Juan 18:11 - Nuevo Testamento Toba Sombrero Negro

¹¹ Qama'le Jesús enapega ñe'me Pedro: —A'viyelaĝatoue ga'me lae't na'me adedaĝanaĝat. Qom ñe'me Taĝadena' jayem niyomaĝañegue jenjo' jo'ne qaya'te lamaic chem, qama'le yataqata ñiyomigui jaĝa'te.

Nuevo Testamento Toba Sur

¹¹ Qalaxayi so Jesús 'enapego' so Pedro, 'eeta': –'Avi'iguelaxajñi na 'ainec, 'anshijñi. Ñi ita'a, da aÿim ipagaqna'aguet da ñique'ejnaxac mayi 'eeta'am da qanÿomgui ca deshinataxan, qaq ¿peta'a sa ishito' da saigui damaxa?

La'aqtaqa Ñim Lo'onatac 'Enauacna 2013

¹¹ Qalaxaye So Jesús 'enapego' so Pedro, 'eeta': –'Avi'eguelaxaañi na 'ainec, 'anshiiñi. Ñim Ita'a da Aỹem ipagaqaana'aguet da ñeque'eenaxac maye 'eeta'am da qanỹomigui ca deshenataxan, qaq ¿peta'a saisheto' da saigui damaxa?

Juan 18:11 Iomraidhean Croise

Mateo 20:22

Jesús 'yateguet: —Ami ja auayachiñe ga'me jo'ne aviyaĝañiyaque. ¿Qo'li auaqanachichi ta'le ena'am aniyomiyigui ga'me jo'ne ñiyomigui qomle 'me jaqama? Jogaa'me enapega't: —Jaqanatetaq.

Mateo 26:39

Paja'a Jesús yec'ata ga'me qaya'ta, qama'le naĝañi chayovida'a yeda'aguet jena'me aleua jaga'me nepe, qama'le enaac da'me netamen: “Am Taĝadena', qom naq'aeta da'me aviyamaĝaden, ¡jayem auachiyoĝotaue da'me dojo' yachoĝodec! Qalaĝaja 'noota qom ja naqaega ga'me mach'e jepaquetapega, dite da'me mach'e adoequenataĝanaĝac.”

Mateo 26:42

Ca'li yitaĝa ec qama'le eetojo' da'me netamenaĝac: “Am Taĝadena', qom ja qoyaqataqaten janjo' yomaĝaiqui queda'me ja ñiyomigui, 'noota qom aua'uo da'me mach'e adoequenataĝanaĝac.”

Lucas 12:30

Qa'a yema ga'me jiyaĝadipi jo'ne ja p'iida'a ch'e yelotedaque daa'me daajo'; qalaĝaja ami qamqa'me 'uo ñe'me Adet'ai jo'ne yayaten queda'me auoviñetapiye.

Lucas 22:42

Enaac: “Taĝadena', qom a'uamaqaten, qama'le ena'te jayem auedaĝatelegue da'me dojo' yachoĝodec jo'ne yataqata jaqama; qalaĝaja 'noota qom ena'te a'uetoue da'me ena'am ta'le mach'e yoequenataĝanaĝac, dite da'me mach'e adoequenataĝanaĝac.”

Juan 15:10

Qom auoqochiyalo naa'me yamaĝajoĝonaĝaco, da'me yoqopich'i nach'e eta't ami uetauelo, qama'le ena'am da'me jayem jo'ne joqocha'alo naa'me lamaĝajoĝonaĝaco ñe'me Taĝadena', qama'le nach'e eta't jouetaue da'me mach'e loqopich'i.

Juan 17:24

“Am Taĝadena', naa'me naajo' jo'ne jayem auanema, da'me jayem jetaque nach'e ena'ama jayem ueteda'ajop, ga'me jo'ne jona'ña qomle, qaedi yauata da'me 'yonaĝac, nach'eda jo'ne am chiyaqayi, jouaĝat da'me jalchi'ena jayem adoqopita ca'li cha'li jona'li 'uo jena'me aleua.

Juan 18:36

Jesús 'yateguet joñe'me Pilato: —Da'me mach'e yejaliaĝa ja ua'ña jenjo' aleua. Ta'le naq'aeta ua'ña jenjo' aleua da'me yejaliaĝa, qama'le gaa'me yalemaĝajetpi deloiqui'tape qaedi ja jayem 'te yadegue jogaa'me judiopi lajoĝola'te. Qalaĝaja queda'me ja naqaena ta'le ua'ña jenjo'.

Juan 20:17

Jesús male 'yateguet jañe'me, enaac: —Ena'te jayem anauequetañe, qa'a maliaĝa jona'li jec'ata joñe'me Taĝadena' qaedi jona'ajop qomle. Qalaĝaja da'me am, 'noota qom oc qaedi a'uaqataĝanema jogaa'me yaqaya'olqa queda'me male jec qaedi jona'ajop joñe'me Taĝadena' jo'ne nach'e ena'am mach'e Adet'ai, joñe'me jo'ne Ñedios nataq'aen da'me mach'e Anedios.

2 Corintios 10:4

Ga'me qat'euoĝonaĝat jo'ne jaconaĝa ja aleua le'ec, dite da'me mach'e lañoqotaĝanaĝac ñe'me Dios jo'ne 'yañoqotet ta'le yolaĝachigui joda'me ja no'en. Qama'le naq'aeta da'me jolaĝataĝaye da'me qo'mi qoyepoleguelo'te,

2 Corintios 6:7

Queda'me 'uo da'me qadañoqotaĝanaĝac 'me qo'mi yanema ñe'me Dios, male ja'aĝataqatac joda'me 'naqataĝanaĝac jo'ne yataqatelegue. Nale uo'oe ga'me qadaqalaico qama'le jajoyaqa'agueta, qama'le ena'am ta'le je'euoĝonaqatapecot da'me qat'oyaĝac 'me yataqatelegue queda'me je'etaqatac nataq'aen nach'e eta't ñenaĝataĝaye ga'me jo'ne chimaqachiñe.

Hebreos 12:2

'Noota qom nach'e eta't da'me jenataqatapega joñe'me Jesús, qa'a naqaeñe 'me chiyaqayi da'me qadepe'e, nataq'aen da'me yiyamaĝachiñe. Ñe'me Jesús yauana joca'li da'me 'uo qomle da'me lamaic let'adaic. Chane'eja napogaĝadeneguet joca'li jana'me sodoso, ja jetaque yoqochi'eguet da'me nepocoĝoc jo'ne chiyaqayi da'me neleuaĝa, qama'le da'me yem da'me jo'ne lachoĝodec qoyen, male na'ña ga'me yayaten ga'me lejaliaqa' joñe'me Dios.