe yataqatelegue. Chane'eja da'me adepi'i male ena'am da'me jo'ne mach'e qadepe'e.

2 Pedro 3:18

Qalaĝaja 'noota da'me yataqachiñe auatetoñi ñe'me Qadejaliaĝanec mach'e Qadec'alaĝaiqui Jesucristo, qama'le da'me ami nichiguegue da'me adoqopich'i. ¡'Noota qom qoyauana da'me 'lonaĝa joñe'me, nayi jenjo' nolo' nataq'aen yemeda naa'me noloqo'ote, nach'e eta't ja pal! Jaja'a, nach'e naq'aeta da'me dojo'.

1 Juan 2:23

Nataq'aen gamachaqaega jo'ne yoqoleguet joñe'me Lec'oĝot nach'e ena'am ja ue'tajop joñe'me Qadet'a; qalaĝaja joga'me jo'ne dechoqotaĝanec joñe'me Lec'oĝot, nach'ega ue'tajop joñe'me Qadet'a.

2 Juan 1:9

Qom 'uo ga'me eetapela't noqotetenegue da'me jo'ne joote Cristo dapaĝaguenataĝanec, nach'ega ja ue'tajop joñe'me Dios. Qalaĝaja ga'me jo'ne 'nañaĝateque daa'me daajo' Cristo lapaĝaguenataĝanaĝaco, nach'ega ue'tajop joñe'me Qadet'a nataq'aen joñe'me Lec'oĝot.