Juan 16:17 - Nuevo Testamento Toba Sombrero Negro

¹⁷ Qama'le uo'oe gaa'me lapaĝaguenataqa jo'ne mach'e nenatetapega'ajalo: —¿Jach'e ga'me yelo'teguet da'me dojo' jo'ne qo'mi 'yaĝatema, da'me cha'li cada'ac da'me male ja jauanaĝa, nataq'aen da'me 'uo ga'me ja cop'a da'me yitaĝa jauanaĝa? ¿Jach'e ga'me eeta yec'ata ga'me neta'ña ñe'me Let'a?

Nuevo Testamento Toba Sur

¹⁷ Nachi som lapaxaguenatacpi huo'o na nnattega't, 'eeta': –¿Chaq huá'ague ca 'eetec ca naigui da l'aqtac? Da 'eetega da saqaÿaloq qome da sa selaqa'a, qalaxayi nataq'en saqaÿaloq da qaltaq selaqa'a, cha'ayi souaxat da taigue da neta'ague ñi lta'a.

La'aqtaqa Ñim Lo'onatac 'Enauacna 2013

¹⁷ Nache soua lapaxaguenataqa huo'oi soua maiche nnattega't, 'eetra': –¿Chaq negue't ca naigui de'era? Da 'eetega da saqaỹaloq da sa selaqa'a, qalaxaye nataqa'en saqaỹaloq da qaltaq selaqa'a. Qataq 'eetega da 'enauac de'era qome ipacchigui, cha'aye souaxat da taigue da neta'ague Ñim Lo'onatac 'Enauacna maye Lta'a.

Juan 16:17 Iomraidhean Croise

Marcos 9:10

Chane'eja yiyamaĝa't, 'nemaĝadela'ajalo jogaa'me, mate mane'e nenatetapiye da'me jach'e jogamaĝa eeta da'me 'niyelaĝajeguem joñe'me yataqachiñe Jiyaĝaua Lec'oĝot.

Marcos 9:32

Qalaĝaja gaa'me lapaĝaguenataqa ja yayate'n ga'me jo'ne 'yaĝatetapema, nataq'aen t'oidapega da'me yena't.

Lucas 18:34

Qalaĝaja jogaa'me ja yayate'n da'me dojo', qa'a daa'me daajo' 'naqataqa maliaĝa ja qoyayatenaĝaneque jogaa'me, qama'le ja yaqanate't ta'le yayate'n.

Lucas 9:45

Qalaĝaja jogaa'me ja yayate'n ga'me jo'ne 'yaĝatema, qa'a maliaĝa ja qo'youachiguilo naa'me lai'li qaedi yayate'n da'me dojo'; nataq'aen t'oidapega ta'le yena't ñe'me Jesús qaedi noqoteteneque da'me dojo'.

Juan 12:16

Gaa'me lapaĝaguenataqa ñe'me Jesús maliaĝa ja yayate'n naa'me naajo' jo'ne uo'oe, qalaĝaja ca'li eque' jaa'me noloqo'ote da'me ua'a male yem da'me qo'nonaĝachigui ñe'me Jesús qama'le yemta qouenate'talo da'me yemeda naa'me naajo' jo'ne uo'oe, nach'enaua joote 'yaĝatetedac naa'me nedii's jo'ne Dios 'laqatac lae't.

Juan 14:22

Ñe'me Judas jo'ne lenaqateua ñe'me Iscariote yenat joñe'me: —Jaliaĝanec, ¿toqoch'e qo'mi analoĝonegueta qama'te ja analoĝonegueta jena'me jiyaĝadipi laqaya' jo'ne aleua laje'pi?

Juan 14:5

Qama'le Tomás 'yateguet joñe'me Jesús, enaac: —Jaliaĝanec, ja jayatenaq ga'me auajoyi. ¿Toqoch'e aueetapega jayatenaq ga'me naq'aec?

Juan 16:1

“Ami ja'aĝatema naa'me naajo' uo'oe qaedi ja aĝañiñi da'me adepi'i.

Juan 16:16

“Nayi cha'li cada'ac da'me ja jayem 'te auañiya, qalaĝaja ja cop'a da'me yitaĝa jayem auañiya qomle.”

Juan 16:18

¿Jach'e ga'me yelo'teguet da'me dojo' jo'ne «cha'li cada'ac»? Ja jayatenaq jach'e jogamaĝa eetapega.

Juan 16:19

Qalaĝaja Jesús joote yayaten da'me jetaque 'uo ga'me qoyenatec, qama'le enaac: —Ami ja'aĝatema da'me jo'ne cha'li cada'ac da'me ja jayem 'te auañiya, qalaĝaja ja cop'a da'me yitaĝa jayem auañiya qomle. ¿Qo'li nach'ena jo'ne auenataĝañetapec da'me ami?

Juan 16:5

Qalaĝaja nayi male jec qaedi jona'ajop joñe'me jo'ne jayem namaĝaquena, qama'le da'me ami qaya'te gamachaqaega jayem yenatec ga'me jo'ne jajoyi.