Juan 15:5 - Nuevo Testamento Toba Sombrero Negro

⁵ “Naqayem jo'ne jayem uva lichidic, qama'le da'me ami naqa'ami jo'ne lepeel. Ga'me jo'ne nach'e eta't jayem yoqote'taguet, nataq'aen jayem da'me joqote'taguet joga'me, qama'le jalcote ga'me nejalayaĝac; qalaĝaja qom ja jayem 'te auoqochi'taguet, qama'le qaya'te auaqanachichi.

Nuevo Testamento Toba Sur

⁵ Qaq aÿim mayi shiita'am aca nanguishi, qaq qami' nachiqami' icoue. Qaq cam nachi 'eetai' da aÿim n'attau'a qataq ñi'atta'ai', nachi camayi ÿataqta qalota da alaÿaxac, cha'ayi qami' sa ishit da huo'o ca qoñiic da huo'otaq sa ishit da aÿim qan'ayiitau'a.

La'aqtaqa Ñim Lo'onatac 'Enauacna 2013

⁵ Qaq Aỹem maye sheeta'am aca 'eesa nañiguishe, qaq qami' nacheqami' icoue. Qaq cam nache 'eetai' da Aỹem na'attaua'a qataq ña'atta'ai', nache camaye ỹataqta qalota da alaỹaxac, cha'aye saishet da huo'o ca 'eneque qami' da huo'otaq saishet da Aỹem qana'ayeetaua'a.

Juan 15:5 Iomraidhean Croise

Mateo 13:21

qalaĝaja queda'me ja jalcote ga'me pata', ja yaqanate't da'me 'nañaĝatela'ajalo; qom naqaeda jouaĝat da'me 'naqataĝanaĝac uo'oe gaa'me napiyenagueco uotaĝa qoyecaa'tape, yaqataqate'n qama'le nepaten.

Juan 12:24

Ami ja'aĝatema da'me eja: jaga'me trigo jala qom ja taue jena'me aleua qaedi yeleuaue, qama'le nach'eda da'me onolec. Qalaĝaja qom yeleu, qama'le let'adaic da'me nejalayaĝac jo'ne chiyaqayi.

Juan 15:16

Ja ena'am ta'le jayem adiquiyaqui, dite da'me ami mach'e ami yiquiyaqa, qama'le ami jamaĝalo'te da'me oquiyi qaedi aueñi jalcote da'me anejalayaĝaqui, nach'aga jaga'me anejalai jo'ne ja yitaĝa pal. Qom naq'aeta qama'le ñe'me Taĝadena' ami yanema yema ga'me jo'ne aviyaĝañiyaque, jouaĝat da'me jayem auoqochi'taguet.

Juan 5:19

Jesús male enaac: “Eja da'me ami ja'aĝatema: jayem jo'ne Lec'oĝot joñe'me Dios, jayem ja jaqanatet ta'le ja'uo ga'me mach'e yelnataĝac; onolec da'me ja'uo da'me jo'ne jauana 'me ye'et ñe'me Taĝadena'. Qama'le yema ga'me jo'ne ye'et joñe'me Taĝadena', nach'e ena'am jayem je'et.

Juan 9:33

Chane'eja jena'me jenjo' ta'le ja chiyaqaje'ma ñe'me Dios qama'le ja yaqanatet ta'le 'uo ga'me ye'et.

Hechos 4:12

Qaya'te laqaya jo'ne chiyaqayi da'me nec'alaĝa, qa'a yema jena'me aleua Dios ja qo'mi 'te yanema ga'me jiyaĝaua laqaya jo'ne jachiyojoĝotaĝaye da'me qadec'alegue.

Romanos 12:5

qama'le naq'aeta da'me nach'e ena'am qo'mi, mate mane'e qo'mi qayoĝode', qademaye ga'me onolec napat mach'e Cristo, nataq'aen onolqa'tape qo'mi joqotaĝaguet ena'am ta'le qademaye ga'me onolec napat.

Romanos 6:22

Qalaĝaja nayi, auachiyoqoitelo'te naa'me adoecodi' da'me ami uojotedañi, male a'uoĝoñiuo'o da'me a'uonataĝañiuo'o ñe'me Dios. Dojo' qamqa'me eja 'uo ga'me anaviquila't, qa'a da'me chiyaqayi nach'eda 'noyaĝac 'me ja 'naidena'a.

Romanos 7:4

Nach'e ena'am naq'aeta, ami yaqaya'olqa, da'me auoqochiuo'o ñe'me Cristo oviyaue da'me leleuaĝa joñe'me, qaedi oquiya'e da'me namaĝajoĝonaĝac, qama'le uoja'ega anecoñiteguet, nach'eñe ñe'me jo'ne ca'li joote yem da'me yeleu, qama'le yitaĝa 'niyelaĝajeguem. Qama'le naq'aeta da'me onaĝaic ga'me jalayaĝac 'me janemaĝam ñe'me Dios.

1 Corintios 10:16

Nale qo'nonaĝachigui ga'me niqui'yaĝac 'me ja 'nalegue, qama'le jaconaĝa jaga'me yomaĝaiqui jo'ne chiyaqayi da'me qoyanem da'me qadamaic ñe'me Dios: nale ñiyomaq, qama'le naue da'me qo'mi qoyiuaĝayaĝana't yajouaĝat jaga'me letauo' ñe'me Cristo. Nataq'aen ga'me pan jo'ne qoyecolaĝapiye: nale jaliguinaq, qama'le naue da'me qo'mi qoyiuaĝayaĝana't yajouaĝat ga'me lapat ñe'me Cristo.

