Juan 15:7 - Nuevo Testamento Toba Sombrero Negro

⁷ “Qom nach'e eta't adaloi'ta't da'me jayem auoqochiyeguet, queda'me nach'e eta't ami uetauelo naa'me 'yaqataqa, qama'le gamachaqaega aviyaĝañiyaque ami qoyanema.

Nuevo Testamento Toba Sur

⁷ Qaq qami' da nachi 'eetai' da aÿim qan'ayiitau'a, qataq sa ishit da qaucouai'ai na ÿapaxaguenataxanaxacpi, qaq da huo'o ca qauÿaxañiÿaique, nachi qami' qoÿanema.

La'aqtaqa Ñim Lo'onatac 'Enauacna 2013

⁷ Qaq qami' da nache 'eetai' da Aỹem qana'ayeetaua'a, qaltaq qaualaqaiguet 'enauac nam qami' sapaxagueneque, nache Ñim Ita'a qami' ỹanema 'enauac cam qauỹaxañiỹaique.

Juan 15:7 Iomraidhean Croise

Mateo 7:7

“Auajelaĝañiyot ñe'me Dios, qama'le ami qoyanema qomle; anec'achiya joñe'me qaedi anemichiyaque ga'me auoviñetaque, qama'le auejomiyalegue qomle; auajoyiya'uet ga'me jom da'me aviyaĝañiya'uo, qama'le ami qo'youategueta qomle.

Juan 14:13

Qom yataqachiñe jayem ademii'teguet, qama'le ami janema yema ga'me jo'ne auajelaĝañiyaque, qaedi da'me jayem jo'ne jayem Dios Lec'oĝot male jaloĝon da'me 'lonaĝac joñe'me Taĝadena'.

Juan 15:16

Ja ena'am ta'le jayem adiquiyaqui, dite da'me ami mach'e ami yiquiyaqa, qama'le ami jamaĝalo'te da'me oquiyi qaedi aueñi jalcote da'me anejalayaĝaqui, nach'aga jaga'me anejalai jo'ne ja yitaĝa pal. Qom naq'aeta qama'le ñe'me Taĝadena' ami yanema yema ga'me jo'ne aviyaĝañiyaque, jouaĝat da'me jayem auoqochi'taguet.

Juan 16:23

“Qom yovita da'me dojo' qama'le ja yitaĝa jayem auenachetac. Eja da'me ami ja'aĝatema: joñe'me Taĝadena' ami yanema yema ga'me jo'ne auajelaĝañiyec jouaĝat da'me jayem ademii'teguet.

Juan 8:31

Qama'le Jesús t'aqataĝanema jogaa'me judiopi jo'ne naquiaĝata nataq'aen da'me p'iida'a joñe'me, enaac: —Da'me ami, qom nach'e eta't da'me aviyamaĝache'tape naa'me 'yaqataqa, qama'le naqa'ami jo'ne yataqachiñe ami yapaĝaguenataqa;

Juan 8:37

Jayem joote jayaten da'me auachiyoqoya'aguet di'me Abraham, qalaĝaja jetaque jayem aualachi da'me aueñi yaviyaĝajet da'me jo'ne ami ja'aĝatema.

Gálatas 4:2

Uo'oe gaa'me jiyaĝa'u jo'ne neteleta nataq'aen yelodelegue joga'me qom cha'li natajeguem nataq'aen yapaĝague'n, chayovida'a ga'me nolo' qom let'a en ladipa q'aen ena'uac.

Gálatas 5:16

Qo'che' ami jaqateque da'me auoqochiiya ñe'me Dios Lepaqal qama'le ja auauoyi lamaic ga'me ja no'en ta'le a'vichi.

Colosenses 3:16

'Noota qom Cristo 'laqataĝanaĝac nach'e eta't jaqachiguilo q'ae'n naa'me adai'lidi'. Nataq'aen ami yatenaĝanaĝayaqa da'me anapaĝagueñiya't nataq'aen anequeuoquitalo nale gaa'me adaqayadi'. Nataq'aen da'me 'uo da'me lamai'j naa'me adai'lidi' qama'le a'nonaĝachigui joñe'me Dios, a'uoñe'tape joga'me nalaco jo'ne Dios Lepaqal ami yanema.

1 Juan 2:14

Ami yalaqapi, queda'me joote ami janema da'me 'yaqatac qa'a auatetoñi joñe'me Qadet'a. Ami 'yaĝaiquipi, queda'me joote ami janema da'me 'yaqatac qa'a auatetoñi joñe'me jo'ne jalchi'ena 'uo joca'li yemta. Ami joĝodipi, queda'me joote ami janema da'me 'yaqatac qalaqach'ele ami 'uañaĝayaqolqa, nataq'aen da'me joote auacoñiyegueta daa'me 'laqataqa ñe'me Dios, nataq'aen queda'me joote anomachi joñe'me payac.

1 Juan 2:27

Qalaĝaja joote ami ua'ajopa joñe'me Dios Lepaqal jo'ne Jesucristo ami yanema. Qama'le ja auachitataitaque ta'le 'uo ga'me ami yapaĝague'n, qa'a joñe'me Dios Lepaqal nach'eñe ami yapaĝagueneque ena'uaque jogaa'me jo'ne uo'oe, nataq'aen da'me lapaĝaguenataĝanaĝac yataqata eja, nataq'aen qaya'te loqovinaĝanaĝac. Chane'eja, nach'e aueñeta't auoqochi'taguet joñe'me Cristo, nach'e naq'aeta da'me Dios Lepaqal joote ami yapaĝagueneque.

1 Juan 3:22

Nataq'aen joñe'me qo'mi yanema ena'uaque gaa'me jo'ne jajelaĝanaqaque, qa'a jouaĝat queda'me jiyamaĝata' daa'me lamaĝajoĝonaĝaco, nataq'aen jauoqo'oe jodaa'me jo'ne yepaquetapegalo.

1 Juan 5:14

'Uo da'me qadeuataqataĝanaĝac joñe'me Dios, qa'a jayatenaq queda'me qom 'uo ga'me jo'ne jiyaĝanaqaque, qom naq'aeta da'me loequenataĝanaĝac joñe'me, qama'le qo'mi naquiaĝanalo.