Juan 19:6 - Nuevo Testamento Toba Sombrero Negro

⁶ Mane'e ca'li yauata jogaa'me lajoĝola'te gaa'me tamenaĝaiqui lo'ol choqogaa'me neteloqo't ga'me tamenaĝaiqui, qama'le ena'uac da'me niyaĝadijeguem, enapega'ajalo: —¡Auep'eñiyajeguem joda'me! ¡Auep'eñiyajeguem! Ñe'me Pilato enaac: —Da'me ami mach'e auaviqui qaedi auep'eñiyajeguem, qa'a da'me jayem ja jauana ga'me laviyaĝajet joñe'me.

Nuevo Testamento Toba Sur

⁶ Qaq co'ollaq qaila'a somayi, nachi na lataxala'pi na ntaxaÿaxanaxanecpi da qaitaxaÿapegue' ñi Dios qataq nam maichi nhuataxanaqpi, somayipi i'alqagui. Nachi 'eeta': –¡Qaiuaxaneuo qome damayi! ¡Qaiuaxaneuo qome damayi! Nachi so Pilato 'enapego' somayipi, 'eeta': –Qauaviquiiuec qone' damayi, nachi maichi qauaxañiiuo, cha'ayi aÿim sa ishit da huo'o ca sanata lasouaxashit damayi.

La'aqtaqa Ñim Lo'onatac 'Enauacna 2013

⁶ Qaq co'ollaq ila'a Somaye na lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq nam nauaatalec naxa añi no'onaxanaxaqui late'erai, nache ỹa'alqagui, 'eeta': –¡Qaiuaxaneuo qome damaye! ¡Qaiuaxaneuo qome damaye! Nache so Pilato 'enapego' somayepi, 'eeta': –Qauaviquiiuec qone' damaye, nache maiche qauaxañiiuo, cha'aye aỹem saishet da huo'o ca sanata lasouaxashet damaye.

Juan 19:6 Iomraidhean Croise

Mateo 26:58

Pedro ch'e yec'atalegue ca'li qaya'aguet chayovida'a yeda'uo ga'me p'auo jo'ne napegoue ñe'me lejaliaĝane'j joga'me tamenaĝaiqui lo'olpi, qama'le nach'e ua'a da'me ñichiñe uetauelo jogaa'me vitaĝayaqa ga'me tamenaĝaiqui qaedi yema yauatalegue ga'me 'uo ca'li.

Mateo 27:22

Pilato yachimaĝatalo: —Qama'le ¿jach'e ga'me je'etec jenjo' Jesús 'me aueñiyapega Dios Liquiyac? Ena'uaque 'yadeteguet: —¡Auep'enajeguem!

Mateo 27:24

Ca'li Pilato yauana queda'me qaya'te yaqanatet dite da'me nichiguegue da'me yalimaĝan, damaĝajoĝonaque ga'me noĝop qama'le yiyo'y naa'me loua' ca'li maliaĝa dajo'tagueta jogaa'me, enaac: —Ja naqayem ta'le janoue da'me leleuaĝa jenjo' jiyaĝaua; mach'e adoĝochi.

Lucas 23:4

Chane'eja Pilato 'yaĝatema jogaa'me lejaliaĝanaqa gaa'me tamenaĝaiqui lo'olpi nataq'aen ga'me jiyaĝadipi: —Ja jauana ga'me chiyaqayi ta'le jen laviyaĝajet jenjo' jiyaĝaua.

Juan 18:3

Chane'eja ñe'me Judas da'me yovidi't jalcote joga'me coicopi jo'ne lequiaĝa'upi nataq'aen uo'oe gaa'me neteloqo't joga'me tamenaĝaiqui nataq'aen gaa'me lamaĝa's joga'me tamenaĝaiqui lo'olpi choqoga'me fariseopi, jo'ne uo'oe jogaa'me 'leuoĝonaqate', nataq'aen da'me yachi'tape jogaa'me lecoyadaĝanaqatel nataq'aen gaa'me lecoyadaĝanaqate laqaya jo'ne dole'.

Juan 18:31

Qama'le yitaĝa Pilato enapegalo jogaa'me judiopi lajoĝola'te: —Ami mach'e auaviqui, qama'le auec'achiñiyec ga'me jo'ne 'yamaqaten da'me Dios lamaĝajoĝonaĝac jo'ne ami yanema joca'li. Qalaĝaja jogaa'me 'yadeteguet joñe'me Pilato: —Da'me qo'mi jo'ne qo'mi judiopi laje' ja qo'mi 'te qoyaje'tema ta'le 'uo ga'me jalataq.

Juan 18:38

Joñe'me Pilato enaac: —¿Jach'e ga'me eja? Mane'e ca'li yem da'me lenataĝanaĝac, qama'le Pilato yitaĝa yenoĝonegue dojapegue'to joga'me judiopi qama'le enaac: —Jenjo' jiyaĝaua ja jauana da'me ta'le 'uo ga'me laviyaĝajet.

Juan 19:15

Qalaĝaja joga'me jiyaĝadipi yitaĝa nalaĝadijeguem, enapega'ajalo: —¡Aualachi! ¡¡Aualachi!! ¡¡Auep'eñiyajeguem!! Pilato yitaĝa denataĝan: —¿Qo'li naq'aeta da'me ami jetaque jep'enajeguem jenjo' adejaliaĝanequi? Qama'le jogaa'me lajoĝola'te jogaa'me tamenaĝaiqui lo'ol 'yadeteguet joñe'me: —¡Qo'mi qaya'te qadejaliaĝanec laqaya, nach'eñeta ñe'me César!

Juan 19:4

Ñe'me Pilato yitaĝa yenoĝonegue, qama'le t'aqataĝanema ga'me judiopi, enaac: —Auec'achiñe jenjo' jo'ne ami ñauegalo, qaedi auayachiñe da'me qaya'te loec ta'le jauana.

Hechos 2:23

Qama'le Jesús, jo'ne qoyaneuo ca'li queda'me nach'eda joote yaqataĝañi ñe'me Dios jo'ne ya'uo da'me 'lonataĝanaĝac, ami aualachi, auep'eñiyajeguem auaviquelo'te gaa'me jiyaĝa'u jo'ne ja 'noe'n.

Hechos 7:52

¿Jach'e jogamaĝa Dios 'laqataĝanaĝanec jo'ne maqachaĝa ja ja no'en da'me 'yetedec dia'me adet'aldi'? Jodia'me yala't gaa'me jo'ne te'me 'yaĝatetapema da'me lovidaĝac ñe'me jo'ne chimaqachiñe, qama'le nayi queda'me jenjo' jo'ne chimaqachiñe joote novi', qama'te mach'e ami da'me ap'aelegue qama'le aualachi ca'li.