Juan 18:8 - Nuevo Testamento Toba Sombrero Negro

⁸ Jesús yitaĝa enaac: —Joote ami ja'aĝatema da'me naqayem. Qom jayem anechetaque, 'noota qom auejeñeta naa'me naajo' jiyaĝa'u laqaya' qaedi eque'.

Nuevo Testamento Toba Sur

⁸ Nachi somayi 'enapeco': –Mashi qami' shiitegalo mque' da nachaÿim. Da ÿoqta 'eesa da aÿim qanmichiitaique, qaq no'on da qauauaqaita'a ne'ena ÿaÿipi da jec.

La'aqtaqa Ñim Lo'onatac 'Enauacna 2013

⁸ Nache So Jesús 'enapeco': –Mashe qami' sheetegalo mque' da Nachaỹem. Da ỹoqta 'eesa da Aỹem qanmichiitaique, qaq no'on da qauaqaita'a ne'ena ỹaỹepi da jec.

Juan 18:8 Iomraidhean Croise

Mateo 26:56

Qalaĝaja yema da'me dojo' ami di'yoĝoma qaedi yepaque'teguelo daa'me jo'ne joote 'yaĝatetedac dia'me Dios 'laqataĝanaĝanaqa ca'li qoyedidiñe gaa'me ledii's. Qama'le ena'uaque jogaa'me lapaĝaguenataqa queda'ae nataq'aen yegue'm ñe'me Jesús qama'le dajodegue.

Juan 10:28

Qama'le janema da'me lec'alaĝa jo'ne qaya'te loiquiaqa' choqoda'me ja yitaĝa ta'le pa'l nataq'aen da'me ja yitaĝa ta'le 'uo ga'me doĝotaĝaneque.

Juan 13:1

Ca'li jona'li yovita ga'me neualaĝayaĝaiqui jo'ne Pascua, qama'le Jesús joote yayaten da'me yovida'a ga'me laloqo' da'me male ca'e jena'me aleua qaedi yec'ata ñe'me Let'a qama'le yitaĝa na'ajop. Joote yaloĝonalo da'me loqopich'i jogaa'me lapaĝaguenataqa jo'ne neteda'ña jena'me aleua, qama'le naq'aeta da'me noqopitalo jogaa'me chayovida'a qom yovita da'me loiquiaqa'.

Juan 13:36

Qama'le joñe'me Simón Pedro yenat joñe'me Jesús: —Jaliaĝanec, ¿jach'e joga'me auajoyi? 'Yateguet joca'li ñe'me Jesús, enaac: —Ga'me jajoyi nayi, maliaĝa ja auaqanatet ta'le jayem oquegue, qalaĝaja qomle male cop'a qama'le yemta jayem oquegue.

Juan 16:32

Qa'a male jayem novita da'me yaloqo', nataq'aen da'me nach'ena jenjo' nolo' da'me adelagaqai ami onolqa'tape naa'me ayiyapegue'galo, qama'le jayem aueñi onolec. Qalaĝaja ja jayem 'te onolec qa'a ñe'me Taĝadena' jayem ue'tajop.

Juan 18:7

Joñe'me Jesús yitaĝa 'viyelaĝalegue da'me yena't jogaa'me: —¿Jach'e ga'me anechetaque? Qama'le jogaa'me 'viyelaĝadelegue da'me jo'ne joote nenaĝatedegue: —Ga'me Jesús jo'ne Nazaret le'ec.

Juan 18:9

'Uo da'me dojo' 'laqatac qaedi eja da'me yepaquichigui da'me jo'ne joote 'yaĝatetac joca'li: “Am Taĝadena', jogaa'me jo'ne jayem auanema, qaya'te onolec ta'le yejomac.”

1 Corintios 10:13

Nataq'aen qom 'uo da'me anapiyenaguequi, anetoviñetac queda'me jiyaĝa'u laqaya' nach'e ena'am joote tadoue ga'me napiyenague'j. 'Noota ta'le auep'iiya'a joñe'me Dios, qa'a ñe'me ja yajeta ta'le ami qo'yiyeneque ga'me jo'ne ja auaqanachichi ta'le anapogaĝadeñiyeguet, dite da'me ami yanema ga'me adadiqui nataq'aen ami yanema da'me at'añaĝaqui qaedi adaloi'taguet.

2 Corintios 12:9

qalaĝaja Dios jayem 'yateguet: “Da'me yichoĝodenataĝanaĝac nach'edata 'me nalo'taguet yema 'me auouetaque. Da'me yañoqotaĝanaĝac naloĝonoue da'me nachoĝolaĝa.” Chane'eja jayem en ñi'yoĝodetapela't da'me qaya'te 'yañaĝac, qaedi da'me lañoqotaĝanaĝac ñe'me Cristo jayem di'yoĝom.

Efesios 5:25

Gaa'me le'mi, 'noota ta'le yataqata noqopitalo gaa'me loua', qa'a nach'e ena'am ñe'me Cristo da'me qo'mi noqopitalo, qama'le qo'mi nep'aĝanegueta ca'li qoyalat,

1 Pedro 5:7

Auepotañejop ena'uaque jogaa'me adepagaĝadiqui' joñe'me Dios, qa'a joñe'me nach'e eta't da'me ami yelolo'te.