Juan 17:21 - Nuevo Testamento Toba Sombrero Negro

²¹ Am ñachoĝodenot qaedi yemeda naa'me naajo' da'me nach'e eta't nalo'ta't; qama'le ena'am da'me am Taĝadena' jayem oue'tajop qama'le da'me jayem nach'e ena'am am jone'tajop, nataq'aen naa'me naajo' qo'mi ue'tajopa, qaedi joga'me aleua laje'pi ja yoqolegue't da'me naqa'am jo'ne jayem anamaĝaquena.

Nuevo Testamento Toba Sur

²¹ Qataq 'am seÿaxanot, 'am ita'a, da yaqto' 'enauac namayipi ÿataqta n'atta't, da ÿataqta 'oonolec ca lataxac da qomi' n'attau'alo, yaqto' ishit da 'eeta'am da 'am aÿim qoueta'aguet, qataq aÿim 'am soota'aguet. Qataq ñishitaique da namayipi ÿataqta n'atta't, yaqto' nam huetalec ana 'alhua ishit da i'amaqten da aÿim 'adamaxashic.

La'aqtaqa Ñim Lo'onatac 'Enauacna 2013

²¹ Qataq 'am seỹaxanot, 'am Ita'a, da yaqto' naamaye ỹataqta na'atta'a't, 'eeta'am da 'eetec 'am qataq Aỹem da ña'araqta'a't, nataqa'en naamaye qomi' na'attaua'alo. Yaqto' nam shiỹaxauapi maye huetalec ana 'alhua ỹa'amaqten da Aỹem 'aramaxashec.

Juan 17:21 Iomraidhean Croise

Marcos 3:24

Qom ja nalo'ta'ajalo jogaa'me jo'ne dajoya'agueta joga'me laute'upi qama'le ja yaqanate't ta'le nechata'agueta jogaa'me.

Juan 10:16

Nach'e ena'am uo'oe gaa'me 'naĝanaĝatel laqaya' jo'ne yelopi 'me ja chiyoqodaue jana'me janjo' lae't, qalaĝaja nach'e ena'ama jec'atalo qaedi ñauetequena. Qa'a gaa'me nach'e ena'ama jayem yoqochideta, chane'eja qomle qama'le nalo'ta'ajalo da'me male onolec ga'me jo'ne nouatoqo't.

Juan 10:30

Ñe'me Taĝadena' nataq'aen jayem, onolec da'me mach'e qat'oyaĝac.

Juan 10:38

Qalaĝaja da'me qom je'etetac, temaq'aen da'me ja auacoñiyegueta naa'me 'yaqataqa, qalaĝaja a'uamaqachiñe' naa'me 'yonataqa, qaedi male auayachiñe queda'me joñe'me Taĝadena' jayem ue'tajop nataq'aen da'me jayem joue'tajop joñe'me.

Juan 11:42

Da'me jayem joote jayaten da'me nach'e eta't jayem auomachiya, qalaĝaja am ja'aĝatem da'me qaedi 'uo da'me layamaĝac jena'me jenjo' jiyaĝadipi jo'ne ueta'ñena, qaedi ja yoqolegue't da'me naqa'am da'me jayem anamaĝaquena.

Juan 13:32

Chane'eja qom naqayem jo'ne jaloĝon joda'me 'lonaĝac ñe'me Dios, qama'le nataq'aen joñe'me Dios yaloĝon jo' qomle da'me mach'e 'yonaĝac.

Juan 13:35

Qom yataqata anoqopichiya'a't onolqa'tape da'me ami, qama'le yema ga'me jiyaĝadipi yayate'n qomle da'me yataqata ami yapaĝaguenataqa.

Juan 17:11

“Jayem male ja yitaĝa joue'ta jena'me aleua, da'me cha'li jec qaedi yitaĝa am jona'ajop. Qalaĝaja naa'me naajo' qamqa'me maliaĝa ueteda'ña jena'me aleua. Am Taĝadena' jo'ne ja am 'te 'nalegue, 'noota qom auen netelalo naa'me naajo' ac'oqo'te da'me mach'e adañoqotaĝanaĝac jo'ne am chiyaqayi, nataq'aen da'me joote jayem auanem, qaedi male yataqachiñe auen nalo'ta'ajalo qama'le ena'am da'me am nataq'aen da'me jayem.

Juan 17:18

Qama'le ena'am da'me jayem anamaĝalo joga'me aleua laje'pi, nayi da'me jayem nach'e ena'am jayem jamaĝalo joga'me ch'e aleua laje'pi.

Juan 17:20

“Ja nach'enauate' naa'me naajo' jo'ne ñachoĝodetapelo'te, dite da'me nach'e ena'ama gaa'me jayem p'iida'a qomle domachita da'me jayem 'yaĝatetedac naa'me naajo' ac'oqo'te.

Juan 17:25

Am Taĝadena' jo'ne am yataqatelegue, joga'me aleua laje'pi ja am 'te yateto'n, qalaĝaja jayem qamqa'me am jateton qama'le naa'me naajo' male yayate'n da'me naqa'am jo'ne jayem anamaĝaquena.

