Juan 19:11 - Nuevo Testamento Toba Sombrero Negro

¹¹ Qama'le Jesús male 'yateguet joñe'me Pilato: —Ñe'me Dios jo'ne na'ague di'me piyem, nach'eñe jo'ne am yanem da'me adañoqotaĝanaĝac qaedi jayem anejaliaĝatelegue. Chane'eja ga'me jo'ne jayem yaneuo, nach'ega jo'ne yaguegue da'me laviyaĝajet jo'ne yajouaĝat, ja ena'am da'me am.

Nuevo Testamento Toba Sur

¹¹ Nachi so Jesús 'enapeco': –'Am qaica ca qonec da huo'otaq sa ishit da 'am ÿanem ñi Dios ca 'ad'añaxac, da yaqto' ishit da huo'o ca qoneta'ac aÿim. Qaq ÿoqo'oyi cam aÿim ÿaneu'a 'am, camayi qome ÿataqta ÿacteec da lta'adaic da lasouaxashit, qaq saq 'en'am da qoneta.

La'aqtaqa Ñim Lo'onatac 'Enauacna 2013

¹¹ Nache So Jesús 'enapeco': –'Am qaica ca qonec da huo'otaq saishet da 'am ỹanem Ñim Lo'onatac 'Enauacna ca 'ara'añaxac, da yaqto' ishet da huo'o ca 'auo'otec Aỹem. Qaq ỹoqo'oye cam Aỹem ỹaneua'a 'am, camaye ỹataqta ỹactec da lta'araic da lasouaxashet, qaq saq 'ena'am da qoneta.

Juan 19:11 Iomraidhean Croise

Mateo 26:65

Chane'eja ñe'me p'ajaye lejaliaĝanec ga'me tamenaĝaiqui lo'olpi yecolaĝata'aguelo gaa'me leuo, qama'le enaac: —¡Ye'uetac ñe'me Dios! ¿Teua'atoqo' jouenaqatapiye gaa'me choqotaĝanaĝayaqa laqaya'? Ami yataqachiñe auomachiiyalo daa'me 'laqataqa 'me 'leuenaĝanaĝaco;

Mateo 27:2

Qoyecoñe' da'me qoyauec, qama'le qoyajoĝona'aguet ñe'me Pilato, jaliaĝanec jo'ne Roma le'ec.

Mateo 6:13

Ena'te qo'mi auachalo'te da'me qanapiyenaguec, Dite da'me qo'mi auachiyoĝo'toto joñe'me ja no'en.»

Marcos 14:44

Judas, jo'ne yemen ñe'me Jesús da'me p'alegue, joote ya'uo ga'me 'lanec jo'ne yaqataĝanouelo ca'li enaac: “Ga'me jo'ne ñec'ouoq qomle, mach'e naqaega: auecoñediye, nataq'aen qom yataqachiñe qoyecoñe', qama'le auaviqui.”

Lucas 22:53

Yemeda jaajo' noloqo'ote da'me ami jouetauelo, nale jouetaue ga'me tamenaĝaiqui, qama'te ja jetaque jayem auecoñediye. Qalaĝaja nayi mach'e adaloqodi', laloqo' da'me 'uo da'me adañoqotaĝanaĝaqui jo'ne chiyaqayi da'me 'lalaĝa.

Juan 18:13

Qama'le 'uaeñe yauedeta ga'me 'lachaqa' ñe'me Anás, qa'a naqaeñe 'me li'yodo ñe'me Caifás, jo'ne lajoĝola't gaa'me tamenaĝaiqui lo'ol jojo'me uo'e.

Juan 18:3

Chane'eja ñe'me Judas da'me yovidi't jalcote joga'me coicopi jo'ne lequiaĝa'upi nataq'aen uo'oe gaa'me neteloqo't joga'me tamenaĝaiqui nataq'aen gaa'me lamaĝa's joga'me tamenaĝaiqui lo'olpi choqoga'me fariseopi, jo'ne uo'oe jogaa'me 'leuoĝonaqate', nataq'aen da'me yachi'tape jogaa'me lecoyadaĝanaqatel nataq'aen gaa'me lecoyadaĝanaqate laqaya jo'ne dole'.

