Juan 2:18 - Nuevo Testamento Toba Sombrero Negro

¹⁸ Jogaa'me judiopi lajoĝola'te male yena't: —¿Jach'e ga'me 'nanec jo'ne qo'mi aualoĝonalo qaedi jayatenaq queda'me 'uo da'me adejaliaĝa jo'ne en auaqanatet ta'le aua'uo da'me dojo'?

Nuevo Testamento Toba Sur

¹⁸ Nachi na judiopi inattac somayi, 'eeta': –¿Négue't ca n'anec qomi' 'auachaxanalo, da yaqto' ishit da 'am sa'amaqtenaq da ÿoqta 'eesa huo'o ca qonec da 'au'ot de'eda?

La'aqtaqa Ñim Lo'onatac 'Enauacna 2013

¹⁸ Nache so lataxala'pi na judiopi inattac Somaye, 'eeta': –¿Negue't ca na'anec qomi' 'auachaxanalo, da yaqto' ishet da 'am sa'amaqtenaq da ỹoqta 'eesa da huo'o ca qonec da 'auo'ot de'era?

Juan 2:18 Iomraidhean Croise

Mateo 21:23

Ca'li yoĝo'yi da'me dojo', Jesús yenoĝonoue ga'me tamenaĝaiqui. Mane'e ca'li cha'li ue'ta ga'me, dapaĝaguenataĝatac, jogaa'me lejaliaĝanaqa gaa'me tamenaĝaiqui lo'olpi nataq'aen ga'me 'yaĝaicachidipi yec'adeta ñe'me Jesús, qama'le yena't: —¿Jach'e ga'me auachiyoĝo'ta da'me adañoqotaĝanaĝac queda'me aua'uo da'me dojo'? ¿Jach'e ga'me am yanem da'me adañoqotaĝanaĝac?

Marcos 8:11

Qama'le nec'adeta ca'li gaa'me fariseopi, qama'le necodetedaye' joñe'me, yiyaĝatedaque ga'me 'nanec jo'ne chiyaqaje'ma joñe'me Dios, qaedi qoyayaten da'me nach'eñe chiyoĝogue.

Lucas 11:29

Ca'li yauana ñe'me Jesús ga'me jiyaĝadipi da'me nepataqata't, qama'le enaac: “Jena'me jenjo' jiyaĝadipi nayi yataqachiñe qaleuaĝaiquipi. Yiyaĝataque da'me qaedi jaloĝon da'me yañoqotaĝanaĝac, qalaĝaja ja yitaĝa qoyaloĝonalo da'me nañoqotaĝanaĝac jo'ne p'ajaye; jalgata ca'li qoyen 'nanec di'me Jonás.

Juan 1:19

Jenjo' jo'ne 'laqataĝanaĝac ñe'me Juan, ca'li gaa'me judiopi lajoĝola'te jo'ne neteda'ña di'me Jerusalén yamaĝata ñe'me Juan jogaa'me tamenaĝaiqui lo'ol choqogaa'me necochoqo'tpi qaedi yena't joñe'me: —¿Jach'e da'me am?

Juan 1:25

yenatetedac ñe'me Juan: —¿Toqoch'e auachilaĝanataĝan, queda'me ja naqa'am ta'le am Dios Liquiyac, choqoda'me ja am 'te Elías, uotaĝa ta'le am Dios 'laqataĝanaĝanec?

Juan 6:30

Qama'le nach'e ena'am yenadetec: —¿Jach'e jogamaĝa 'nanec 'me auaqanatet qo'mi aualoĝonalo, qaedi da'me jauanaĝa qama'le am jep'iyaqa? ¿Jach'e jogamaĝa yataqachiñe eeta da'me dojo' at'onatac?

Hechos 4:7

Jogaa'me damaĝajoĝodelegue da'me qoyauedeuo ñe'me Pedro nataq'aen Juan, qama'le qoyachedañgui laeñi jogaa'me da'me qoyenate'tape: —¿Jach'e ga'me lañoqotaĝanaĝac da'me dojo', uotaĝa jach'e ga'me lenaĝat ga'me ami yamaĝalo'te ga'me a'vichetac?

Hechos 5:28

—Qo'mi yataqachiñe ja qaualajaĝa'ta da'me ami je'elataqatapeguema da'me yitaĝa auapaĝagueñitapec ñe'me jiyaĝaua. Qama'le ¿jach'e ga'me auauoyi? Yataqachiñe aueñi yema'ña da'me dojo' adapaĝaguenataĝanaĝaqui jena'me jenjo' Jerusalén, choqoda'me uoja'eda nayi jetaque qo'mi qoyep'aĝalo'te dojo' leleuaĝa di'me jiyaĝaua.