Juan 20:19 - Nuevo Testamento Toba Sombrero Negro

¹⁹ Mane'e ca'li yovita jo'me pi'yaq, jo'me nolo' jo'ne domingo, qama'le jogaa'me napaĝaguenataqa joote yemeda'uet ga'me emec. Yataqata napadichigui joca'li joga'me najom qa'a 'uo da'me loqolanaqa' jogaa'me, t'oiyapegalo joga'me judiopi. Qalaĝaja ñe'me Jesús yenoĝoneua'alo, uañe laeñi jogaa'me qama'le yep'iye'n, enaac: —¡'Nemaĝac ami uetauelo!

Nuevo Testamento Toba Sur

¹⁹ Qaq se'eso na'a'q mayi l'auaxanec naua na'axa'te co'ollaq mashi pe, nachi soua napaxaguenataqa, soomayi lapoota'a't. Qaq ÿataqta ÿapochiyigui so lasom, souaxat da qañi'itega na judiopi. Nachi so Jesús pa'auo, nachi vichiguinguilo na laiñi soua lapaxaguenataqa. Nachi iqui'n, 'eeta': –Qami' huo'o qome da qadlagaxayiqui.

La'aqtaqa Ñim Lo'onatac 'Enauacna 2013

¹⁹ Qaq se'eso na'a'q maye la'auaxanec naua na'axa'te co'ollaq mashe pe, nache soua napaxaguenataqa, soomaye lapoota'a't hueta'a ca nỹec. Qaq so lasom se'eso nỹec ỹataqta napochigui, souaxat da qañe'etega na lataxala'pi na judiopi. Nache So Jesús pa'auo, nache vichiguinguilo na laiñi soua lapaxaguenataqa. Nache iqui'n, 'eeta': –Ñim Lo'onatac 'Enauacna qami' ỹanema da lqouagaxanaqtaic qataq da nlagaxayec.

Juan 20:19 Iomraidhean Croise

Mateo 10:13

Qom gaa'me jiyaĝa'u 'me netedaue ga'me 'nachaqa' ami 'yamaqate'n, qama'le da'me 'nemaĝac jo'ne auepaquitapega male yepaquichigui. Qalaĝaja qom ja ami 'te 'yamaqate'n, qama'le auajelaĝañiyot ñe'me Dios qaedi ami 'niyelaĝadetot da'me 'nemaĝac.

Mateo 18:20

Qa'a qom ga'me dojolqa uotaĝa trejolqa yema'a't yajouaĝat da'me jayem yemetede'eguet, qama'le jouetañe laeñi jogaa'me.”

Marcos 16:14

'Uo jo'me nolo' laqaya ca'li Jesús yitaĝa naloĝonegueta jogaa'me once 'me lapaĝaguenataqa, mane'e ca'li cha'li ñichidiñe dajotedalegue ga'me niqui'yaĝala'. Qama'le enapegalo jogaa'me queda'me qaya'te lepe'e' nataq'aen queda'me ja en 'te damichiguilo q'ae'n naa'me lai'li, da'me qaya'te 'lamaqatenataĝanaĝa'j jogaa'me jo'ne 'uaediñe yauata queda'me 'niyelaĝajeguem.

Juan 14:27

“Ami jepotajopa da'me 'nemaĝac. 'Yemaĝac ami janema nayi, qalaĝaja da'me dojo' jo'ne ja'uo nayi, ja ena'am da'me yauotedac nale jena'me aleua laje'pi. Ena'te lichiguilo naa'me adai'lidi', uotaĝa ta'le at'oyiyi.

Juan 16:22

Qama'le naq'aeta da'me ami, cha'li 'uo da'me adachoĝodequi nayi, qalaĝaja da'me jayem 'ñiyelaq jo' qomle qama'le yitaĝa ami jauanalo, qama'le naa'me adai'lidi' najaĝayelo da'me adamaiqui jo'ne qaya'te ta'le doĝotaĝanec.

Juan 16:33

Joote ami ja'aĝatema yema daa'me daajo' qaedi ami uetauelo da'me 'nemaĝac da'me adaloi'ta't queda'me jayem ovi'tajop. Ga'me aleua laje'pi ami yachalo'te qomle da'me adachoĝodequi, qalaĝaja 'noota qom a'nañaĝachi qa'a da'me jayem joote ñomat ñe'me jo'ne nejaliaĝatelo'te ga'me aleua laje'pi.

Juan 20:21

Qama'le Jesús yitaĝa enaac: —¡'Nemaĝac ami uetauelo! Queda'me jayem namaĝaquena ca'li joñe'me Taĝadena', qama'le nach'e ena'am da'me jayem male ami jama'.

