Juan 3:27 - Nuevo Testamento Toba Sombrero Negro

²⁷ Juan male 'yategueta jogaa'me: —Qaya'te ta'le 'uo ga'me ua'ajop joga'me jiyaĝaua qom ja Dios ya'uo ga'me yanem.

Nuevo Testamento Toba Sur

²⁷ Nachi so Juan 'enapegalo soomayi, 'eeta': –Qaica ca shiÿaxaua maichi nalligoxottela't da huo'o ca i'ot, da huo'otaq sa ishit da ÿanem ñi Dios camayi cam i'ot.

La'aqtaqa Ñim Lo'onatac 'Enauacna 2013

²⁷ Nache so Juan 'enapegalo soomaye, 'eeta': –Qaica ca shiỹaxaua maiche nallegoxottela't da huo'o ca ỹo'ot da huo'otaq saishet da ỹanem Ñim Lo'onatac 'Enauacna camaye.

Juan 3:27 Iomraidhean Croise

Mateo 25:15

Ga'me 'uaeñe yanem cinco nemena jo'ne talentos, ga'me laqaya dojole ga'me yanema nataq'aen laqaya yanem jaga'me onole, onolqa'tape qoyen naloqote'teguet ga'me mach'e nalo'taguet. Yem qama'le dajoyi ga'me qaya'ague.

Marcos 13:34

'Noota qom aueñe'tema gaa'me lalemaĝaje'te ñe'me jiyaĝaua jo'ne yec'ata ga'me aleua laqaya. Qama'le yepotanegueta gaa'me lalemaĝaje'te ga'me 'lachaqa' qaedi neteleta: onolqa'tape yepotaneguet ga'me 'lonatac, nataq'aen yamaĝalegue ga'me neteloqo't ga'me jom qaedi yeviteta't.

Juan 10:41

Qama'le jalcote gaa'me jiyaĝadipi jo'ne yec'adeta, qama'le enapega't: —Eja da'me mate mane'e Juan ja ya'uo ga'me onolec 'nanec 'me di'yoq, qalaĝaja yema da'me jo'ne 'yaĝatetac dojo' jiyaĝaua naqaeda jo'ne yataqatelegue.

Juan 6:65

Qama'le ua'a ca'li male ya'uo da'me loqotetenaĝanaĝac: —Qo'che' naq'aeta da'me dojo' ñenaĝategue da'me qaya'te yaqanatet ta'le jayem nec'ata, qom ñe'me Taĝadena' ja jayem 'te novidaĝa'ta joga'me.

Romanos 1:5

Chiyaqayi ñe'me Jesucristo jaconeguet da'me jayem qoyeyala'ac da'me jayem namaĝajec, jayem qoyanec da'me jo'onataĝaneuo'o, qaedi yema jena'me aleua uo'oe gaa'me p'iida'a joñe'me nataq'aen yoqochideta.

Romanos 12:6

Qa'a da'me lichoĝodenataĝanaĝac ñe'me Dios mach'e chiyoqochigui da'me qo'mi qoyanema yodapecache q'aen ga'me qanemeyaĝac, naq'aeta ga'me jo'ne ñe'me naloqotenaĝa'teguet onolqa'tape. Chane'eja qom Dios qo'mi yanema da'me qo'mi 'laqataĝanaĝanaqa qama'le ja'aĝataqatac qom naq'aeta da'me qadepe'e jo'ne qo'mi uetauelo.

1 Corintios 1:1

Jayem Pablo, jo'ne jayem qoyiyaĝana qaedi jayem lamaĝajec joñe'me Cristo Jesús —naq'aeta da'me mach'e loequenataĝanaĝac joñe'me Dios— choqoñe'me qadaqaya Sóstenes,

1 Corintios 12:11

Qalaĝaja nach'eñe ñe'me Dios Lepaqal jo'ne ye't ena'uaque naa'me naajo' uo'oe; onolqa'tape p'etaqadaiquipi nalotapegueta q'aen ga'me yanema.