Juan 19:10

Qama'le Pilato enaac: —¿Toqoch'e ja jayem 'te a'uateguet? ¿Qo'li ja auayaten da'me 'uo da'me yañoqotaĝanaĝac qaedi am jep'enajeguem, uotaĝa qaedi am jejoye?

Juan 3:27

Juan male 'yategueta jogaa'me: —Qaya'te ta'le 'uo ga'me ua'ajop joga'me jiyaĝaua qom ja Dios ya'uo ga'me yanem.

Juan 7:30

Qama'le ua'a da'me jetaque qoyaconeuo'o qaedi qoyecoñe', qalaĝaja qaya'te ta'le onolec jo'ne nodegue ga'me louaq qaedi yaconeuo'o, qa'a maliaĝa jona'li yovita da'me mach'e laloqo'.

Juan 9:41

Jesús 'yategueta: —Ta'le naqa'ami jo'ne ami qana'mi, qama'le qaya'te adaviyaĝaje'che. Qalaĝaja queda'me aueñetapela't aneloyitaye, qama'le nach'e ami jo'ne 'uo da'me adaviyaĝaje'che.

Hechos 2:23

Qama'le Jesús, jo'ne qoyaneuo ca'li queda'me nach'eda joote yaqataĝañi ñe'me Dios jo'ne ya'uo da'me 'lonataĝanaĝac, ami aualachi, auep'eñiyajeguem auaviquelo'te gaa'me jiyaĝa'u jo'ne ja 'noe'n.

Hechos 3:13

“Ñe'me Nedios di'me Abraham, di'me Isaac, di'me Jacob, ñe'me Nedios dia'me jachiyojoĝogueta 'me qadet'al, nach'eñe yanem da'me yataqachiñe p'ajaye li'yoĝodic ñe'me lalemaĝajet Jesús. Nach'eñe jo'ne auemiñeyouelo gaa'me jaliaĝanaqa nataq'aen nach'eñe jo'ne a'uotañetac nataq'aen anemañetapec ca'li jetaque yejoye ñe'me Pilato.

Hechos 4:28

Nach'e naq'aeta da'me dojo' yauote ca'li qa'a joote nach'eda a'uaeñi a'uetec da'me at'onataĝanaĝac jo'ne male yepaquetelegue.

Romanos 11:36

Qa'a ena'uaque gaa'me di'yo't 'me uo'oe mach'e chiyoqodo'ot ñe'me Dios, di'yo't jogaa'me qa'a 'ye't joñe'me, nataq'aen mach'e loqo'te joñe'me. ¡'Noota qom nach'e eta't qo'nonaĝachigui joñe'me Dios! Jaja'a. Nach'e naq'aeta da'me dojo'.

Romanos 13:1

'Noota qom ñajenaĝagueta gaa'me jo'ne qo'mi nejaliaĝatelo'te qa'a eja Dios lamaĝa's; qaya'te nejaliaĝa jo'ne ja chiyaqayi ñe'me Dios.

Santiago 1:17

qa'a yema da'me jo'ne onaĝaic nataq'aen da'me qaneme qoyen jo'ne ja 'nalegue 'me qo'mi qoyanema, yema chiyoĝogue di'me p'ajeguem jo'ne neta'ña joñe'me Dios, joñe'me jo'ne yauo'oe naa'me jo'ne 'uo da'me laqaselegaĝa'j jo'ne lecoyadaĝanaqate q'aen di'me piyem, joñe'me Dios jo'ne ja nadalaĝatela't, qama'le ja ena'am ga'me nepaqaliaĝala' da'me nach'e eta't da'me nichiquetapiyet ga'me nepaqal.

Santiago 4:17

Chane'eja, ga'me jo'ne yayaten da'me ye'et da'me jo'ne onaĝaic, qama'te ja 'ye'et, nach'ega jo'ne ya'uo da'me mach'e loec.