Juan 17:22 - Nuevo Testamento Toba Sombrero Negro

²² Joote janema da'me 'nonaĝac 'me onaĝaic, da'me jo'ne jayem auanem ca'li, qaedi yema nalo'ta't, nach'e ena'am da'me am nataq'aen jayem yataqata qadalo'ta't,

Nuevo Testamento Toba Sur

²² Qataq aÿim sanem namayipi dam ÿi'oxoyic mayi aÿim 'ai'anem, yaqto' namayipi ÿataqta 'oonolec ca lataxac, 'eeta'am da 'eetec 'am qataq aÿim da ÿataqta 'oonolec da qadataxac.

La'aqtaqa Ñim Lo'onatac 'Enauacna 2013

^22-23 Qataq Aỹem sanema naamaye dam na'añaxac maye Aỹem 'aỹa'anem co'ollaxa, yaqto' naamaye nache queto'ot da na'atta'a't. Qaq ỹoqo'oye naamaye iue'n da nache 'eetai' da Aỹem na'attaua'alo, 'eeta'am da 'eetec da 'am ña'attaua'a. Yaqto' de'era lataxac da na'atta'a't naamaye ỹataqta nalochiguiñi, yaqto' nam shiỹaxauapi maye huetalec ana 'alhua ỹaỹaten da Aỹem 'aramaxashec qataq ỹataqta 'auauoteque naamaye 'eeta'am da 'eetec da Aỹem 'auauotec.

Juan 17:22 Iomraidhean Croise

Marcos 6:7

Qama'le Jesús yemata'a't jogaa'me doce jo'ne lapaĝaguenataqa qaedi dojapegue'to, qama'le en dosape da'me yama' jogaa'me, nataq'aen da'me yanema da'me lañoqotaĝanaĝa'j qaedi yamaĝadegue gaa'me payac lepaqa'li jo'ne paĝachiguilo.

Lucas 22:30

qama'le ami ñeuanaĝa'u nataq'aen ami ñiyomaĝa'u qom auajoyiyalegue di'me yiqui'yaĝala' qom novi' da'me yejaliaĝa qomle, nataq'aen oñiyañelo ga'me nejaliaĝaiqui qaedi ami nec'atenoqo't ga'me jiyaĝadipi jo'ne chiyoĝogueta dia'me doce c'oqo'te di'me Israel.”

Juan 1:14

Qama'le ñe'me jo'ne 'naqatac joca'li male di'yoq ca'li da'me jiyaĝaua, ñe'me jo'ne yataqachiñe choĝodenataĝanaĝaic nataq'aen yataqatelegue, male qo'mi uetauelo. Chane'eja jauanaĝa da'me 'lonaĝac jo'ne yachiyoĝo'tot ñe'me Let'a queda'me onolec jo'ne mach'e Lec'oĝot.

Juan 1:16

Chane'eja da'me chiyaqayi da'me mach'e leyalaqataĝanaĝac let'adaic, male ena'uaque da'me qo'mi joote jaconaĝaguet da'me qanichoĝodenataguec jo'ne dalaĝaic 'me napacalegue da'me jo'ne 'uaechiñe.

Juan 14:20

Qama'le qom yovita ga'me nolo' joote auayachiñe queda'me jone'tajop joñe'me Taĝadena', nataq'aen da'me ami yataqata jayem ademii'teguet, qama'le nach'e ena'am da'me jayem ami jouetauelo.

Juan 17:24

“Am Taĝadena', naa'me naajo' jo'ne jayem auanema, da'me jayem jetaque nach'e ena'ama jayem ueteda'ajop, ga'me jo'ne jona'ña qomle, qaedi yauata da'me 'yonaĝac, nach'eda jo'ne am chiyaqayi, jouaĝat da'me jalchi'ena jayem adoqopita ca'li cha'li jona'li 'uo jena'me aleua.

Hechos 5:41

Jogaa'me Jesús lamaĝa's yenoĝodegue, queda'ae ga'me ueteda'a gaa'me jaliaĝanaqa, yataqachiñe made'tape queda'me Dios yaje'tem da'me qoya'uo lachoĝode'j qa'a yajouaĝat da'me lenaĝat ñe'me Jesús.

Romanos 8:30

Qama'le jogaa'me jo'ne chiyoqochiñe liquiyaqapi ñe'me Dios, qama'le nataq'aen yiyaĝanalo jogaa'me; nach'egaua yataqatelo'te q'ae'n; nataq'aen jogaa'me yanema da'me chimadichidiñe, nach'e ena'am netauada'uo da'me 'lonaĝac joñe'me.

