Juan 3:25 - Nuevo Testamento Toba Sombrero Negro

²⁵ Qalaĝaja jogaa'me lapaĝaguenataqa ñe'me Juan 'uaeñe da'me nec'onaĝadapegue' joga'me jo'ne judío le'ec yajouaĝat da'me qoyadalaĝat ga'me jo'ne 'nejola't nataq'aen da'me qoyen yoqovita,

Nuevo Testamento Toba Sur

²⁵ Nachi huo'o na nallippi so Juan na ncotatac, ncotatague' na judiopi, qancotatapigui da lataxac da 'onataxac da nqui'itaxatta ca shiÿaxaua.

La'aqtaqa Ñim Lo'onatac 'Enauacna 2013

²⁵ Huo'o so na'a'q, nache huo'oi soua lapaxaguenataqa so Juan da ncotategueto so 'oonolec judío le'ec, ncotatrapigui da lataxac dam nỹoxoc na judiopi.

Juan 3:25 Iomraidhean Croise

Mateo 3:11

“Eja queda'me jayem male ami ñachilaĝañilo ga'me noĝop queda'me ami ñepoda'tape qaedi a'viyelaqaiyot joñe'me Dios; qalaĝaja ñe'me jo'ne novi' qomle jayem najoyalegue jo'ne jayem napacalegue, qama'le ja jalo'taguet da'me ch'e yechequetelegue ta'le jachi'y gaa'me lapela'te. Nach'eñe ami nachilaĝaneque qom'te joñe'me Dios Lepaqal nataq'aen ga'me dole'.

Marcos 7:8

Qa'a ami yataqata aĝañidegue daa'me lamaĝajoĝonaĝaco ñe'me Dios, qaedi oquiyegue da'me jo'ne 'loyaĝa'j 'me naeda'ac jena'me jenjo' jiyaĝadipi choqodia'me adet'aldi'.

Juan 2:6

Uo'oe ñaa'me seis naco'nal 'me qa' lojochel jo'ne uedañgui nale gaa'me cincuenta litros uotaĝa setenta litros ga'me noĝop 'me le'e'j, qaedi gaa'me 'nachaqadiaĝa'u yiyo'y naa'me loua' nale, naq'aeta da'me naeda'ac ga'me judiopi.

Hebreos 6:2

Ja yitaĝa ta'le ji'iyelaĝajoĝolegue da'me ja'aĝataqatac da'me chilaĝanataĝanaĝac uotaĝa da'me jachaqalo'te naa'me qadoua' jogaa'me p'etaqadayaqa, uotaĝa da'me qo'niyelaĝachidijeguem jogaa'me joote yele'u, uotaĝa da'me Dios laloqotenaĝanaĝac jo'ne qaya'te loiquiaqa'.

Hebreos 9:10

Yema da'me dojo' jo'ne qoya'uo joca'li, nach'edaua daa'me namaĝajoĝonaĝaco jo'ne ch'e yelotede'eguet da'me jiyaĝaua lapachiaĝac, da'me 'uo da'me niqui'yaĝac nataq'aen da'me yomaĝac, choqodaa'me niyoĝoco jo'ne yodapecache, da'me dojo' jo'ne te'me 'uo da'me lajo'viyaĝac chayovida'a qom Dios yadalaĝa't yemeda jogaa'me uo'oe.

Hebreos 9:23

Chane'eja 'uo da'me youetaque da'me 'uo ga'me najaqajec qaedi yiyo'y qoye'n jogaa'me uo'oe jo'ne ch'e lequi'il gaa'me jo'ne yoĝodache 'me ueda'ague di'me piyem. Qalaĝaja gaa'me yoĝodache jo'ne ueda'ague di'me piyem, youetapiye ga'me najaqajec jo'ne onaĝaic, 'me ja ena'ama gaa'me jo'ne qoyauo'oe nale.

1 Pedro 3:21

Qama'le nach'ega ga'me noĝop male yelo'teguet da'me chilaĝanataĝanaĝac, jo'ne nach'e ena'am male chiyaqayi da'me ami qonec'alaĝatedegue. Qalaĝaja da'me chilaĝanataĝanaĝac ja naqaega ta'le yiyo na'me qado'oc, dite da'me qoyiyaĝanot ñe'me Dios qaedi en yoqovita na'me qadauel, yajouaĝat da'me qo'mi nec'alaĝatedegue joñe'me Jesucristo jo'ne 'niyelaĝajeguem joca'li.