Juan 3:11 - Nuevo Testamento Toba Sombrero Negro

¹¹ Eja da'me am ja'aĝatem: queda'me qo'mi ja'aĝataqatac da'me jo'ne mach'e jayatenaq, nataq'aen jechoqotaqatac da'me jo'ne joote jauanaĝa. Qalaĝaja da'me ami ja auacoñiyeguet da'me jo'ne ñenaĝataĝaye.

Nuevo Testamento Toba Sur

¹¹ Aja', qalaxayi ÿataqta 'eesa de'eda 'am sa'axatem, da qomi' sa'axataqtac cam saÿajnaq qataq cam sauanaqchigui, qalaxayi qami' sa ishit da qomi' qau'amaqchiñi'.

La'aqtaqa Ñim Lo'onatac 'Enauacna 2013

¹¹ Aja', qalaxaye ỹataqta 'eesa de'era 'am sa'axatem, da qomi' saỹatenaqta da sa'axataqtac, cha'aye ỹataqta sauanaqchigui. Qalaxaye qami' saishet da qaua'amaqchiñi da sa'axataqtac.

Juan 3:11 Iomraidhean Croise

Mateo 11:27

“Joñe'me Taĝadena' jayem yanema ena'uaque jogaa'me jo'ne uo'oe. Qaya'te eja yataqachiñe eja yateton joñe'me Nec'oĝot, dite ñe'me Let'a; nataq'aen qaya'te yataqachiñe eja yateton joñe'me Net'a, dite ñe'me C'oĝot choqogaa'me jo'ne jetaque yatetonaĝa'n.

Mateo 23:37

“¡Ami Jerusalén laje', jo'ne aualachi' dia'me Dios 'laqataĝanaĝanaqa nataq'aen auajaĝayique ga'me qadipi dia'me aqataĝanaĝayaqa jo'ne Dios ami namaĝalo! ¡Nach'eda da'me jetaque ami jemata'a't, ena'am jaga'me olegaĝa yapetetapega't gaa'me c'oqo'tolqa yacho'oto ga'me laua, qalaĝaja ami ja a'uamaqachiñe!

Lucas 10:22

“Ñe'me Taĝadena' jayem yanema ena'uaque gaa'me jo'ne uo'oe. Qaya'te yayaten jach'e ñe'me Nec'oĝot, dite ñe'me Taĝadena' jayem yateton. Nataq'aen qaya'te yayaten jach'e jogamaĝa Net'a, dite jayem mach'e C'oĝot jateton, nataq'aen ena'uaque jogaa'me jo'ne jetaque jatetonaĝaneque ñe'me Taĝadena'.”

Juan 1:11

Qama'le da'me male nec'ata jena'me mach'e 'naleua, jogaa'me mach'e 'lachaqa' laje'pi ja yacoteguet joñe'me.

Juan 1:18

Ñe'me Dios qaya'te ua'a ta'le 'uo ga'me yauana, onolec ñe'me Lec'oĝot jo'ne nach'e ena'am Dios nataq'aen da'me ne'tajop joñe'me Let'a, nach'eñe 'me qo'mi yatetonaĝanaĝaneque.

Juan 12:49

Qa'a da'me jo'ne japaĝaguenataĝanec nale ja ch'e yelnataĝac, dite da'me chiyaqayi ñe'me Taĝadena' jo'ne jayem namaĝaquena. Nach'eñe jo'ne joote jayem yanem da'me mach'e 'yaqataĝanaĝac choqoda'me yapaĝaguenataĝanaĝac.

Juan 14:24

Ga'me jo'ne ja jayem 'te noqopita, nach'ega jo'ne ja yoqocha'alo naa'me 'yaqataqa. Nach'ena na'me 'yaqataĝanaĝac jo'ne joote auomachiya; ja mach'e yelnataĝac, dite da'me chiyoqo'ot joñe'me Taĝadena' jo'ne jayem namaĝaquena.

Juan 3:12

Qom jayem auoqoleguechi da'me ami ja'aĝatema gaa'me uo'oe jena'me aleua, ¿qo'li ja nach'e ena'am jayem auoqoleguechi qom ja'aĝate'tape gaa'me uo'oe di'me piyem?

Juan 3:13

“Qaya'te ta'le yec'adije'ma di'me piyem dite ñe'me jo'ne nenochiñe 'me chiyoĝogue di'me piyem, jo'ne nach'eñe Jiyaĝaua Lec'oĝot.