2 Corintios 3:18

Qama'le qo'mi ja qo'mi 'te netayelo ga'me ualoq jo'ne yapadelegue na'me qadatajoĝoc. Jenaqa'am ga'me c'atenaĝanaĝaqui jo'ne yaloĝon da'me 'lonaĝac ñe'me Jaliaĝanec, nach'eñe neleguemaĝat da'me qat'oyaĝac qama'le ñichigaqa'ta da'me jenaqa'am joñe'me, yajouaĝat da'me qo'mi t'onataĝanouelo ñe'me Lepaqal 'me ja 'nalegue.

2 Corintios 5:20

Chane'eja nach'e qo'mi lamaĝa's ñe'me Cristo qaedi ja'aĝataqatac joñe'me, nataq'aen ena'am ta'le nach'eñe ñe'me Dios ami nachoĝodetapecoto qaedi anaquiaĝañiya da'me qat'aqataĝanaĝac. Qama'le ñe'me Cristo qo'mi 'yelopeque da'me ami ñachoĝodenaqatapecoto qaedi auacoñiyeguet da'me 'lemaĝac ñe'me Dios jo'ne ami yanema.

2 Corintios 6:1

Da'me qo'mi male je'etaq ga'me 'lonatac ñe'me Dios; qo'che' ami ñachoĝodenaqatapecoto qaedi ena'te aualajaĝañiya yema da'me loqopich'i ñe'me Dios jo'ne ami yaloĝonalo.

Efesios 2:20

Da'me ami aueñiya'am ga'me lae ga'me emec let'adaic jo'ne qo'noĝotapejeguem, qama'le quetede'egue jogaa'me ledii's gaa'me paĝaguenataĝanaĝayaqa 'uaediñe jo'ne Jesús lamaĝa's nataq'aen gaa'me Dios 'laqataĝanaĝanaqa, qama'le nach'eñe joñe'me Jesucristo jo'ne ena'am ga'me qa' 'me t'añiyapeguet ga'me emec.

Filipenses 1:29

Joote ami qoyaje'tema ta'le ami lalemaĝaje'te joñe'me Cristo, qama'le nayi male auep'iiya'a joñe'me, uotaĝa qom 'uo joga'me qoyen adachoĝodequi jouaĝat joñe'me.

Colosenses 1:24

Nayi jayem matac queda'me 'uo ga'me yachoĝodec yajouaĝat da'me ami yecochiyalo, qa'a da'me mach'e yachoĝodec ena'am ta'le en nalo'ta'ajalo q'ae'n jodaa'me qadachoĝodeco jo'ne chiyoqodayi da'me qademe'teguet ñe'me Cristo, yajouaĝat jena'me p'etaqadaiquipi jo'ne mach'e lapat.

1 Juan 1:3

Qama'le naq'aeta da'me ami jechoĝotaqatapema da'me jo'ne joote jauanaĝa nataq'aen jomachaĝa, qaedi qo'mi ademii'tegueta, nach'e naq'aeta da'me qadema'aguet joñe'me Dios jo'ne Qadet'a nataq'aen ñe'me Lec'oĝot Jesucristo.

1 Juan 3:24

Jogaa'me jo'ne yoqochideta daa'me lamaĝajoĝonaĝaco joñe'me Dios, nach'egaua neteda'ajop joñe'me, nataq'aen joñe'me netauelo jogaa'me. Nataq'aen dojo' jayatenaq queda'me qo'mi uetauelo: qa'a jouaĝat joñe'me Lepaqal jo'ne qo'mi yanema.

1 Juan 4:17

Qom da'me qat'oyaĝac nach'e ena'am da'me 'loyaĝac joñe'me Jesucristo, qama'le da'me Dios loqopich'i male qo'mi qoyiyamaĝatetouelo; qom naq'aeta, qama'le qaya'te qadepocoĝo qom yovita ga'me nolo' jo'ne 'uo da'me Dios lec'atenaĝanaĝac.

Apocalipsis 21:14

Qama'le ga'me lequepaĝanaĝat joga'me noic, uo'oe gaa'me qadi jo'ne doce 'me p'adiñe qoyen da'me chiyaqalo'te ga'me nequepaĝanaĝat da'me qo'noĝojeguem, qama'le uo'oe gaa'me nedii's jo'ne uetalo'te gaa'me qadi, nach'egaua gaa'me lenaqa'te gaa'me doce jo'ne lamaĝa's joñe'me 'Naĝanaĝate Lec'oĝot.