Juan 3:5 - Nuevo Testamento Toba Sombrero Negro

⁵ Jesús male 'yateguet: —Eja da'me am ja'aĝatem: joga'me jo'ne ja niyiñe q'aen ga'me noĝop nataq'aen ñe'me Dios Lepaqal ja yaqanatet ta'le taue da'me lejaliaĝa joñe'me Dios.

Nuevo Testamento Toba Sur

⁵ Nachi so Jesús 'enapeco': –Aja', ÿataqta 'eesa de'eda 'am sa'axatem, da ca sa ishit da nañan da qanachilaxan qataq da nañanot so Espíritu da nadalaxat, nachi camayi sa ishit da inoxoneu'a da l'onataxanaxac ñi Dios da ilo'ogue 'enauacna.

La'aqtaqa Ñim Lo'onatac 'Enauacna 2013

⁵ Nache So Jesús 'enapeco': –Aja', ỹataqta 'eesa de'era 'am sa'aqtaxanem, da ca saishet da nañan da qaltaq qanachelaxangui na 'etaxat qataq da nañanot So Saqcha'a Na'añaxac da naralaxat, nache camaye saishet da inoxoneua'a da lo'onataxanaxac Ñim Lo'onatac 'Enauacna.

Juan 3:5 Iomraidhean Croise

Mateo 18:3

qama'le enaac: —Eja ami ja'aĝatema queda'me qom ja aueñiya'ama gaa'me ñoqolqa da'me anejouoqoeñi, qama'le ja auaqanachichi ta'le ayoue da'me lejaliaĝa jodi'me piyem.

Mateo 19:24

Ami ji'iyelaĝatelo'te queda'me ena'am ta'le ñe'me jiyac jo'ne camello ja yaqalaatac ta'le taue jaga'me qana 'laete, da'me te'me ja yaqanatet ta'le taue da'me Dios lejaliaĝa ga'me neuoyaq.

Mateo 21:31

Chane'eja, ¿jach'e ga'me ya'uo ga'me let'a loequenataĝanaĝac naa'me naajo' dojolqa? Jogaa'me 'yadeteguet: —Ñe'me 'uaeñe. Qama'le Jesús enaac: —Yataqata eja da'me dojo' jo'ne ami ja'aĝatema: jogaa'me lo'ol da'me yacoteguet jaga'me nejetenaqate di'me Roma, choqogaa'me quejeguetaĝail, ami yep'aĝatedegue da'me tadoue qomle da'me lejaliaĝa ñe'me Dios jo'ne na'ague di'me piyem.

Mateo 28:19

Chane'eja oquiyi nayi, auec'achiyalo ena'uaque ga'me jiyaĝadipi qama'le a'uaqataĝañema qaedi auauoyi' yapaĝaguenaqa. Anachilaĝañi' jogaa'me, da'me auachiyalo'te da'me lañoqotaĝanaĝac ñe'me Qadet'a choqoñe'me Lec'oĝot choqoñe'me Dios Lepaqal 'me ja 'nalegue,

Mateo 3:11

“Eja queda'me jayem male ami ñachilaĝañilo ga'me noĝop queda'me ami ñepoda'tape qaedi a'viyelaqaiyot joñe'me Dios; qalaĝaja ñe'me jo'ne novi' qomle jayem najoyalegue jo'ne jayem napacalegue, qama'le ja jalo'taguet da'me ch'e yechequetelegue ta'le jachi'y gaa'me lapela'te. Nach'eñe ami nachilaĝaneque qom'te joñe'me Dios Lepaqal nataq'aen ga'me dole'.

Mateo 5:20

“Qalaĝaja ami ja'aĝatema queda'me qom ja anapaquiyalo'te ga'me judiopi napaĝaguenoqo'tpi nataq'aen joga'me fariseopi, ta'le auauoyi ga'me chimaqachiñe 'me Dios yiyamaĝaden, qama'le ja auaqanachichi ta'le ayoue da'me lejaliaĝa ñe'me Dios 'me ne'tague di'me piyem.