1 Corintios 12:12

Da'me qat'oyaĝac ja ch'e jamalegue, qa'a uo'oe qayoĝode' gaa'me qadoĝoje'te, qalaĝaja onolec da'me qat'oyaĝac yemedaye. Nach'e naq'aeta da'me 'loyaĝac ñe'me Cristo jo'ne uetauelo ga'me p'etaqadaiquipi.

1 Corintios 12:27

Chane'eja 'noota, naqa'ami mach'e Cristo 'loyaĝac, nataq'aen onolqa'tape ami ena'am ta'le ademiya'eguet da'me 'loyaĝac ñe'me Cristo.

2 Corintios 13:8

Qa'a qaya'te jaqanatetaq ta'le ñautenaĝanaĝaguet da'me eja, jaldata da'me jotauanaq da'me jo'ne eja.

2 Corintios 9:10

Dios jo'ne ya'uo jaga'me petapi jo'ne qoyaañi nale nataq'aen ga'me niqui'yaĝat jo'ne qoyalic nale, nach'e ena'am ami yanema yema ga'me jo'ne auoviñetaque, nataq'aen nichiyaĝataye ga'me ami yanema, qaedi auaqanachichi ta'le alecochiiyalo jogaa'me adaqayadi'.

Gálatas 5:22

Qalaĝaja ñe'me Lepaqal ñe'me Dios qo'mi noqopitaĝanaĝaneque jogaa'me qadaqaya'olqa, nach'e eta't jouaqataue da'me qo'mi made'tape nataq'aen jouaqataue da'me qat'emaĝac da'me jouaqa'tajopa gaa'me qadaqaya'. Qo'mi e'n ñapogaĝadenaq nataq'aen qo'mi qopitaĝanaqataqayaqa, nataq'aen nach'e eta't 'noota ga'me je'etaĝaque jogaa'me qadaqaya', jep'iyaqa ñe'me Dios.

Efesios 5:9

Qa'a gaa'me jo'ne uetedaue da'me yoqochiñe, daa'me 'lonataĝanaĝaco 'noote' nataq'aen chimaqachidiñe nataq'aen yataqatelo'te.

Filipenses 1:11

Chane'eja joda'me lecochaĝac joñe'me Jesucristo male ami yaloĝonalo joda'me 'noota ta'le a'vichi, qaedi yataqata qo'nonaĝachigui joñe'me Dios chayovida'a da'me yataqata qonenaĝachijeguem joda'me lenaĝat joñe'me.

Filipenses 4:13

Nach'eñe ñe'me Cristo jo'ne ya'uo joga'me 'yañaĝac qaedi male jeloquetape'to naa'me naajo' qat'oyaĝaco da'me jouaqa'ta jena'me aleua.

Filipenses 4:17

Da'me dojo' jo'ne ami ja'aĝatema nayi, ja jelotaque ta'le yitaĝa 'uo joga'me jayem auañem. Nach'edata da'me jelotaque da'me nichiquetaye ga'me anejetenaguequi jo'ne Dios ami yanema qomle.

Colosenses 1:10

Qaedi auaqanachichi ta'le 'noota ga'me auauoyi, nach'e naq'aeta ga'me yauote nale jogaa'me quetegue joñe'me Jaliaĝanec, nach'e eta't auauoyi ga'me jo'ne yiyamaĝaden joñe'me, auauoyi jala gaa'me yodapecache 'me onaĝayaqa at'onataqadi', nataq'aen aueñi nichiquetaye da'me yataqata auatetoñi joñe'me Dios.

Colosenses 1:6

Naqaeda da'me 'naqataĝanaĝac jo'ne joote ami novida'alo, qama'le ena'am ta'le nichiquetaye da'me jalayaĝac, ena'am da'me 'uo yemeda naa'me ale'u lael. Nach'eda da'me ami chiyoqotelegue ca'li yemta auomachiiya qama'le auayachiñe joga'me lichoĝodenataĝanaĝac ñe'me Dios queda'me eja yataqatelegue.

Santiago 1:17

qa'a yema da'me jo'ne onaĝaic nataq'aen da'me qaneme qoyen jo'ne ja 'nalegue 'me qo'mi qoyanema, yema chiyoĝogue di'me p'ajeguem jo'ne neta'ña joñe'me Dios, joñe'me jo'ne yauo'oe naa'me jo'ne 'uo da'me laqaselegaĝa'j jo'ne lecoyadaĝanaqate q'aen di'me piyem, joñe'me Dios jo'ne ja nadalaĝatela't, qama'le ja ena'am ga'me nepaqaliaĝala' da'me nach'e eta't da'me nichiquetapiyet ga'me nepaqal.

1 Pedro 2:4

Chane'eja anichiquii'uo nayi joñe'me Qadejaliaĝanec Jesús jo'ne ena'am ga'me qa' 'me yataqata nec'aletaye. Ga'me jiyaĝadipi 'yota'n ca'li joñe'me, qalaĝaja nach'eñe jo'ne Dios liquiyac nataq'aen da'me 'uo da'me lajo'viyaĝac let'adaic.

2 Pedro 3:18

Qalaĝaja 'noota da'me yataqachiñe auatetoñi ñe'me Qadejaliaĝanec mach'e Qadec'alaĝaiqui Jesucristo, qama'le da'me ami nichiguegue da'me adoqopich'i. ¡'Noota qom qoyauana da'me 'lonaĝa joñe'me, nayi jenjo' nolo' nataq'aen yemeda naa'me noloqo'ote, nach'e eta't ja pal! Jaja'a, nach'e naq'aeta da'me dojo'.