Juan 2:11 - Nuevo Testamento Toba Sombrero Negro

¹¹ Da'me dojo' 'nanec jo'ne ya'uo ca'li ñe'me Jesús da'me ue'ta di'me Caná, di'me aleua jo'ne Galilea, nach'eda da'me jo'ne 'uaechiñe yaloĝon ca'li male naloĝola't choqoda'me en di'yoq da'me 'lonaĝac, qama'le jogaa'me lapaĝaguenataqa male yataqachiñe p'iida'a joñe'me.

Nuevo Testamento Toba Sur

¹¹ Qaq de'eda i'ot so Jesús huaña yi Caná mayi huaigui yi 'alhua Galilea. Qaq damayi nachida da hua'auchiguiñi nam i'otpi n'anec mayi sa qaÿauanapigui co'ollaq ÿachaxan da lli'oxoyic. Nachi so lapaxaguenatacpi ÿataqta i'amaqten somayi.

La'aqtaqa Ñim Lo'onatac 'Enauacna 2013

¹¹ Qaq de'era ỹo'ot So Jesús co'ollaq huaña ye nỹecpi ye Caná maye huaigui ye 'alhua Galilea. Damaye, nachera da hua'auchiguiñi nam ỹo'otpi na'anec maye sa qaỹauanapega co'ollaq ỹachaxan da llo'oxoyec. Nache soua lapaxaguenataqa ỹataqta ỹa'amaqte'n Somaye.

Juan 2:11 Iomraidhean Croise

Juan 1:14

Qama'le ñe'me jo'ne 'naqatac joca'li male di'yoq ca'li da'me jiyaĝaua, ñe'me jo'ne yataqachiñe choĝodenataĝanaĝaic nataq'aen yataqatelegue, male qo'mi uetauelo. Chane'eja jauanaĝa da'me 'lonaĝac jo'ne yachiyoĝo'tot ñe'me Let'a queda'me onolec jo'ne mach'e Lec'oĝot.

Juan 1:17

Qa'a daa'me Dios lamaĝajoĝonaĝaco qoyanema joca'li ñe'me Moisés, qalaĝaja da'me jo'ne chiyaqayi ñe'me Jesucristo, naqaeda da'me Dios lichoĝodenataĝanaĝac nataq'aen da'me yataqachiñe eja.

Juan 1:43

Jo'me nolo' laqaya, Jesús lelnataĝac da'me dajoyi di'me Galilea, qama'le yauana ñe'me Felipe qama'le enaac: —¡Jayem oquegue!

Juan 1:50

Jesús male 'yateguet: —¿Qo'li jayem auep'iya'a da'me am ja'aĝatem queda'me joote am jauana ca'li ouet'ot jaga'me higuera? Qa'a qomle qama'le auanalo gaa'me uo'oe jo'ne let'adayaqa jo'ne ja ena'am da'me dojo'.

Juan 10:41

Qama'le jalcote gaa'me jiyaĝadipi jo'ne yec'adeta, qama'le enapega't: —Eja da'me mate mane'e Juan ja ya'uo ga'me onolec 'nanec 'me di'yoq, qalaĝaja yema da'me jo'ne 'yaĝatetac dojo' jiyaĝaua naqaeda jo'ne yataqatelegue.

Juan 11:15

Qalaĝaja 'noota da'me ja joue'tague di'me ua'ña, qa'a naq'aeta yataqachiñe 'noota queda'me jouaĝat ami, qaedi auep'iiya'a. Qalaĝaja, ¡jajoĝogue jec'atenaĝanaĝa!

Juan 11:47

Chane'eja joga'me fariseopi choqogaa'me lejaliaĝanaqa gaa'me tamenaĝaiqui lo'ol yemata'a't yema jogaa'me najoĝola'te, qama'le dojapega't, enapega't: —¿Jach'e ga'me jauoqo? Qa'a jojo' jiyaĝaua en di'yo't qayoĝode' gaa'me 'nanaqa.

Juan 12:18

Qo'che' jalcote ga'me jiyaĝadipi uaqateteda'aguet ñe'me Jesús, queda'me male yayate'n jajo'me 'nanec 'me di'yoq jo'ne ya'uo ca'li.