Marcos 10:14

Jesús dalemata ca'li yauana da'me dojo', qama'le dojapegue'to gaa'me lapaĝaguenataqa, enaac: —Auomachiyi'yalo gaa'me ñoqolqa da'me jayem nec'adeta, nataq'aen ena'te a'uoitapegueta, qa'a gaa'me jo'ne tadoue da'me lejaliaĝa joñe'me Dios, nach'egaua ena'ama naajo' ñoqolqa.

Marcos 16:16

Joga'me jo'ne p'iya'a nataq'aen qonachilaĝan, naqaega yataqachiñe qonec'alaĝategue; qalaĝaja ga'me jo'ne ja p'iya'a, naqaega 'uo da'me naviyaqataguec.

Marcos 9:47

Nach'e ena'am qom na'me at'aete auachiyoĝotaye da'me aua'uo ga'me adoec, ¡'noota qom anaqat! Qa'a 'noota da'me am qanam qom aue da'me Dios lejaliaĝa, qalaĝaja ja 'noota ta'le nalo'ta'ajalo gaa'me at'ae'te da'me am qoyajaĝaue di'me ne'uaĝanaqa' gaa'me loeco lo'olpi,

Lucas 13:24

—'Noota qom a'nañaĝachi ta'le ayo'uet ga'me jom jo'ne jaleca'ague; qa'a ami ja'aĝatema queda'me qayoĝode' gaa'me jetaque tado'uet, qalaĝaja ja yaqanate't.

Lucas 13:3

Qalaĝaja ami ja'aĝatema queda'me ja naq'aeta; nataq'aen da'me ami qom ja a'niyelaqaeyot joñe'me Dios, qama'le nach'e ena'am adelevi qom'te.

Lucas 13:5

Qalaĝaja ami ja'aĝatema queda'me ja naq'aeta; nataq'aen qom mach'e ami da'me ja a'niyelaqaeyot joñe'me Dios, qama'le nach'e ena'am adelevi qom'te.”

Juan 1:13

Chane'eja nach'egaua jo'ne yataqachiñe lec'oqo'tepi joñe'me Dios, qama'le ja naqaeda da'me ch'e nejiyaĝauayaĝa'j jo'ne chiyaqayi da'me niyidiñe q'ae'n, choqonaa'me mach'e lamaico gaa'me jiyaĝa'u, dite ñe'me Dios, nach'eñe jo'ne chiyoqodayi.

Juan 3:3

Jesús 'yateguet: —Eja da'me am ja'aĝatem: joga'me jo'ne ja yitaĝa niyiñe ja yaqanatet ta'le yauana da'me lejaliaĝa joñe'me Dios.

Juan 3:4

Qama'le Nicodemo enaac: —¿Qo'li yaqanatet ta'le niyiñe ga'me jiyaĝaua qom joote 'yaĝaic? ¡Yataqachiñe ja yaqanatet ta'le yitaĝa taue lauel jaga'me lat'e qaedi yitaĝa niyiñe!

Hechos 2:38

Pedro 'yategueta jogaa'me: —A'niyelaqaeyot joñe'me Dios, nataq'aen onolqa'tape ami auacoñiyeguet da'me nachilaĝanataĝanaĝac jo'ne en di'yoq da'me auep'iiya'a joñe'me Jesucristo, qaedi Dios yapalaĝa't jodaa'me adoecodi', qama'le nach'eda naq'aeta ami qoyanema joñe'me Dios Lepaqal jo'ne ja 'nalegue.

Hechos 3:19

Chane'eja, a'niyelaqaeya ñe'me Qadejaliaĝanec Dios nataq'aen auep'iiya'a ñe'me, qaedi yapalaĝa't jodaa'me adoecodi',

Romanos 14:17

Joda'me lejaliaĝa ñe'me Dios ja qoyelo'ogue joga'me niqui'yaĝac uotaĝa joga'me qoniyomigui, nach'edata da'me yataqata qoyen p'ajaye da'me qoye'et joda'me 'noota nataq'aen da'me 'uo da'me 'nemaĝac choqoda'me namaic 'me chiyoqo'ot joñe'me Dios Lepaqal.