1 Corintios 15:10

Qalaĝaja nach'eñe ñe'me Dios jo'ne jayem yichoĝoden, ya'uo da'me qaedi nayi male jayem lamaĝajec joñe'me Cristo, nataq'aen da'me lichoĝodenataĝanaĝac ñe'me Dios 'uo da'me jalayaĝac, qa'a yataqachiñe t'adaic da'me 'yonataĝanaĝac, ja jena'ama gaa'me namaĝa's laqaya'. Qalaĝaja ja mach'e 'yonataĝanaĝac, dite da'me jayem 'yonataĝanaĝan da'me lichoĝodenataĝanaĝac ñe'me Dios.

1 Corintios 3:5

¿Toqoch'e qo'nonaĝachigui ñe'me Apolo? ¿Toqoch'e jayem qo'nonaĝachigui? Ch'e qo'mi lamaĝa's joñe'me Dios, jo'ne qo'mi auachiyoĝochiyayelo da'me male auep'iiya'a ñe'me Dios. Je'etaq ga'me 'nonatac jo'ne qo'mi yanema ñe'me Jaliaĝanec:

1 Corintios 4:7

Jega, am yaqaya, ¿qo'li qoyen anapacalo'te jogaa'me adaqaya'olqa? Qalaĝaja ¡yema da'me dojo' jo'ne am ua'ajop nach'eñe Dios am yanem! Ta'le naq'aeta qom Dios am yanema naa'me naajo' uo'oe, qama'le qaya'te ladic ga'me at'aqatac ta'le auenapela't am 'noota jo'ne anapacalo'te ga'me adaqaya'.

Gálatas 1:1

Jayem Pablo jo'ne jayem Jesucristo lamaĝajec, jo'ne jayem qoyeladelegue da'me qaedi ja'aĝatetac 'naqataĝanaĝac jo'ne onaĝaic. Qaya'te gamachaqaega ch'e aleua le'ec ta'le jayem yiyaĝana qaedi jayem lamaĝajec, dite nach'eñe ñe'me Jesucristo nataq'aen ñe'me Dios mach'e Let'a jo'ne 'niyelaĝachijeguem ca'li joñe'me.

Efesios 1:1

Mach'e jayem Pablo, jo'ne lamaĝajec joñe'me Jesucristo, qa'a Dios mach'e yataqata jayem ee'tec. Ami yaqaya'olqa jo'ne Éfeso laje', ami jo'ne eja yataqata ovitaue jena'me Dios lec'oqo'tepi, nataq'aen yataqata auep'iiya'a joñe'me Jesucristo, yataqata t'adaic da'me yamaic ami janema.

1 Timoteo 2:7

Nach'ena jenjo' qoyen ja'aĝatetac uotaĝa jayem aqataĝanaĝaic naa'me naajo' 'naqataqa, qama'le jayem yamaĝalo joga'me ja judiopi qaedi japaĝaguetapeque gaa'me ejoda jo'ne 'laqataĝanaĝaco joñe'me Jesús. Jenjo' jo'ne ja'aĝatetac yataqata eja, ja joqovinaĝatac.

Santiago 1:17

qa'a yema da'me jo'ne onaĝaic nataq'aen da'me qaneme qoyen jo'ne ja 'nalegue 'me qo'mi qoyanema, yema chiyoĝogue di'me p'ajeguem jo'ne neta'ña joñe'me Dios, joñe'me jo'ne yauo'oe naa'me jo'ne 'uo da'me laqaselegaĝa'j jo'ne lecoyadaĝanaqate q'aen di'me piyem, joñe'me Dios jo'ne ja nadalaĝatela't, qama'le ja ena'am ga'me nepaqaliaĝala' da'me nach'e eta't da'me nichiquetapiyet ga'me nepaqal.