Juan 21:15 - Nuevo Testamento Toba Sombrero Negro

¹⁵ Ca'li yem da'me niqui'yaĝac, qama'le Jesús yenat ñe'me Simón Pedro: —Simón jo'ne am lec'oĝot ñe'me Juan, ¿qo'li yataqachiñe jayem adoqopita, da'me ja ena'ama naa'me naajo' adaqaya'? Pedro 'yateguet joñe'me: —Jaja'a, Jaliaĝanec, joote auayaten da'me am jauotec. Qama'le Jesús enaac: —Qama'le 'noota qom adetelalo naa'me yoqo'te, jo'ne ena'am ta'le yelopi 'naĝanaĝate lec'oqote.

Nuevo Testamento Toba Sur

¹⁵ Qaq co'ollaq ime da nqui'axac, nachi so Jesús inat so Simón Pedro, 'eeta': –'Am Simón mayi 'am llalec so Jonás, ¿peta'a ÿacteec da aÿim 'auauotec, qaq sa ishit da qoneta'am ne'ena 'adaÿipi da aÿim ÿauotec? Nachi so Pedro 'enapeco': –Aja', 'am ÿataxala', 'am 'auaÿaten mque' da 'am sauotec. Nachi so Jesús 'enapego' somayi, 'eeta': –'Antela'a qone' na ilopi qagueta llalaqpi.

La'aqtaqa Ñim Lo'onatac 'Enauacna 2013

¹⁵ Qaq co'ollaq ime da lquia'axa'c, nache So Jesús inat so Simón Pedro, 'eeta': –'Am Simón maye 'am llalec so Jonás, ¿peta'a ỹoqta Aỹem 'arauotaxat, qaq saishet da qoneta'am ne'ena 'araỹepi? Nache so Pedro 'enapeco': –Aja', 'am Ỹataxala', 'am 'auaỹaten mque' da 'am sauotec. Nache So Jesús 'enapego' somaye, 'eeta': –'Antela'a qone' na ilopi qagueta llalaqpi.

Juan 21:15 Iomraidhean Croise

Mateo 10:37

Ñe'me jo'ne noqopita ga'me let'a uotaĝa lat'e qama'te ja yaguegue da'me jayem noqopita, qama'le ja tayet da'me ñauela't. Nataq'aen ñe'me jo'ne noqopita ga'me c'oĝot uotaĝa c'oqote qama'te ja yaguegue da'me jayem noqopita, qama'le ja tayet da'me ñauela't.

Mateo 16:17

Chane'eja Jesús enaac: —Am matacolec Simón, Jonás lec'oĝot, qa'a ja ch'e auachiyoĝotayelo gaa'me jiyaĝa'u da'me auateton, dite da'me am yatetonaĝanec ñe'me Taĝadena' 'me na'ague di'me piyem.

Mateo 18:10

Ena'te a'uotañi ga'me onolec naa'me naajo' 'najodolqa, qa'a ami ja'aĝatema queda'me uo'oe joga'me neuatoqo'tpi jo'ne piyem laje' 'me nach'e eta't dajoeda'aguet na'me latajoĝoc ñe'me Taĝadena'.

Mateo 26:33

Pedro 'yateguet: —Mate mane'e ena'uaque ja netouetec da'me am p'iida'a, jayem qamqa'me ja am 'te jeca'e.

Mateo 26:35

Qalaĝaja Pedro yepalatapega: —Mate mane'e am jele'ta'y qomle qalaĝaja ja am 'te ñemanec. Nataq'aen ena'uaque jogaa'me lapaĝaguenataqa naq'aeta da'me nenaĝatedegue.

Marcos 14:29

Pedro enaac: —Mate mane'e ena'uaque dajodegue qomle, jayem qamqa'me ja am 'te jeca'e.

Lucas 12:32

“Ena'te at'oiyi, ami yaqaya'olqa; ja ami 'te lama'ejoda, qalaĝaja ñe'me Adet'ai yepaquetapega ta'le ami yanema da'me lejaliaĝa.

Lucas 22:32

qalaĝaja joote ñachoĝodetapecot ñe'me Dios queda'me am ñachoĝodetapelegue qaedi ja qaya da'me adepe'e. Qama'le am, qom jayem a'niyeloqot, qama'le alecochiyalo naa'me adaqaya'olqa qaedi 'nañaĝatela'ajalo.