Romanos 8:2

Qa'a da'me 'lañaĝac ñe'me Dios Lepaqal jo'ne yanegue da'me 'noyaĝac 'me chiyaqayi ñe'me Cristo Jesús, jayem chiyoĝotalegue ga'me lamaĝajoĝonaĝac da'me etaĝaloĝoc nataq'aen da'me neleuaĝa jo'ne jayem yecoñedeta't.

1 Corintios 15:50

Ami yaqaya'olqa, jetaque 'uo ga'me ami ja'aĝatema: da'me qat'oyaĝac jo'ne yeleu qomle ja yaqanatet ta'le taue da'me lejaliaĝa ñe'me Dios, nataq'aen ga'me jo'ne yovita da'me nouayi ja yaqanatet ta'le neleguemaĝata da'me ja 'naidena'a.

1 Corintios 2:12

Qo'mi qamqa'me joote jayatenaq ga'me jo'ne Dios qo'mi yanema, qa'a ñe'me Lepaqal jo'ne joote jaconaĝaguet ja chiyaqa'ña jena'me jenjo' aleua dite da'me chiyoqo'ot joñe'me Dios.

1 Corintios 6:11

Uo'oe gaa'me naq'aeta ca'li da'me 'loyaĝa'j. Qalaĝaja male ami qonachilaĝa'n; male joote ami qoyiyota'alo qaedi oviyo'ot ñe'me Dios; male ami qoye'n yataqatelo'te q'ae'n; nach'eda lañoqotaĝanaĝac ñe'me Jaliaĝanec Jesucristo nataq'aen Lepaqal 'me ja 'nalegue ñe'me Qanedios jo'ne ami 'yetema da'me dojo'.

Gálatas 6:15

Qalaĝaja, eja male ja p'ajaye qom qoyaconeguet da'me 'nanaĝajet jo'ne nichaĝajoĝonaĝac, uotaĝa ja qoyaconeguet. Da'me jo'ne p'ajaye ta'le dalaĝaic da'me lajoĝoc ga'me jiyaĝaua.

Efesios 5:26

qama'le qo'mi 'yaĝatema da'me 'laqataĝanaĝac qaedi male yataqata e'n qo'mi loqo'te nataq'aen da'me qo'mi e'n yoqovite' da'me qo'mi qonachilaĝa'n,

1 Pedro 1:2

Da'me ami jalchi'ena da'me ami liquiyaqa joñe'me Qadet'a Dios qa'a naq'aeta da'me lelnataĝac joca'li, qama'le ñe'me Lepaqal en ami ja 'nalo'te qaedi auoqochiiya joñe'me nataq'aen da'me joote qoyapalaĝa't gaa'me adoecodi' yajouaĝat da'me naliñi q'aen jaga'me letauo' joñe'me Jesucristo ca'li yeleu. Auacoñiyeguet da'me anichoĝodenataguequi 'me chiyoqo'ot joñe'me Dios nataq'aen da'me at'emaĝaqui.

1 Pedro 3:21

Qama'le nach'ega ga'me noĝop male yelo'teguet da'me chilaĝanataĝanaĝac, jo'ne nach'e ena'am male chiyaqayi da'me ami qonec'alaĝatedegue. Qalaĝaja da'me chilaĝanataĝanaĝac ja naqaega ta'le yiyo na'me qado'oc, dite da'me qoyiyaĝanot ñe'me Dios qaedi en yoqovita na'me qadauel, yajouaĝat da'me qo'mi nec'alaĝatedegue joñe'me Jesucristo jo'ne 'niyelaĝajeguem joca'li.

1 Juan 2:29

Qom joote auayachiñe queda'me Jesucristo yataqata chimaqachiñe, qama'le nach'e ena'am auayachiñe queda'me ena'uaque jogaa'me yauote jodaa'me jo'ne chimadichidiñe, nach'egaua yataqata Dios lec'oqo'tolqa.

1 Juan 5:1

Ena'uaque jogaa'me jo'ne p'iida'a queda'me Jesús mach'e Dios Liquiyac, nach'egaua mach'e Dios lec'oqo'tolqa. Nataq'aen gamachaqaega jo'ne noqopita ga'me net'a, nach'e ena'am noqopitalo jogaa'me lec'oqo'te ga'me.