Juan 12:37

Temaqaedi ñe'me Jesús yauo'oe qayoĝode' naa'me 'nanaqa 'me di'yo't q'ae'n da'me dajoya'agueta jogaa'me jiyaĝa'u, qalaĝaja jogaa'me ja jetaque p'iida'a joñe'me.

Juan 12:41

Isaías yediñe da'me dojo' qa'a yauana da'me 'lonaĝac ñe'me Jesús, qama'le nach'eñe joñe'me Jesús jo'ne 'yaĝatetac ca'li.

Juan 14:13

Qom yataqachiñe jayem ademii'teguet, qama'le ami janema yema ga'me jo'ne auajelaĝañiyaque, qaedi da'me jayem jo'ne jayem Dios Lec'oĝot male jaloĝon da'me 'lonaĝac joñe'me Taĝadena'.

Juan 16:27

qa'a nach'eñe ñe'me Taĝadena' jo'ne ami noqopitalo, jouaĝat da'me jayem adoqopichiya, nataq'aen da'me a'uamaqachiñe da'me naqayem jo'ne jachiyoĝogue ñe'me Dios.

Juan 16:30

Nayi male jauanaĝa da'me auayaten yema naa'me naajo' uo'oe nataq'aen ja auouetaque ta'le 'uo ga'me ya'uo ga'me lenataĝanaĝac. Chane'eja chiyaqayi da'me dojo' nayi ja'amaqatenaq da'me auachiyaqaje'ma ñe'me Dios.

Juan 2:1

Ca'li nete' laqaya 'uo ga'me 'nonáĝac di'me noic jo'ne Caná, di'me aleua 'me Galilea, qama'le jañe'me lat'e ñe'me Jesús nataq'aen uetaue joga'me 'nonaĝaiqui.

Juan 2:23

Da'me cha'li ue'ta di'me Jerusalén ñe'me Jesús, jaa'me noloqo'ote jo'ne neualaĝayaĝaiqui 'me Pascua, jalcote joga'me jiyaĝadipi p'iida'a joñe'me queda'me yauanalo gaa'me di'yo't 'me 'nanaqa jo'ne yauo'oe.

Juan 3:2

Nach'eñe jo'ne yec'ata ñe'me Jesús ca'li pi'yaq qama'le enaac: —Am paĝaguenataĝanaĝaic, jayatenaq queda'me am namaĝaquena joñe'me Dios qaedi qo'mi auapaĝague'n, qa'a qom Dios ja uetaue ga'me jiyaĝaua qama'le ja yaqanatet ta'le ya'uo ga'me di'yoq jo'ne laloĝonataĝanaĝac 'me ena'am da'me aua'uo.

Juan 4:3

Mane'e ca'li yayaten da'me dojo' ñe'me Jesús, qama'le 'viyelaĝague di'me Galilea, ca'e di'me Judea.

Juan 4:46

Jesús yitaĝa 'viyelaĝague di'me noic jo'ne Caná, lae di'me aleua jo'ne Galilea, di'me noic jo'ne ua'a ca'li en neleguemaĝata uva li'i joga'me noĝop. Qama'le 'uo ga'me coico le'ec lejaliaĝanec jo'ne lecochaĝaua ñe'me jaliaĝanec Herodes, jo'ne 'uo ga'me lec'oĝot jo'ne yeleuac 'me ueta'ña di'me noic let'adaic jo'ne Capernaúm.

Juan 4:54

Jenjo' male dojolqa da'me ya'uo ga'me 'nanec joñe'me Jesús joca'li ue'ta di'me Galilea da'me chiyaqa'ña di'me Judea.

Juan 5:23

qaedi yema jayem qo'nonaĝachigui, da'me nach'e ena'am qo'nonaĝachigui da'me jo'ne yanem joñe'me Taĝadena'. Qa'a joga'me jo'ne ja jayem 'te 'nonaĝachichigui, nach'e ena'am ja 'nonaĝachichigui ñe'me Taĝadena', joñe'me jo'ne nach'eñe 'me jayem namaĝaquena.

Juan 6:14

Joga'me jiyaĝadipi, mane'e da'me yauata da'me dojo' di'yoq q'aen jo'ne 'nanec 'me ya'uo ñe'me Jesús, qama'le enapega't: —Jenjo' jo'ne nach'ena 'me yataqatelegue 'laqataĝanaĝanec ñe'me Dios, nach'eñe jo'ne qo'yaĝat ca'li da'me nec'achi'ña jena'me aleua.

