Juan 3:3 - Nuevo Testamento Toba Sombrero Negro

³ Jesús 'yateguet: —Eja da'me am ja'aĝatem: joga'me jo'ne ja yitaĝa niyiñe ja yaqanatet ta'le yauana da'me lejaliaĝa joñe'me Dios.

Nuevo Testamento Toba Sur

³ Nachi so Jesús 'enapega somayi, 'eeta': –Aja', ÿataqta 'eesa de'eda 'am sa'axatem, da ca shiÿaxaua da sa ishit da ÿi'iguelaxalec da qaltaq ñiguiñi, qaq sa ishit da ila'a da l'onataxanaxac ñi Dios da ilo'ogue 'enauacna.

La'aqtaqa Ñim Lo'onatac 'Enauacna 2013

³ Nache So Jesús 'enapega somaye, 'eeta': –Aja', ỹataqta 'eesa de'era 'am sa'axatem, da ca shiỹaxaua da saishet da ỹe'eguelaxalec da qaltaq ñiguiñi, qaq camaye saishet da ila'a da lo'onataxanaxac Ñim Lo'onatac 'Enauacna.

Juan 3:3 Iomraidhean Croise

Mateo 16:17

Chane'eja Jesús enaac: —Am matacolec Simón, Jonás lec'oĝot, qa'a ja ch'e auachiyoĝotayelo gaa'me jiyaĝa'u da'me auateton, dite da'me am yatetonaĝanec ñe'me Taĝadena' 'me na'ague di'me piyem.

Mateo 19:24

Ami ji'iyelaĝatelo'te queda'me ena'am ta'le ñe'me jiyac jo'ne camello ja yaqalaatac ta'le taue jaga'me qana 'laete, da'me te'me ja yaqanatet ta'le taue da'me Dios lejaliaĝa ga'me neuoyaq.

Mateo 21:31

Chane'eja, ¿jach'e ga'me ya'uo ga'me let'a loequenataĝanaĝac naa'me naajo' dojolqa? Jogaa'me 'yadeteguet: —Ñe'me 'uaeñe. Qama'le Jesús enaac: —Yataqata eja da'me dojo' jo'ne ami ja'aĝatema: jogaa'me lo'ol da'me yacoteguet jaga'me nejetenaqate di'me Roma, choqogaa'me quejeguetaĝail, ami yep'aĝatedegue da'me tadoue qomle da'me lejaliaĝa ñe'me Dios jo'ne na'ague di'me piyem.

Mateo 5:18

Chane'eja ami jayateneque qom cha'li 'uo di'me piyem nataq'aen jena'me aleua, qaya'te 'uo ga'me cat'oñoq qoyalaĝat jodaa'me namaĝajoĝonaĝaco uotaĝa ch'e onolec nediijec jo'ne qonaqat, chayovida'a qom yema yepaquichiguilo.

Marcos 10:14

Jesús dalemata ca'li yauana da'me dojo', qama'le dojapegue'to gaa'me lapaĝaguenataqa, enaac: —Auomachiyi'yalo gaa'me ñoqolqa da'me jayem nec'adeta, nataq'aen ena'te a'uoitapegueta, qa'a gaa'me jo'ne tadoue da'me lejaliaĝa joñe'me Dios, nach'egaua ena'ama naajo' ñoqolqa.

Marcos 9:47

Nach'e ena'am qom na'me at'aete auachiyoĝotaye da'me aua'uo ga'me adoec, ¡'noota qom anaqat! Qa'a 'noota da'me am qanam qom aue da'me Dios lejaliaĝa, qalaĝaja ja 'noota ta'le nalo'ta'ajalo gaa'me at'ae'te da'me am qoyajaĝaue di'me ne'uaĝanaqa' gaa'me loeco lo'olpi,

Juan 1:13

Chane'eja nach'egaua jo'ne yataqachiñe lec'oqo'tepi joñe'me Dios, qama'le ja naqaeda da'me ch'e nejiyaĝauayaĝa'j jo'ne chiyaqayi da'me niyidiñe q'ae'n, choqonaa'me mach'e lamaico gaa'me jiyaĝa'u, dite ñe'me Dios, nach'eñe jo'ne chiyoqodayi.

Juan 1:5

Da'me dojo' lauaq da'me necoyadaĝanaĝat en yoqochiñe q'aen ga'me 'lalaĝa, qama'le da'me 'lalaĝa ja yaqanatet ta'le 'yomaĝat da'me yoqochiñe.

Juan 1:51

Nach'e ena'am enaac ñe'me Jesús: —Eja da'me ami ja'aĝatema: da'me auañiya qomle di'me piyem 'nouategue nataq'aen jogaa'me piyem laje' jo'ne lamaĝa's ñe'me Dios yec'adidijeguem choqoda'me nenochidi'ña joñe'me Jiyaĝaua Lec'oĝot.

Juan 12:40

“'Laqatac ñe'me Dios, enaac: japadelo'te naa'me 'lae'te jogaa'me qaedi ja yaqanate't ta'le yauata, Nataq'aen da'me ja jen 'te damichiguilo naa'me lai'li, qaedi qaya'te ta'le yayaten; Qaedi ja jayem 'te 'niyelaĝadeta, qama'le ja jen 'te yemedegue.”

Juan 3:4

Qama'le Nicodemo enaac: —¿Qo'li yaqanatet ta'le niyiñe ga'me jiyaĝaua qom joote 'yaĝaic? ¡Yataqachiñe ja yaqanatet ta'le yitaĝa taue lauel jaga'me lat'e qaedi yitaĝa niyiñe!