Juan 1:42

Ca'li yem da'me dojo' qama'le Andrés yauec ñe'me Simón yauega joga'me ue'ta ñe'me Jesús. Mane'e ca'li Jesús yauana joñe'me, qama'le eetac: —Naqa'am jo'ne am Simón, lec'oĝot ga'me Juan, qalaĝaja nayi jen adenaĝat da'me Cefas ('me yeloteguet da'me Pedro.)

Juan 13:37

Male ñe'me Pedro enaac: —Jaliaĝanec, ¿toqoch'e ja jaqanatet ta'le am jequegue nayi? Yataqata jaqanatet da'me janegue da'me 'yoyaĝac qaedi am jequegue.

Juan 16:27

qa'a nach'eñe ñe'me Taĝadena' jo'ne ami noqopitalo, jouaĝat da'me jayem adoqopichiya, nataq'aen da'me a'uamaqachiñe da'me naqayem jo'ne jachiyoĝogue ñe'me Dios.

Juan 21:12

Qama'le Jesús enaac: —Auanaeyiquena qaedi cha'li aueque'eyi. Qalaĝaja jogaa'me lapaĝaguenataqa qaya'te ta'le 'uo ga'me onolec jo'ne yañoĝot da'me yenat joñe'me da'me jach'e jogamaĝa, qa'a joote yayate'n da'me nach'eñe joñe'me Jaliaĝanec.

Juan 21:7

Chane'eja ñe'me napaĝaguenatac jo'ne yataqata nauotaĝaua joñe'me Jesús t'aqataĝanem joñe'me Pedro, enaac: —¡Naqaeñe ñe'me Qadejaliaĝanec! Mane'e da'me domachiya ñe'me Simón Pedro da'me naqaeñe joñe'me Jaliaĝanec, qampaja'a da'me nejachegue jaga'me lapoto, da'me qaya'te louo laqaya ta'le yatañe, qama'le tañgui joga'me noĝop.

Juan 8:42

Jesús 'yategueta jogaa'me: —Ta'le eja da'me Adet'ai ñe'me Dios, qama'le jayem adoqopichiya, qa'a da'me jayem jachiyaqaje'ma ñe'me Dios, chane'eja jayem 'uo. Nataq'aen da'me ja mach'e yelnataĝac da'me ñanaequena, dite da'me nach'eñe ñe'me Dios da'me jayem namaĝaquena.

Hechos 20:28

Chane'eja 'noota qom a'vicheta't adechiliyalo ena'uaque ga'me p'etaqadaiquipi, nach'eda jo'ne Dios Lepaqal ami e'n 'naĝanaĝate neuatoqo'tpi qaedi adechiliyalo ena'uaque ga'me Dios lec'oqo'tepi jo'ne nach'eñe en lajo'vi jaga'me letauo' ñe'me mach'e lec'oĝot da'me ecot.

Hechos 20:29

Jayaten queda'me qom male jec qama'le novi't qomle ga'me jiyaĝa'u laqaya' jo'ne ena'ama gaa'me uaĝayaĝa poliodi' jo'ne chaqayaqa let'al, jetaque yapalaĝa't qomle ga'me Dios c'oqo'tepi.

Romanos 14:1

Auacoñiyeguet joga'me p'etaqadaic jo'ne ja jalcote t'añi da'me lepe'e, qalaĝaja ena'te anecotai'ye' joga'me.

Romanos 15:1

Qo'mi jo'ne joote 'uañaĝaic da'me qadepe'e, 'noota qom jaconaĝagueta daa'me lachoĝolaĝaco gaa'me jo'ne maliaĝa ja 'uañaĝaic da'me lepi'iyaĝa'j, nataq'aen ja jelaqaque ga'me mach'e qo'mi ja'amaqatenaq.

1 Corintios 8:11

Chane'eja jouaĝat da'me adayatenaĝanaĝac, ga'me adaqaya jo'ne qaya'te 'lañaĝac da'me latetonaĝanaĝac male yejomac, jo'ne nach'e ena'am Cristo nemeguet ca'li yeleu.

Gálatas 5:6

Qom joqotaĝaguet ñe'me Cristo, male ja p'ajaye da'me joote jaconaĝaguet ga'me 'nanaĝajet 'me nichaĝajoĝonaĝac uotaĝa qom ja naq'aeta. Da'me jo'ne p'ajaye ta'le jep'iyaqa ñe'me Cristo, nataq'aen da'me dojo' qadepi'iyaĝac qo'mi tauelo q'ae'n da'me qadoqopitalo jogaa'me qadaqaya'olqa.

