Juan 15:25 - Nuevo Testamento Toba Sombrero Negro

²⁵ Qalaĝaja jena'me jenjo' male 'uo nayi qaedi yepaquichiguilo naa'me nedii's jo'ne joote qoyedidiñe, da'me enaac: «Jayem niquiyata qalaĝaja ja di'yoq ga'me jayem yajouaĝatem.»

Nuevo Testamento Toba Sur

²⁵ Qalaxayi damayi nachi lliquiaxac qanqoÿin, yaqto' ishit da ipacchigui da n'aqtac mayi nanettañi nam nqataxacpi mayi qoÿami' co'ollaxa namayipi, mayi 'eeta': “Aÿim nquiÿa namayipi, qamaq qaica ca sasouaxat.”

La'aqtaqa Ñim Lo'onatac 'Enauacna 2013

²⁵ Qalaxaye damaye iuen da yo'oq, da yaqto' ipacchigui dam nanettalec ana nere maye huetalec na la'aqtacpi Ñim Lo'onatac 'Enauacna maye 'eeta': «Aỹem nquiỹa namayepi, qamaq qaica ca sasouaxat.»

Juan 15:25 Iomraidhean Croise

Mateo 10:8

Anec'alaĝachidegue jogaa'me yeleua'ape, a'niyelaĝachiidijeguem jogaa'me joote yele'u, aueñi yoqovite' jogaa'me nolaĝa polio' lalataqa nataq'aen auamaqayidegue jogaa'me payagodipi lepaqa'li. Dojo' nañoqotaĝanaĝac ami qoyanema nayi: qaya'te lajo'vi ta'le oquiyot. Chane'eja ena'te auauoyi lajo'vi da'me auec'alaqataĝañi.

Lucas 24:44

Yem qama'le yanema da'me 'laqatac: —Ga'me jo'ne 'uo jaa'me jaajo' noloqo'ote nach'ega jo'ne joote ami jaqataĝatapeque da'me cha'li maliaĝa ami jouetauelo; jo'ne nach'egaua male yepaquichiguilo ena'uaque gaa'me qoyedidiñe 'me jayem 'yaĝatetedac gaa'me nedii's jo'ne lamaĝajoĝonaĝaco di'me Moisés, choqogaa'me ledii's dia'me Dios 'laqataĝanaĝanaqapi nataq'aen jaga'me nede jo'ne lenaĝat Nalacpi.

Juan 10:34

Jesús enapegalo jogaa'me: —Da'me Dios 'laqatac jo'ne te'me ami qoyanema joote qoyediñe joca'li da'me enaac ñe'me Dios: «Naqa'ami jo'ne ami diospi.»

Juan 13:18

“Ja ademiya ta'le ami ja'aĝate'tape nayi, qa'a jayate'n jogaa'me jo'ne je'n yecochaĝa'u. Qalaĝaja yataqata yepaquichigui qomle da'me qoyediñe joca'li jo'ne eet'oi: «Joga'me mach'e yiqui'yaĝaua naqaega jo'ne jayem nautena jo' qomle.»

Juan 19:36

Qama'le uo'oe daa'me daajo' jo'ne di'yo't qaedi yepaquichigui da'me 'yaĝatetac daa'me nedii's joca'li jo'ne eetac: “Gaa'me lep'inaqa, qaya'te 'uo ga'me qoyenoĝon.”

Romanos 3:19

Qa'a da'me qo'mi yataqachiñe jayatenaq yema ga'me uaye jaga'me nede jo'ne uedaye da'me namaĝajoĝonaĝacpi, yeloĝonaĝachiguilo da'me tachiguilo da'me enapegalo ga'me uetedo'ot gaa'me naqataĝaco, qaedi qaya gamachaqaega eetapela't qaya'te lajouaĝajet, qaedi qom 'uo da'me lec'atenaĝanaĝac ñe'me Dios qama'le nach'e ena'am uetedaue yema ga'me jiyaĝadipi.

Romanos 3:24

Qalaĝaja Dios, da'me lichoĝodenataĝanaĝac 'me qaya'te lajo'viyaĝac en qo'mi yataqatelo'te q'ae'n, chiyaqayi da'me nec'alaqataĝanaĝac 'me ya'uo ca'li ñe'me Cristo Jesús.

2 Corintios 11:7

¿Jach'e jogamaĝa yoec? Nach'edata da'me onolec je'etetac: ca'li ami ja'aĝatema da'me 'laqataĝanaĝac ñe'me Dios, ja ami 'te jachiyoĝotauelo ga'me ñejetenaguec, dite da'me ñoqochiñe da'me jayem p'ajaye qaedi anichiquitajeguem da'me ami.

Gálatas 2:21

Chane'eja ja jemaĝaguet da'me loqopich'i ñe'me Dios, qa'a ta'le ñe'me qo'mi yataqatelo'te q'ae'n queda'me qolaqa'teguelo daa'me namaĝajoĝonaĝaco, qama'le qaya'te chiyaqayi da'me leleuaĝa ñe'me Cristo.

2 Ts 3:8

Nataq'aen nale 'uo ga'me jaliguinaq ja ch'e ta'le jaconaĝa, dite da'me yataqata qaneuodenaĝac nale, jo'onataĝatac nale nolo' uotaĝa pi'yaq, qaedi uotaĝa ja yedalegue da'me ch'e qo'mi auachichi, uotaĝa qo'mi avichoĝodeñi', ja naq'aeta.

Apocalipsis 21:6

Yem da'me dojo' qama'le yitaĝa jayem dojapegue', enaac: —Male joote jen yem. Mach'e jayem jo'ne je'uaechiñe nataq'aen da'me naqayem jo'ne jep'ategue, ena'am ta'le jayem alfa nataq'aen da'me jayem omega. Ga'me jo'ne yelinquip, janema qomle ga'me laiquip jo'ne chiyaqayi da'me nec'alaĝa, 'me chiyaqañgui ga'me noĝop jo'ne nach'e eta't da'me nayetaye, 'me ja qoyaqanatet ta'le qodicot.

Apocalipsis 22:17

Joñe'me Dios Lepaqal nataq'aen jañe'me jo'ne jetaque en loua ñe'me 'Naĝanaĝate Lec'oĝot enaac: —¡Auanaequena! Da'me ami jo'ne jayem auomachiiya, aueñeetac: —¡Auanaequena! Joga'me jo'ne yelinquip, qa'a 'uo da'me lamaic da'me jayem nec'ata, qama'le 'noota qom niyomigui jenjo' noĝop jo'ne 'uo da'me nec'alaĝa, jena'me noĝop jo'ne ja qodicot.