Juan 3:15 - Nuevo Testamento Toba Sombrero Negro

¹⁵ qaedi ena'uaque jogaa'me jo'ne p'iida'a joñe'me yauata da'me 'loyaĝa'j jo'ne ja 'naidena'a.”

Nuevo Testamento Toba Sur

¹⁵ yaqto' 'enauac nam i'amaqten namayi, nachi sa ishit da ileu, chaqdata da huo'o da lca'alaxa mayi chochaq tateec.

La'aqtaqa Ñim Lo'onatac 'Enauacna 2013

¹⁵ yaqto' 'enauac nam Aỹem ỹa'amaqten, nache saishet da ileu, nachaqrata da huo'o da lca'alaxa maye chochaq tatec.

Juan 3:15 Iomraidhean Croise

Mateo 18:10

Ena'te a'uotañi ga'me onolec naa'me naajo' 'najodolqa, qa'a ami ja'aĝatema queda'me uo'oe joga'me neuatoqo'tpi jo'ne piyem laje' 'me nach'e eta't dajoeda'aguet na'me latajoĝoc ñe'me Taĝadena'.

Mateo 25:46

Da'me ami, auec'achiya ga'me ane'uaĝanaguequi 'me ja 'naidena'a, qalaĝaja gaa'me joĝodayaqa lai'li qamqa'me yec'adeta da'me 'noyaĝac jo'ne ja 'naidena'a.»”

Marcos 16:16

Joga'me jo'ne p'iya'a nataq'aen qonachilaĝan, naqaega yataqachiñe qonec'alaĝategue; qalaĝaja ga'me jo'ne ja p'iya'a, naqaega 'uo da'me naviyaqataguec.

Lucas 19:10

Qa'a jayem jo'ne Jiyaĝaua Lec'oĝot ñanaequena qaedi ñemitaque ga'me jo'ne yejomac nataq'aen ñec'alaĝategue joga'me.

Juan 1:12

Qalaĝaja uo'oe gaa'me jo'ne yacoteguet joñe'me, nataq'aen da'me p'iida'a, qama'le yanema da'me yaqanate't q'ae'n da'me e'n Dios lec'oqo'tepi.

Juan 16:33

Joote ami ja'aĝatema yema daa'me daajo' qaedi ami uetauelo da'me 'nemaĝac da'me adaloi'ta't queda'me jayem ovi'tajop. Ga'me aleua laje'pi ami yachalo'te qomle da'me adachoĝodequi, qalaĝaja 'noota qom a'nañaĝachi qa'a da'me jayem joote ñomat ñe'me jo'ne nejaliaĝatelo'te ga'me aleua laje'pi.

Juan 20:31

Qalaĝaja naa'me naajo' 'naqataqa male qoyedidiñe qaedi a'uamaqachiñe joñe'me Jesús da'me nach'eñe jo'ne Dios Liquiyac, nataq'aen da'me yataqachiñe Lec'oĝot joñe'me Dios. Chane'eja qom auep'iiya'a joñe'me qama'le 'uo da'me adec'alaĝaqui jo'ne chiyaqayi joñe'me.

Juan 3:16

Qa'a naq'aeta da'me Dios noqopitalo ena'uaque gaa'me aleua laje'pi, queda'me yanegue ñe'me mach'e Lec'oĝot jo'ne onolec, qaedi ena'uaque jogaa'me jo'ne p'iida'a joñe'me ja yitaĝa yele'u dite da'me yauata da'me 'loyaĝa'j jo'ne ja 'naidena'a.

Juan 3:36

Joga'me jo'ne p'iya'a ñe'me Lec'oĝot yauana da'me 'loyaĝac jo'ne ja 'naidena'a; qalaĝaja joga'me jo'ne ja yoqo'cha ñe'me Lec'oĝot ja yauana da'me lec'alaĝa, dite da'me taue da'me ne'uaĝanaguec 'me chiyaqayi joñe'me Dios.

Juan 5:24

“Eja da'me ami ja'aĝatema: ga'me jo'ne naquiaĝanalo naa'me 'yaqataqa nataq'aen p'iya'a ñe'me jo'ne jayem namaĝaquena, qama'le yauana da'me lec'alaĝa jo'ne qaya'te loiquiaqa', nataq'aen da'me ja yitaĝa 'uo da'me ne'uaĝanaguec, qa'a joote chiyaqaue da'me neleuaĝa qama'le yataqachiñe nec'aletaye.

Juan 6:27

Da'me ami, a'uonataĝañi, qalaĝaja ja a'uonataĝañetapiye ga'me nalic jo'ne di'yoq, dite ga'me niqui'yaĝat jo'ne nach'e eta't 'uo, 'me chiyaqayi da'me 'nec'alaĝa jo'ne qaya'te loiquiaqa', da'me jo'ne janegue, da'me jayem jo'ne jayem Jiyaĝaua Lec'oĝot, naqayem jo'ne jayem daloĝonataĝana ñe'me Qadet'a Dios, queda'me naqayem jo'ne jayem 'yamaqaten.

Juan 6:40

Qa'a da'me lelnataĝac joñe'me Taĝadena', yemeda jogaa'me jo'ne jayem yauata da'me jayem Lec'oĝot ñe'me Dios, nataq'aen da'me jayem p'iida'a, qama'le jetaque yauata da'me lec'alaĝa'j jo'ne qaya'te loiquiaqa'. Qa'a da'me jayem male 'ñiyelaĝachidijeguem jogaa'me qom yovita ga'me nolo' jo'ne p'ategue.