Efesios 4:14

Male ja jenaqa'ama gaa'me ñoqolqa jo'ne nejouoĝodiñe nale daa'me lelnataĝaco qama'le ena'am ta'le ga'me layat yayoĝo'n. Da'me qo'mi qamqa'me male ja jaconaĝagueta gaa'me lapaĝaguenataĝanaĝaco gaa'me qovinaĝanaĝayaqa jo'ne ch'e yoqovi'n jena'me layi qaedi yejomaĝana'ape.

Efesios 6:24

'Noota qom joñe'me Dios yataqata yichoĝode'n onolqa'tape naa'me jo'ne yataqata ja yaĝadiñi da'me noqopideta joñe'me Qadejaliaĝanec Jesucristo, nach'e eta't ja pal.

Hebreos 13:20

Joñe'me Dios jo'ne qo'mi yanema da'me 'nemaĝac, qa'a nach'eñe 'me 'niyelaĝachijeguem ñe'me Jesús da'me en chiyaqauelo dia'me napa'lpi, joñe'me Jesús jo'ne 'naĝanaĝate 'nouatoqo't 'me p'ajaye, ñe'me mach'e Qadejaliaĝanec jo'ne joote yomat da'me niyamaqataĝanaĝac jo'ne qaya'te loiquiaqa', yajouaĝat da'me qoyen naliñi jaga'me letauo'.

Hebreos 4:13

Gaa'me 'lonataqa joñe'me Dios, qaya'te onolec ta'le yaqanatet ta'le nañoĝochiñejop joñe'me, dite da'me yataqata di'yoq ena'uac. Chane'eja qom male jajoqo'tot joñe'me, qama'le nach'eda da'me 'laqatac joñe'me jo'ne qo'mi naloqote'n qama'le qo'mi dechoqotaĝaneque.

1 Pedro 1:8

Da'me ami joote adoqopichiya joñe'me Jesucristo, mate mane'e ja auañiya, qama'le nayi auep'iiya'a joñe'me mate mane'e ja aueloi'yot. Chane'eja yataqata ami made'tape nayi, yataqachiñe let'adaic da'me adamaiqui jo'ne ja qoyaqanatet ta'le qouenate'ta qaedi qo'yaĝatetac,

1 Pedro 2:2

Ena'am ga'me notolec jo'ne yemta niyiñe netaque da'me lamaic jaga'me lochi', qama'le nach'e ena'am da'me ami, 'noota qom anechiyaque da'me lamaic da'me 'laqatac ñe'me Dios, qaedi ga'me jo'ne chiyaqayi en anichiquitajeguem nataq'aen da'me 'uo da'me adec'alaĝaqui,

1 Pedro 2:25

Qa'a da'me ami joca'li aueñiya'ama gaa'me 'naĝanaĝatel jo'ne yejoma'ape, qalaĝaja nayi joote a'niyelaqaeya joñe'me Cristo, jo'ne ami netelalo qama'le ena'am ga'me 'naĝanaĝate nouatoqo't jo'ne nach'e eta't da'me nelotaye qaedi ami yelo'ogueta.

1 Juan 4:19

Qama'le qadoqopita joñe'me Dios qalaqach'ele 'uaeñe joñe'me qo'mi noqopitalo.

1 Juan 5:1

Ena'uaque jogaa'me jo'ne p'iida'a queda'me Jesús mach'e Dios Liquiyac, nach'egaua mach'e Dios lec'oqo'tolqa. Nataq'aen gamachaqaega jo'ne noqopita ga'me net'a, nach'e ena'am noqopitalo jogaa'me lec'oqo'te ga'me.

Apocalipsis 2:23

Qama'le nach'e ena'am jala't qomle jogaa'me jo'ne ueteda'ajop jañe'me, qaedi yema ga'me Dios lec'oqo'tepi male yayate'n da'me naqayem jo'ne jayaten chayovida'a ga'me p'auo joga'me jiyaĝaua laqaic nataq'aen joga'me lauel. Qama'le da'me ami, onolqa'tape janema ga'me nejetenaguec jo'ne nalo'tagueta jogaa'me 'lonataqa.