Juan 20:26

Qama'le joca'li yenoĝodegue jaa'me ocho noloqo'ote, jogaa'me napaĝaguenataqa yitaĝa nalo'ta't da'me yema'a'ajalo, netedaue ga'me emec, qama'le nach'e ena'am 'uo ñe'me Tomás. Yataqata napadichigui ga'me najom joca'li, qalaĝaja ñe'me Jesús yitaĝa yenoĝoneua'alo jogaa'me, qama'le yitaĝa yep'iye'n da'me uañe laeñi jogaa'me, enaac: —¡'Nemaĝac ami uetauelo!

Juan 21:1

Mane'e joca'li yem da'me dojo', qama'le Jesús yitaĝa naloĝonegueta jogaa'me lapaĝaguenataqa, ua'ña di'me lae jaga'me qa'em lat'edai jo'ne yauaqa'a di'me noic jo'ne Tiberias, qama'le naq'aeta da'me 'uo joca'li:

Juan 21:14

Chane'eja male tres da'me naloĝonegueta jogaa'me lapaĝaguenataqa joñe'me Jesús ca'li joote 'niyelaĝajeguem.

Juan 7:13

Qalaĝaja qaya'te ta'le jetaque 'yaĝatetac ñe'me Jesús da'me uetedaue gaa'me jiyaĝadipi, qa'a ena'uaque jogaa'me jiyaĝa'u t'oiya'agueta jogaa'me lajoĝola'te.

Hechos 1:3

Nach'egaua jo'ne yitaĝa dajoya'agueta ñe'me Jesús ca'li yoĝo'yi da'me leleuaĝa, nach'eda yataqachiñe en di'yoq jo'ne laloqotenaĝanaĝac queda'me maliaĝa nec'aletaye. Nalo'taguet cuarenta gaa'me noloqo'ote da'me cha'li yec'atetedac jogaa'me nataq'aen 'yaĝatetapema da'me lejaliaĝa joñe'me Dios.

Romanos 15:33

'Noota qom ñe'me Dios jo'ne chiyoqo'ot da'me 'nemaĝac ami uetauelo. Jaja'a, nach'e naq'aeta da'me dojo'.

1 Corintios 15:5

Nach'e ena'am naloĝoneguet ca'li ñe'me Pedro, ua'edi naloĝonegueta gaa'me doce jo'ne mach'e lamaĝa's,

Efesios 2:14

Qa'a nach'eñe ñe'me Jesucristo male qo'mi yanema jena'me jenjo' 'nemaĝac. Chiyaqayi ca'li nemela't, uetalegue jaga'me sodoso, Cristo male nomat joga'me naqaleuaĝa qama'le en naqayapega't jogaa'me judiopi nataq'aen jogaa'me ja judiopi, qaedi naa'me naajo' noyaqa male onolec joga'me qoya'uo, qoya'uo da'me 'noota.

Efesios 6:23

Ami yaqaya'olqa, male ñachoĝodenot joñe'me Qadet'a Dios choqoñe'me Qadejaliaĝanec Jesucristo qaedi yataqata yanema yema na'me qadayi joda'me 'nemaĝac nataq'aen da'me noqopich'i, da'me chiyaqayi da'me lepe'e'.

Filipenses 1:2

'Noota qom Dios mach'e Qadet'a nataq'aen ñe'me Qadejaliaĝanec Jesucristo ami yanema da'me anichoĝodenataguequi nataq'aen da'me at'emaĝaqui.

2 Ts 3:16

Ñe'me Qadejaliaĝanec nach'eñe jo'ne chiyaqayi da'me 'nemaĝac. Chane'eja 'noota qom ami yanema da'me mach'e at'emaĝaqui, yemeda naa'me noloqo'ote, nataq'aen nach'e eta't ami uetauelo.

Hebreos 7:2

Ñe'me Abraham e'n diez gaa'me lael da'me lomataĝanaĝac 'me yachiyoĝotaue jo'me nalada't, qama'le onolec ga'me lae male yanem ñe'me Melquisedec. Da'me dojo' nenaĝat jo'ne Melquisedec yelo'teguet da'me “Jaliaĝanec jo'ne Ja 'Nalegue”, qalaĝaja nach'e ena'am da'me 'uo da'me lenaĝat laqaya jo'ne “Nejaliaĝanec da'me 'Nemaĝac”, qa'a naqaeda jo'ne yelo'teguet da'me nejaliaĝanec di'me Salem.

3 Juan 1:14

qa'a jeuata'a da'me ja cop'a da'me am jauana, qama'le yataqachiñe jojaqatapega't.

Apocalipsis 1:4

Jayem Juan ami jep'iye'n nayi, da'me ami Dios lec'oqo'tepi jo'ne oñiya'ña di'me aleua jo'ne Asia. Auacoñiyeguet nayi da'me nichoĝodenataĝanaĝac nataq'aen da'me 'nemaĝac jo'ne chiyoqo'ot joñe'me jo'ne jalchi'ena 'uo, nataq'aen nach'e eta't da'me qo'mi ue'tajopa, choqoñaa'me siete nepaqa'li ja 'nalo'te jo'ne dajoteda'aguet da'me lejaliaqa' joñe'me,