Juan 2:16 - Nuevo Testamento Toba Sombrero Negro

¹⁶ Qama'le enapegalo gaa'me menaĝayaqa joga'me doqoto'pi: ¡Anaqachidegue yema naa'me naajo'! ¡Ena'te ta'le aueñi anemenaĝaiquii jenjo' 'lemec ñe'me Taĝadena'!

Nuevo Testamento Toba Sur

¹⁶ Nachi 'enapega na imeetac na qoto'pi, 'eeta': –¡Qanqachiiuec qome 'enauac ne'enapi! ¡Sa ishit da qau'ochiic na lma' ñi ita'a da menqa' qanqashiñi!

La'aqtaqa Ñim Lo'onatac 'Enauacna 2013

¹⁶ Nache 'enapega na imeetac na qoto'pi, 'eeta': –¡Qanqacheeuec 'enauac ne'enapi! ¡Saishet da qauo'ochec na lma' Ñim Ita'a da menaqa'!

Juan 2:16 Iomraidhean Croise

Mateo 21:12

Jesús taue ga'me tamenaĝaiqui qama'le yema yamaĝadegue ga'me jo'ne demenaĝa'tape nataq'aen neuode'tape. Yamaĝadiñe gaa'me uodenaĝala'te, lachaĝala't nale qoya'uo tayí jaga'me naicaua ga'me jiyaĝadipi, nataq'aen ga'me nedapi'ña nale joga'me jo'ne yemedec ga'me doqoto'pi;

Mateo 21:13

qama'le enapegalo: —Daa'me nedii's jo'ne joote qoyediñe eet'oi: «Jena'me 'yachaqa' qoyenaqatenec qomle 'lachaqa' da'me tamenaĝac», qalaĝaja ami aueñe'tem ta'le laua'j joga'me cachaĝaiquipi.

Mateo 22:5

Qalaĝaja jogaa'me ja yoqochideta qama'le ja yec'adeta. Uo'oe gaa'me yec'atalo gaa'me 'nale'u 'me 'lonataĝanaqa', laqaya' yema'egueta daa'me nemenaĝaco,

Marcos 11:17

Qama'le ua'a da'me dapaĝaguenataĝan eetojo': “Da'me nedii's jo'ne Dios 'laqatac eetojo': «Jena'me 'yachaqa' qodechoqotaĝanec qomle netamenaĝaiqui yema ga'me noyaqapi.» Qalaĝaja ami qamqa'me a'vichiyec da'me cachaĝaiquipi lauac.”

Lucas 2:49

Jesús 'yategueta jogaa'me: —¿Toqoch'e jayem aueloyitaque? ¿Ja auayachiñeyac joona queda'me jouetaue jena'me Taĝadena' 'lemec?

Juan 10:29

Ñe'me Taĝadena' jo'ne jayem yanema nach'eñe yataqachiñe let'adaic ja ena'ama yema gaa'me uo'oe, chane'eja qaya'te yaqanatet ta'le doĝotaĝaneque.

Juan 2:15

Chane'eja ñe'me Jesús yacona ga'me ñec da'me en le'uaĝanaĝanaqate, qama'le 'yodegue ena'uac jogaa'me netedaue ga'me tamenaĝaiqui nataq'aen da'me en capegue'to q'ae'n jogaa'me 'naĝanaĝatel choqogaa'me uacadi, nataq'aen jogaa'me quedapeco't jaga'me laicaua, en 'naqadiñe yema jaga'me laicauapi queda'me en nejouoĝodijeguem jogaa'me nedaĝanaĝala'te.

Juan 20:17

Jesús male 'yateguet jañe'me, enaac: —Ena'te jayem anauequetañe, qa'a maliaĝa jona'li jec'ata joñe'me Taĝadena' qaedi jona'ajop qomle. Qalaĝaja da'me am, 'noota qom oc qaedi a'uaqataĝanema jogaa'me yaqaya'olqa queda'me male jec qaedi jona'ajop joñe'me Taĝadena' jo'ne nach'e ena'am mach'e Adet'ai, joñe'me jo'ne Ñedios nataq'aen da'me mach'e Anedios.

Juan 5:17

Jesús male 'yategueta: —Ñe'me Taĝadena' nach'e eta't t'onataĝan, nataq'aen jayem nach'e ena'am jo'onataĝatac.

Juan 8:49

Jesús 'yategueta jogaa'me: —Da'me jayem ja jayem 'te payac lae't. Da'me jo'ne ja'uo, jen p'ajaye da'me 'ñonaĝachigui ñe'me Taĝadena'; qama'te da'me ami ja jayem 'te a'nonaĝachiyegui.

1 Timoteo 6:5

nataq'aen 'uo ga'me neloiquiaĝac jo'ne qaya'te loiquiaqa', qa'a male uo'oe gaa'me jiyaĝa'u jo'ne yaledeuo, eetedapega 'uo ga'me layatenaĝanaĝa'j, jiyaĝa'u jo'ne yataqata ja yateto'n da'me eja, nataq'aen naajo' eetedapega 'uo ga'me lepe'e', qalaĝaja nach'egaua ch'e yachiyoĝotedayi da'me leuoyaĝac jena'me 'noota ladic.

2 Pedro 2:3

Yajouaĝat da'me lamai'j jaga'me laicaua, ami yapaĝagueneque da'me jo'ne ja ejoda qaedi yañoĝo't da'me naqa't jana'me anaicauai. Qalaĝaja jogaa'me ja yaĝa'n da'me ne'uaĝanague'j jo'ne male dajo'talo jogaa'me, qa'a jalchi'ena joca'li da'me joote qoyaqataĝañi.