Juan 6:2

Jalcote ga'me jiyaĝadipi 'me quetapegue', qa'a qoyauana ga'me laloĝonataĝanaĝaco jo'ne di'yo't 'me yauo'oe, e'n yemedegue joga'me leuaĝayaqa.

Juan 6:26

'Yategueta ñe'me Jesús qama'le enaac: —Eja da'me yataqachiñe ja auayachiñe' naa'me naajo' 'nanaqa jo'ne je'n di'yo't. Onolec da'me ch'e jayem aueloyitaque, qa'a yajouaĝat da'me aualiqui jaa'me pan jecaet, qama'le en adonodiye.

Juan 6:30

Qama'le nach'e ena'am yenadetec: —¿Jach'e jogamaĝa 'nanec 'me auaqanatet qo'mi aualoĝonalo, qaedi da'me jauanaĝa qama'le am jep'iyaqa? ¿Jach'e jogamaĝa yataqachiñe eeta da'me dojo' at'onatac?

Juan 7:31

Chane'eja jalcote gaa'me jiyaĝadipi jo'ne 'uo da'me 'lamaqatenataĝanaĝac joñe'me qama'le enapega't: —Ga'me Dios Liquiyac, qom novi', ¿qo'li yauo'oe qayoĝode' gaa'me 'nanaqa 'me yaloĝo'n ta'le napacalegue da'me dojo' jiyaĝaua?

Juan 9:16

Qama'le uo'oe gaa'me fariseopi jo'ne enapega't: —Joga'me jo'ne ya'uo da'me dojo' ja chiyaqaje'ma ñe'me Dios, qa'a nach'ega ja yayaten ga'me nolo' jo'ne niyamaqatac. Qalaĝaja uo'oe gaa'me laqaya' jo'ne enapega't: —Ga'me jiyaĝaua jo'ne loeco lo'o, ¿qo'li yaqanatet ta'le ya'uo da'me dojo' 'nanec jo'ne yaloĝon? Qama'le ua'a ca'li da'me male yodapecache naa'me lelnataĝaco.

2 Corintios 3:18

Qama'le qo'mi ja qo'mi 'te netayelo ga'me ualoq jo'ne yapadelegue na'me qadatajoĝoc. Jenaqa'am ga'me c'atenaĝanaĝaqui jo'ne yaloĝon da'me 'lonaĝac ñe'me Jaliaĝanec, nach'eñe neleguemaĝat da'me qat'oyaĝac qama'le ñichigaqa'ta da'me jenaqa'am joñe'me, yajouaĝat da'me qo'mi t'onataĝanouelo ñe'me Lepaqal 'me ja 'nalegue.

2 Corintios 4:17

'Uo ga'me qalaqa't jo'ne qo'mi 'uaĝayeta nale qalaĝaja nach'enaua uo'oe jo'ne ja let'adayaqa, nataq'aen ja nale'en uo'oe jogaa'me. Ena'am ta'le qadamaic janemaĝam joga'me qa'a Dios qo'mi e'n najaqachiguilo da'me 'lonaĝac jo'ne ja yitaĝa yem nale'en 'uo: 'lonaĝac jo'ne yataqachiñe let'adaic nataq'aen onaĝaic.

2 Corintios 4:6

Ca'li Dios ye'et jena'me aleua, enaac: “'Noota qom 'uo da'me laqaselegaĝac ga'me yoqochiñe jo'ne nayi 'uo ga'me 'lalaĝa.” Qama'le ca'li qo'mi yaje'tema da'me jayatenaq da'me onaĝaic 'naqataĝanaĝac, nach'e ena'am yecoyadelegue da'me qadetadenataĝanaĝac, qaedi male jatetonaq da'me 'lonaĝac ñe'me Dios 'me chiyoqotelegue na'me latajoĝoc ñe'me Cristo.

1 Juan 5:13

Ami jo'ne auep'iiya'a joñe'me Dios Lec'oĝot, ami jamaĝalo jenjo' yediijec qaedi auanomitelegue queda'me ami ua'ajopa da'me at'oyaĝaqui jo'ne yataqatelegue.