Juan 6:47

“Eja da'me ami ja'aĝatema: joga'me jo'ne jayem p'iya'a, male yauana da'me lec'alaĝa jo'ne qaya'te loiquiaqa'.

Hechos 13:41

«Auec'achiñe, ami jo'ne otanaĝanaĝaiquipi, auoqochetapeguem nataq'aen ami pa'l qomle, qa'a 'uo ga'me ja'uo nayi naa'me noloqo'ote jo'ne ovitauelo, gaa'me 'yonataqa jo'ne ja a'uamaqachiñe qom 'uo gamachaqaega ami t'aqataĝanema.»”

Hechos 8:36

Ca'li copa'ta qama'le yovideta ga'me jo'ne 'uo ga'me noĝop, ñe'me jaliaĝanec enaac: —'Uo jena'me noĝop jenjo'; ¿qo'li 'uo jogamaĝa qalaqa't ta'le jayem qonachilaĝan?

Romanos 5:21

Qama'le naq'aeta queda'me 'uo da'me 'lañaĝac ga'me noecopi novidaĝat da'me neleuaĝa, nataq'aen ena'am naq'aeta da'me lichoĝodenataĝanaĝac ñe'me Dios 'uo da'me lañoqotaĝanaĝac da'me qo'mi e'n yataqatelo'te nataq'aen qo'mi yanema da'me qat'oyaĝac jo'ne ja 'naidena'a, chiyaqayi ñe'me Qadejaliaĝanec Jesucristo.

1 Corintios 1:18

Ga'me jo'ne qoyapalaĝa't qom'te eetedapega ch'e chiyoĝojoĝoc da'me leleuaĝa ñe'me Cristo ca'li qoyep'elegue jaga'me sodoso, qalaĝaja qo'mi jo'ne qadec'alegue qomle jayatenaq queda'me jenjo' 'naqataĝanaĝac mach'e lañoqotaĝanaĝac joñe'me Dios.

2 Corintios 4:3

Gaa'me jo'ne ja yaqanate't ta'le yayate'n da'me onaĝaic 'naqataĝanaĝac jo'ne ja'aĝataqatac, nach'egaua jo'ne ja nec'aledegue.

Gálatas 2:16

qalaĝaja jayatenaq queda'me jaldata ñe'me Dios yataqatelo'te q'ae'n jogaa'me jo'ne p'iida'a ñe'me Jesucristo, nataq'aen qaya'te gamachaqaega yaqanatet ta'le nec'aliyi daa'me namaĝajoĝonaĝaco nach'edi qom te'me que'teguelo. Chayovida'a mach'e qo'mi da'me jep'iyaqa ñe'me Jesucristo qaedi Dios qo'mi yataqatelo'te q'ae'n queda'me 'uo da'me qadepe'e, qa'a ñe'me Dios qaya'te gamachaqaega yataqatelo'te q'ae'n qom nach'edata da'me que'teguelo jodaa'me namaĝajoĝonaĝaco.

Gálatas 2:20

qama'le male ja naqayem ta'le mach'e jec'aletaye, dite ñe'me Jesucristo 'me nec'aletaye nach'eñe jayem nec'aletaye q'aen. Qama'le nayi jec'aletaye yajouaĝat da'me jep'iya'a ñe'me Lec'oĝot ñe'me Dios, qa'a ñe'me jayem noqopita nataq'aen najetoue da'me leleuaĝa qaedi jayem nec'alaĝategue.

Hebreos 10:39

Da'me qo'mi qamqa'me ja ji'iyelaĝajoĝogue ga'me joote jachiyoĝojoĝoguet qama'le ja jajoqo'taguet ga'me ua'a da'me male qo'mi qoyala't, dite da'me 'uo da'me mach'e qadepe'e qama'le yataqata jovidaqa'a da'me nec'alaĝa.

Hebreos 7:25

Qo'che' yataqata yaqanatet ta'le nach'e eta't da'me nec'alaĝatedegue joga'me jiyaĝadipi, jogaa'me jo'ne 'yamaqate'n joñe'me da'me jetaque yec'adeta joñe'me Dios. Qa'a naqaeñe jo'ne nach'e eta't da'me nec'aletaye, qama'le nach'e eta't da'me nachoĝodetapelo'te jogaa'me.

1 Juan 2:25

Dojo' nach'eda jo'ne qo'mi 'yaĝatema joñe'me Jesucristo da'me 'noyaĝac jo'ne yataqatelegue.

1 Juan 5:1

Ena'uaque jogaa'me jo'ne p'iida'a queda'me Jesús mach'e Dios Liquiyac, nach'egaua mach'e Dios lec'oqo'tolqa. Nataq'aen gamachaqaega jo'ne noqopita ga'me net'a, nach'e ena'am noqopitalo jogaa'me lec'oqo'te ga'me.

1 Juan 5:20

Nach'e ena'am jayatenaq queda'me ñe'me Lec'oĝot joñe'me Dios joote naequena, qama'le qo'mi yanema da'me qadetadenataĝanaĝac qaedi yataqachiñe jatetonaq joñe'me Dios jo'ne eja. Nataq'aen 'noota qom 'ñañaĝataĝala't da'me qolaqatalegue ñe'me jo'ne yataqata eja, naq'aeta da'me qolaqatalegue Lec'oĝot Jesucristo. Naqaeñe mach'e Dios yataqata eja, jo'ne qo'mi yanema da'me qat'oyaĝac jo'ne yataqatelegue.