Juan 3:3

Jesús 'yateguet: —Eja da'me am ja'aĝatem: joga'me jo'ne ja yitaĝa niyiñe ja yaqanatet ta'le yauana da'me lejaliaĝa joñe'me Dios.

Juan 3:5

Jesús male 'yateguet: —Eja da'me am ja'aĝatem: joga'me jo'ne ja niyiñe q'aen ga'me noĝop nataq'aen ñe'me Dios Lepaqal ja yaqanatet ta'le taue da'me lejaliaĝa joñe'me Dios.

Juan 5:43

Naqayem jo'ne jachiyoqo'ot ñe'me Qadet'a, qama'te ja jayem 'te auacoñiyeguet; qalaĝaja ta'le 'uo ga'me jiyaĝaua laqaya jo'ne novi' mach'e 'naĝatapela't, qama'le nach'ega jo'ne auacoñiyeguet.

Juan 7:16

Jesús male 'yategueta jogaa'me: —Da'me dojo' yapaĝaguenataĝanaĝac ja mach'e yoĝot, dite da'me loĝot ñe'me jo'ne jayem namaĝaquena.

Juan 8:14

Jesús male 'yategueta: —Da'me dojo' yapaĝaguenataĝanaĝac 'uo da'me lajo'viyaĝac, mate mane'e mach'e jayem da'me 'ñaĝatetapela't, qa'a jayaten ga'me jo'ne jachiyoĝogue nataq'aen ga'me jo'ne jec'ata qomle. Qama'le ja ena'am da'me ami: ja auayachiñe ga'me jachiyoĝogue nataq'aen di'me jo'ne jec'ata qomle.

Juan 8:26

Qa'a da'me jayem maliaĝa jalcote da'me jo'ne jetaque ami ja'aĝatema nataq'aen da'me jec'ate'n naa'me adaviyaĝaje'chedi'. Qalaĝaja ñe'me jo'ne jayem namaĝaquena eja da'me 'laqatac, qama'le da'me jo'ne joote jayem 'yaĝatem joñe'me, nach'eda da'me jo'ne ami ja'aĝatema da'me joue'ta jenjo' aleua.

Juan 8:38

Da'me ñenaĝategue da'me jo'ne jayem yaloĝona ñe'me Taĝadena', qama'le nach'e ena'am da'me ami, 'noota qom auoqochiiya da'me joote auomachiiya ñe'me Adet'ai.

Hechos 22:18

Jauana ñe'me Jaliaĝanec jo'ne jayem dojapegue', enaac: «Am enegue, paja'a oca'e jena'me Jerusalén, qa'a ja qoyoqo'cha da'me jayem a'uaĝatetac.»

2 Corintios 4:4

Da'me onaĝaic 'naqataĝanaĝac qo'mi 'yaĝatema da'me 'lonaĝac ñe'me Cristo, nataq'aen Cristo p'ayet da'me qo'mi yaloĝonalo da'me 'lonaĝac joñe'me Dios. Dojo' 'naqataĝanaĝac ena'am jaga'me coyadaĝanaqate da'me laqaselegaĝac; qalaĝaja gaa'me jo'ne ja p'iida'a ja yaqanate't da'me yec'ate'n, qa'a ñe'me Satanás ja yaje'tema.

Apocalipsis 1:5

qama'le nach'e ena'am chiyoqo'ot joñe'me Jesucristo, nach'eñe jo'ne choqotaĝanaĝaic 'me yataqatelegue, joñe'me jo'ne 'uaechiñe da'me 'niyelaĝajeguem da'me chiyaqauelo gaa'me napa'lpi, qama'le yataqata nejaliaĝatelo'te yema jogaa'me nejaliaĝanaqa jena'me aleua. Nach'eñe jo'ne jalcote da'me qo'mi noqopitalo, Qama'le qo'mi doĝotaĝaneque gaa'me qadoeco Ca'li naliñi jaga'me letauo' da'me qoyalat.

Apocalipsis 3:14

“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Laodicea: «Da'me ami jo'ne oñiya'ña di'me Laodicea, ami janema nayi jenjo' 'yaqatac, mach'e jayem jo'ne jayem yataqata eja, jayem choqotaĝanaĝaic 'me yataqatelegue nataq'aen da'me nach'ayem jo'ne jayem chiyoqodayi yemeda gaa'me uo'oe jo'ne ye't joñe'me Dios: