Juan 2:24 - Nuevo Testamento Toba Sombrero Negro

²⁴ Qalaĝaja ñe'me Jesús ja jetaque ta'le p'iya'alo jogaa'me, qa'a yataqachiñe yateto'n ena'uac.

Nuevo Testamento Toba Sur

²⁴ Qalaxayi so Jesús sa ishit da ÿoqta i'amaqten namayipi, cha'ayi ÿaÿaten na lhuennataxac 'enauac namayipi.

La'aqtaqa Ñim Lo'onatac 'Enauacna 2013

²⁴ Qalaxaye So Jesús saishet da ỹoqta ỹa'amaqten somayepi, cha'aye ỹaỹaten na lhuennataxac 'enauac somayepi.

Juan 2:24 Iomraidhean Croise

Mateo 9:4

Qalaĝaja Jesús yetaden ga'me jo'ne eeta da'me lelnataĝa'j, qama'le yachimaĝatalo jogaa'me, enaac: —¿Toqoch'e yataqachiñe ja 'noe'n naa'me adelnataĝacodi'?

Marcos 2:8

Qalaĝaja Jesús paja'a yayaten da'me eeta da'me lelnataĝa'j jogaa'me qama'le yena't: —¿Toqoch'e naq'aeta da'me adelnataĝaqui?

Juan 1:42

Ca'li yem da'me dojo' qama'le Andrés yauec ñe'me Simón yauega joga'me ue'ta ñe'me Jesús. Mane'e ca'li Jesús yauana joñe'me, qama'le eetac: —Naqa'am jo'ne am Simón, lec'oĝot ga'me Juan, qalaĝaja nayi jen adenaĝat da'me Cefas ('me yeloteguet da'me Pedro.)

Juan 16:30

Nayi male jauanaĝa da'me auayaten yema naa'me naajo' uo'oe nataq'aen ja auouetaque ta'le 'uo ga'me ya'uo ga'me lenataĝanaĝac. Chane'eja chiyaqayi da'me dojo' nayi ja'amaqatenaq da'me auachiyaqaje'ma ñe'me Dios.

Juan 21:17

Male tres da'me yenat: —Simón jo'ne am lec'oĝot ñe'me Juan, ¿qo'li jayem auauotec? Ñe'me Pedro male ja matac qa'a tres da'me qoyenatetapec da'me eeta da'me yataqachiñe noqopita joñe'me Jesús, qama'le yitaĝa 'yateguet: —Jaliaĝanec, joote auayaten ena'uac: auayaten da'me am jauotec. Ñe'me Jesús male enaac: —Adetelalo naa'me yoqotel jo'ne ena'am ta'le yelopi 'naĝanaĝatel.

Juan 4:16

Jesús 'yateguet: —Cha'li oc qaedi anauequena ga'me adoua.

Juan 5:42

choqoda'me ami jateto'n nataq'aen da'me jayaten da'me ja adoqopichiya ñe'me Dios.

Juan 6:15

Qalaĝaja ñe'me Jesús noma'a queda'me jetaque qoneuoĝochigui da'me qoyauegoue da'me qoyen nejaliaĝanec, qama'le yitaĝa ca'ae joga'me jiyaĝadipi, yec'adije'ma ga'me qajoĝonaĝa jo'ne qayaje'mec qaedi onolac da'me neta'ña.

Juan 6:64

Qalaĝaja da'me ami maliaĝa uo'oe gaa'me jo'ne doqoleguetaĝa'n. Jesús naq'aetec da'me dojo' 'laqatac joca'li qa'a jalchi'ena yayate'n gaa'me jo'ne ja p'iida'a joñe'me, nataq'aen joga'me onolec jo'ne jetaque p'alegue joñe'me.

Hechos 1:24

Qama'le eetojo' da'me netamenaĝa'j: “Am Jaliaĝanec, am jo'ne auateto'n ena'uaque naa'me qadai'li, qo'mi aualoĝonalo naa'me naajo' dojolqa, jach'e jogamaĝa auacotelegue,

Hechos 15:8

Qama'le Dios, jo'ne yateton na'me nauel, yaloĝonalo queda'me yaconegueta jogaa'me ca'li yanema joñe'me Lepaqal 'me ja 'nalegue, nach'e naq'aeta ca'li da'me qo'mi.

Hebreos 4:13

Gaa'me 'lonataqa joñe'me Dios, qaya'te onolec ta'le yaqanatet ta'le nañoĝochiñejop joñe'me, dite da'me yataqata di'yoq ena'uac. Chane'eja qom male jajoqo'tot joñe'me, qama'le nach'eda da'me 'laqatac joñe'me jo'ne qo'mi naloqote'n qama'le qo'mi dechoqotaĝaneque.

Apocalipsis 2:23

Qama'le nach'e ena'am jala't qomle jogaa'me jo'ne ueteda'ajop jañe'me, qaedi yema ga'me Dios lec'oqo'tepi male yayate'n da'me naqayem jo'ne jayaten chayovida'a ga'me p'auo joga'me jiyaĝaua laqaic nataq'aen joga'me lauel. Qama'le da'me ami, onolqa'tape janema ga'me nejetenaguec jo'ne nalo'tagueta jogaa'me 'lonataqa.