Juan 17:3

Qama'le nach'eda da'me 'noyaĝac jo'ne ja 'naidena'a chiyaqayi da'me am qoyateton, da'me am onolec Dios jo'ne yataqatelegue, nataq'aen da'me jayem qoyateton, da'me jayem Jesucristo jo'ne jayem anamaĝaquena.

Juan 17:8

qa'a joote ja'aĝatema naa'me 'naqataqa jo'ne jayem auanema, qama'le nach'e ena'am yaconegueta jogaa'me. Nataq'aen da'me yataqachiñe am nomeda'a da'me eja am jachiyaqayi, nataq'aen da'me ja yoqolegue't da'me naqa'am jo'ne jayem anamaĝaquena.

Juan 3:17

Qa'a ñe'me Dios namaĝa'ña jena'me aleua ñe'me Lec'oĝot: ja namaĝa'ña jogaa'me aleua laje'pi qaedi ya'uo ga'me ne'uaĝanague'j, dite da'me qaedi nec'alaĝatedegue jogaa'me jiyaĝadipi.

Juan 5:23

qaedi yema jayem qo'nonaĝachigui, da'me nach'e ena'am qo'nonaĝachigui da'me jo'ne yanem joñe'me Taĝadena'. Qa'a joga'me jo'ne ja jayem 'te 'nonaĝachichigui, nach'e ena'am ja 'nonaĝachichigui ñe'me Taĝadena', joñe'me jo'ne nach'eñe 'me jayem namaĝaquena.

Hechos 2:46

Yemeda gaa'me noloqo'ote yec'adeta ga'me tamenaĝaiqui let'adaic qaedi yema'a't, nataq'aen onolec ga'me 'nachaqa' ueda'a nale neuachidigui ga'me pan, 'uo da'me lamai'j nale dajotedaye ga'me yali'j nataq'aen ja diyachiyaqayaqa naa'me lai'li.

Hechos 4:32

Ena'uaque joga'me p'etaqadaiquipi jo'ne jalcote nach'ega nale ga'me nometeguet nataq'aen lelnataĝa'j. Qaya'te gamachaqaega eetapega mach'e loĝot ga'me jo'ne te'me yauana, dite da'me nach'e ena'am loĝo't gaa'me jiyaĝa'u laqaya'.

Romanos 12:5

qama'le naq'aeta da'me nach'e ena'am qo'mi, mate mane'e qo'mi qayoĝode', qademaye ga'me onolec napat mach'e Cristo, nataq'aen onolqa'tape qo'mi joqotaĝaguet ena'am ta'le qademaye ga'me onolec napat.

1 Corintios 1:10

Ami yaqaya'olqa, ñe'me Qadejaliaĝanec Jesucristo jayem namaĝaquena qaedi ami ñachoĝodenoto queda'me 'noota ta'le adaloi'ta't nale 'uo ga'me anenaĝachiyegue. 'Noota qom ja yodapecache naa'me ademiyapelo'te, dite ta'le ena'uaque ami ademi'ta't, nataq'aen 'noota qom ena'uaque ami onolec ga'me adelnataĝaqui.

1 Corintios 12:12

Da'me qat'oyaĝac ja ch'e jamalegue, qa'a uo'oe qayoĝode' gaa'me qadoĝoje'te, qalaĝaja onolec da'me qat'oyaĝac yemedaye. Nach'e naq'aeta da'me 'loyaĝac ñe'me Cristo jo'ne uetauelo ga'me p'etaqadaiquipi.

1 Corintios 6:17

Qalaĝaja ga'me jiyaĝaua jo'ne 'uaĝayet ñe'me Jaliaĝanec, ena'am ta'le ga'me lepaqal yataqachiñe yema'aguet ñe'me Dios Lepaqal 'me ja 'nalegue.

Gálatas 3:28

Chane'eja male ja p'ajaye da'me ami judiopi uotaĝa ja ami 'te judiopi, qom ami nelataqa uotaĝa uojotedañi, uotaĝa ami le'emdipi uotaĝa ami yauodipi, qa'a ena'uaque ami qoyapetenegueta ñe'me Cristo qama'le ena'uac nalo'ta't.

Filipenses 1:27

Nach'edata da'me yataqata aviyamaĝachetac da'me anejiyaĝauayaĝaqui, oquitapegue' da'me 'laqatac joñe'me Cristo, uotaĝa da'me yitaĝa ami jec'atalo uotaĝa ja naq'aeta, qa'a jetaque jomachiya queda'me nach'e eta't a'nañaĝachela't, yataqata onolec joda'me auauoyi nataq'aen onolec joda'me adeloiquiaĝaqui, nach'eda da'me ademiyalegue da'me adepi'i jo'ne chiyaqayi da'me 'naqataĝanaĝac jo'ne onaĝaic.

1 Juan 1:3

Qama'le naq'aeta da'me ami jechoĝotaqatapema da'me jo'ne joote jauanaĝa nataq'aen jomachaĝa, qaedi qo'mi ademii'tegueta, nach'e naq'aeta da'me qadema'aguet joñe'me Dios jo'ne Qadet'a nataq'aen ñe'me Lec'oĝot Jesucristo.

1 Juan 5:7

Qa'a naajo' tres jo'ne mach'e choqotaĝanaĝayaqa: