Juan 19:30 - Nuevo Testamento Toba Sombrero Negro

³⁰ Joñe'me Jesús da'me yem da'me niyomigui jo'me lataĝa, qama'le enaac: —¡Male yema yepaquichiguilo nayi! Male naĝañi na'me laqaic, qama'le 'yiyelaĝatot ñe'me Dios ñe'me lepaqal.

Nuevo Testamento Toba Sur

³⁰ Nachi so Jesús nÿomgui se'eso lataxa 'iuaxaic. Ime, nachi 'enapeco': –Nagui ime 'enauac nam qai'otpi. Huaña, nachi naqchiguiñi na lqaic, nachi ileu.

La'aqtaqa Ñim Lo'onatac 'Enauacna 2013

³⁰ Nache So Jesús nỹomgui se'eso lataxa 'euaxaic. Ime, nache 'enapeco': –Nagui mashe 'enauac ipacchigui. Huaña, nache naqchiguiñi na lqaic, nache ileu.

Juan 19:30 Iomraidhean Croise

Mateo 20:28

Qa'a mate mane'e jayem jo'ne yataqachiñe jayem Jiyaĝaua Lec'oĝot, ja ñanaequena qaedi 'uo da'me ñecochaguec, dite da'me ñanaequena qaedi yecochiyalo joga'me jiyaĝadipi 'me jalcote nataq'aen qaedi janema da'me 'yoyaĝac, qaedi ñep'aĝanegueta jogaa'me.

Mateo 27:50

Jesús yitaĝa netenec ga'me 'lalaĝac qama'le yeleu.

Mateo 3:15

Jesús 'yateguet: —Cha'li auomachi'ta da'me dojo' nayi, qa'a chimaqachiñe da'me qolaqa'tegue ga'me Dios damaĝajoĝolegue. Chane'eja Juan male domachi'ta.

Marcos 15:37

Qalaĝaja Jesús netenec ga'me 'lalaĝac, qama'le yeleu.

Lucas 22:37

Qa'a ami ja'aĝatema queda'me yepaque'tegue yema ga'me jo'ne mach'e jayem 'yaĝatetedac daajo' nedii's jo'ne enaac: «Qama'le qoyapetenegueta joga'me qaleuaĝaiquipi.» Qa'a yauaqa'a nayi da'me yoiquiaqa'yaĝac 'me yeleuaĝa.

Lucas 23:46

Jesús ya'uo 'lañaĝac ca'li niyaĝajeguem, enaac: ¡Taĝadena', am janem jena'me yepaqal! Ca'li nenaĝategue da'me dojo', qama'le yeleu.

Juan 10:11

Naqayem jo'ne jayem 'naĝanaĝate nouatoqo't 'me onaĝaic. Ga'me jo'ne onaĝaic 'naĝanaĝate nouatoqo't yanegue da'me 'loyaĝac qaedi nec'alaĝatedegue jogaa'me 'naĝanaĝatelpi;

Juan 10:18

Qa'a da'me 'yoyaĝac qaya'te doĝotaĝanec, qalaĝaja mach'e jayem da'me janegue, qa'a da'me jayem nach'e ena'am 'uo da'me yañoqotaĝanaĝac nataq'aen da'me qaedi yitaĝa jaconeguet. Qa'a naq'aeta da'me jo'ne jayem yamaĝalegue ñe'me Taĝadena'.”

Juan 17:4

“Jayem joote am 'ñonaĝachichigui da'me cha'li joue'ta jena'me jenjo' aleua, nataq'aen joote jomat da'me jo'ne jayem auamaĝalo'te.

Juan 19:28

Ca'li yenoĝonegue da'me dojo', qama'le Jesús yayaten da'me joote yem ena'uac da'me chiyaqayilo jonaa'me Dios 'laqataqa, nataq'aen da'me qaedi eja da'me yepaquichigui naa'me nedii's jo'ne 'yaĝatetedac da'me dojo', qama'le enaac: —Jelinquip.

Juan 4:34

Qama'le Jesús enaac: —Da'me jo'ne janoq, ja'uo da'me jo'ne lelnataĝac ñe'me jo'ne jayem namaĝaquena, da'me jomat da'me 'lonatac jo'ne jayem yamaĝalegue.

Romanos 10:4

Qa'a daa'me namaĝajoĝonaĝaco mach'e loiquiaqa'yaĝac da'me yovita ñe'me Cristo, qama'le naq'aeta da'me ena'uaque qom 'uo da'me lepe'e' yaqanate't da'me yataqatelo'te q'ae'n.

Romanos 3:25

Cristo naliñi jaga'me letauo' ca'li; nach'eda Dios 'yetem da'me lo'o q'aen da'me qoyapalaĝa't jodaa'me qadoeco. Dojo' napalaqataguec joga'me noecopi, chiyaqayi da'me nepe'e da'me maqachaĝa qoyovidalegue. Naq'aeta da'me jetaque yaloĝon ñe'me Dios da'me qo'mi e'n yataqatelo'te; yapalaĝa't gaa'me qadoeco jo'ne joote jauoqo'oe ca'li.

1 Corintios 5:7

Chane'eja nach'e naq'aeta qomle auajaqayiye ga'me toijec lale'gue jo'ne ja no'en 'me ami 'naĝa't, nach'egaua gaa'me toye's adoecodi', qaedi male ami yoqovite' jo'ne ademiya'a't nale, aueñiya'am jaga'me pan 'me nedochiñe qaya'te lale'gue jo'ne qoye'et nale qonetoneguet ga'me nolo' jo'ne Pascua. Qa'a nach'e ena'am joote qoyalat ñe'me 'naĝanaĝate c'oĝot, qaedi male qo'mi uojotedañi, nach'eñe Cristo.

Filipenses 2:8

Chane'eja male yatañe da'me lajoĝoc ga'me jiyaĝaua, qama'le yataqata ja ni'yoĝodela't, dite da'me yataqata yoqo'cha joñe'me Dios chayovida'a ca'li yeleu: ¡qama'te qoyalat ca'li da'me qoyep'elegue jañe'me sodoso!

Hebreos 12:2

'Noota qom nach'e eta't da'me jenataqatapega joñe'me Jesús, qa'a naqaeñe 'me chiyaqayi da'me qadepe'e, nataq'aen da'me yiyamaĝachiñe. Ñe'me Jesús yauana joca'li da'me 'uo qomle da'me lamaic let'adaic. Chane'eja napogaĝadeneguet joca'li jana'me sodoso, ja jetaque yoqochi'eguet da'me nepocoĝoc jo'ne chiyaqayi da'me neleuaĝa, qama'le da'me yem da'me jo'ne lachoĝodec qoyen, male na'ña ga'me yayaten ga'me lejaliaqa' joñe'me Dios.

Hebreos 9:22

Da'me chiyaqayi da'me namaĝajoĝonaĝac, nach'ana jana'me jiyac letauo' jo'ne e'n yoqovite' yema gaa'me uo'oe, qama'le nach'e ena'am da'me qaya'te ta'le yapalaĝa't jogaa'me qadoeco qom ja qoyen 'te naliñi jaga'me netauo'.