2 Corintios 4:4

Da'me onaĝaic 'naqataĝanaĝac qo'mi 'yaĝatema da'me 'lonaĝac ñe'me Cristo, nataq'aen Cristo p'ayet da'me qo'mi yaloĝonalo da'me 'lonaĝac joñe'me Dios. Dojo' 'naqataĝanaĝac ena'am jaga'me coyadaĝanaqate da'me laqaselegaĝac; qalaĝaja gaa'me jo'ne ja p'iida'a ja yaqanate't da'me yec'ate'n, qa'a ñe'me Satanás ja yaje'tema.

2 Corintios 5:17

Nayi yataqachiñe qademe'teguet ñe'me Cristo, qo'mi jo'ne dalaĝaic da'me qa'netaguec. Ñe'me Dios male ja yitaĝa qo'mi yec'ateneque ga'me toijec qat'oyaĝac, dite da'me qo'mi yanema da'me qaedi jaconaĝaguet da'me dalaĝaic qat'oyaĝac.

Gálatas 6:15

Qalaĝaja, eja male ja p'ajaye qom qoyaconeguet da'me 'nanaĝajet jo'ne nichaĝajoĝonaĝac, uotaĝa ja qoyaconeguet. Da'me jo'ne p'ajaye ta'le dalaĝaic da'me lajoĝoc ga'me jiyaĝaua.

Efesios 2:1

Ca'li da'me ami yataqata ena'am ta'le joote adelevi, qa'a yajouaĝat da'me yataqata ademiya'alo gaa'me adepatenaĝanaĝacodi', nataq'aen yataqata ami loeco lo'olpi.

Tito 3:5

qama'le qo'mi nec'alaĝatedegue. Dojo' ya'uo ja naqaeda ta'le yajouaĝat da'me jauoqo ga'me chimaqachiñe, dite da'me yajouaĝat da'me yataqata qo'mi yichoĝode'n. Chane'eja ñe'me Lepaqal 'me ja 'nalegue yiyo'y naa'me qadai'li nataq'aen en dalaĝaic da'me qadañoĝoc qama'le qo'mi yadalaĝa't.

Santiago 3:17

Qalaĝaja jogaa'me jo'ne ue'tajopa joda'me nayatenaĝanaĝac jo'ne chiyaqaje'ma joñe'me Dios, 'uaeñe da'me nedo'ta't yema joda'me 'loyaĝac, nataq'aen da'me joĝodaic choqoda'me onaĝaicaloec, nataq'aen choĝodenataĝanaĝayaqa nataq'aen da'me yataqatelegue ya'uo da'me lecochaĝac jo'ne onaĝaic, nataq'aen da'me ja ch'e noqovila't, choqoda'me onaĝaic joda'me ya'uo.

1 Pedro 1:3

'Ñonaĝataĝaye joñe'me Qadet'a Dios jo'ne Let'a joñe'me mach'e Qadejaliaĝanec Jesucristo, qa'a naqaeñe jo'ne yataqachiñe choĝodenataĝanaĝaic, qama'le qo'mi yanema da'me qat'oyaĝac jo'ne dalaĝaic. Chane'eja male 'uo da'me qadeuataqataĝanaĝac jo'ne ja yitaĝa ta'le pal, yajouaĝat da'me joote 'niyelaĝajeguem joñe'me Jesucristo ca'li chiyaqauelo ga'me napa'lpi.

1 Juan 2:29

Qom joote auayachiñe queda'me Jesucristo yataqata chimaqachiñe, qama'le nach'e ena'am auayachiñe queda'me ena'uaque jogaa'me yauote jodaa'me jo'ne chimadichidiñe, nach'egaua yataqata Dios lec'oqo'tolqa.

1 Juan 3:9

Gaa'me Dios lec'oqo'tepi ja quetedalegue da'me loe'j, qa'a ue'tajopa da'me 'noyaĝac jo'ne Dios yanema. Qama'le qaya'te loeco jogaa'me, qa'a mach'e lec'oqo'tepi joñe'me Dios.

1 Juan 5:1

Ena'uaque jogaa'me jo'ne p'iida'a queda'me Jesús mach'e Dios Liquiyac, nach'egaua mach'e Dios lec'oqo'tolqa. Nataq'aen gamachaqaega jo'ne noqopita ga'me net'a, nach'e ena'am noqopitalo jogaa'me lec'oqo'te ga'me.

1 Juan 5:18

Yataqachiñe jayatenaq queda'me ena'uaque gaa'me Dios lec'oqo'tolqa ja maliaĝa quetalo'te gaa'me loeco, dite ñe'me Dios Lec'oĝot netelalo jogaa'me qama'le ñe'me payac ja yaqanatet ta'le 'uo ga'me 'yeteque.

1 Juan 5:4

qa'a ena'uaque jogaa'me jo'ne Dios lec'oqo'tolqa joote noma't da'me ja no'en: qama'le da'me qadepe'e qo'mi yanema da'me ñomataq da'me ja no'en.

Apocalipsis 3:14

“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Laodicea: «Da'me ami jo'ne oñiya'ña di'me Laodicea, ami janema nayi jenjo' 'yaqatac, mach'e jayem jo'ne jayem yataqata eja, jayem choqotaĝanaĝaic 'me yataqatelegue nataq'aen da'me nach'ayem jo'ne jayem chiyoqodayi yemeda gaa'me uo'oe jo'ne ye't joñe'me Dios: