Juan 15:2 - Nuevo Testamento Toba Sombrero Negro

² Nach'eñe yichaĝaye yema jaga'me yepee jo'ne qaga'te jala; qalaĝaja yema jaga'me 'uo jaga'me jala, qama'le yepoloqo't qaedi let'adaic da'me nejalayaĝac.

Nuevo Testamento Toba Sur

² Qaq ñimayi iquesoxouec acamachaqaca ana icouepi da huo'otaq sa ishit da huo'o aca ala, qataq ñimayi nqat ana llaxataxa ana lcouepi mayi huo'o ana ala, yaqto' ÿacteec da huo'o ana alapi.

La'aqtaqa Ñim Lo'onatac 'Enauacna 2013

² Qaq da huo'o aca 'oonole ana icouepi da saishet da huo'o ana ala, nache Ñi Ita'a iquesoxouec; qalaxaye nqat ana llaxataxa ana lcouepi maye huo'o ana ala, da yaqto' nquictec da alaỹaxac.

Juan 15:2 Iomraidhean Croise

Mateo 13:12

Qa'a ga'me maqachaĝa 'uo ga'me ue'tajop, yitaĝa uoja'ega qoyanem, qama'le jalcote ga'me ua'ajop; qalaĝaja ga'me jo'ne qaya'te ue'tajop, chayovida'a ga'me jaleca jo'ne yauana qodoĝotaĝanec.

Mateo 13:33

Nach'e ena'am 'yaĝatema dojo' laloqotenaĝanaĝaiqui: “Da'me lejaliaĝa di'me piyem ena'am ga'me nalequetenaĝanaĝat jana'me pan 'me yacona jaga'me yauo. Yem, qama'le yalequeteneguet ga'me let'adaic lonanec trigo lojoche 'me yovi' veinticinco kilos, da'me qaedi yema yajediye q'aen.”

Mateo 15:13

Joñe'me 'yategueta: —Ena'uac ga'me nanapi jo'ne ja naqaeñe ñe'me Taĝadena' ta'le yaañi, chayovida'alo gaa'me patadi qonapodijeguem qomle.

Mateo 21:19

Ga'me ladic, yela'a jaga'me epaq jo'ne higuera, qama'le uayoĝo'ta, qalaĝaja ja yauana jaga'me jala, nedo'ta't jana'me layoqote. Chane'eja enapega jaga'me higuera: —¡Chiyoqochiñe nayi ja yitaĝa aueco'o! Qanach'e ua'a da'me paja'a daqaqa jaga'me higuera.

Mateo 25:29

Qa'a ena'uaque gaa'me jo'ne 'uo ga'me yauata, yitaĝa uoja'e ga'me qoyane'm, qaedi jalcote ga'me yauata. Qalaĝaja ga'me jo'ne qaya'te yauana, chayovida'a ga'me jaleca jo'ne yauana qodoĝotaĝanec.

Mateo 3:10

Uoja'eda da'me le'uaĝanaĝanaĝac ñe'me Dios ena'am jaga'me qachipe jo'ne qoyiyamaĝateta't qaedi qoyequejoĝoyelo gaa'me ep'a chayovida'alo gaa'me patadi. Ena'uaque gaa'me ep'a jo'ne ja yauote jala qonejecoĝojeguem qama'le qoyigoue.

Mateo 3:12

Ena'am ta'le nachetac jaga'me 'lonataĝanaqate jo'ne lajoqotaye qama'le najecot ga'me trigo yiyota'a ga'me lojoyiñi. Yachauelo ga'me liquipi' joga'me trigo, qalaĝaja ga'me lojoyiñi qamqa'me yajaĝauelo ga'me dole' jo'ne nach'e eta't edetañgui.”

Mateo 7:19

Qama'le yema jaga'me epaq jo'ne ja 'noota ga'me jala, qoyequejoĝoye qama'le qoyijaĝañgui ga'me dole'.

Marcos 4:20

“Qalaĝaja uo'oe gaa'me laqaya' jo'ne ena'ama gaa'me petal jo'ne tadi'ña ga'me aleua jo'ne onaĝaic: domachita da'me dojo' 'naqataĝanaĝac qama'le yataqachiñe yacoteguet, qama'le jalcote yauote jalayaĝa'j, onolqa'tape chiyaqayilo treinta, ga'me laqaya yauana sesenta, ga'me laqaya yauana cien.”

Lucas 8:13

Jaga'me peta jo'ne tachi'ñalo ga'me qadipi yelo'tegueta gaa'me jo'ne domachita da'me Dios 'laqataĝanaĝac qama'le made'tape da'me yacoteguet. Qalaĝaja ja jalcote qayada'ñelo gaa'me patadi: cada'ac 'uo da'me 'lamaqatenataĝanaĝa'j, qalaĝaja yovita da'me 'uo ga'me napiyenague'j qama'le ja naloteguet.

Juan 15:1

Yitaĝa enaac ñe'me Jesús: —Naqayem jo'ne jayem uva lichidic 'me yataqatelegue, qama'le ñe'me Taĝadena' mach'e neteloqo't.

Juan 15:16

Ja ena'am ta'le jayem adiquiyaqui, dite da'me ami mach'e ami yiquiyaqa, qama'le ami jamaĝalo'te da'me oquiyi qaedi aueñi jalcote da'me anejalayaĝaqui, nach'aga jaga'me anejalai jo'ne ja yitaĝa pal. Qom naq'aeta qama'le ñe'me Taĝadena' ami yanema yema ga'me jo'ne aviyaĝañiyaque, jouaĝat da'me jayem auoqochi'taguet.

Juan 15:3

Da'me ami joote ami yoqovite', chiyaqayi da'me joote auacoñiyeguet da'me 'yaqataĝanaĝac.

Juan 15:6

Joga'me jo'ne ja nach'e eta't jayem yoqote'taguet, nach'ega jo'ne qoyajaĝa'ya ga'me p'aye qama'le ua'ña da'me daqaqa qama'le ena'ama gaa'me lepeel jaga'me uva lichidic nale qoyapotena't qama'le qoyachedañgui ga'me dole' qaedi yavi'j.

Juan 15:8

Qom jalcote da'me anejalayaĝaqui qama'le auovidiya'a da'me ami yataqatelo'te yapaĝaguenataqa: nach'eda da'me dojo' jo'ne yaloĝon da'me 'lonaĝac ñe'me Taĝadena'.

Juan 17:12

Da'me jayem ca'li cha'li jouetauelo jogaa'me, qama'le je'euoĝonot da'me adañoqotaĝanaĝac jo'ne jayem auanem, qaedi yataqata jetelalo jogaa'me. Qama'le qaya'te ta'le yejomac, dite jo'me jo'ne jalchi'ena taya'a da'me yejomac, qaedi yepaquichigui da'me 'yaĝatetac naa'me nedii's.

Romanos 11:17

Jaga'me epaq jo'ne olivo, nach'ena 'me yelo'tegueta jena'me judiopi, tayapiye uo'oe gaa'me qoyichaĝadegue gaa'me lepeel, qama'le ga'me chiyaqa'ña qoyejechi'ñeguet jaga'me olivo 'me viaĝaje, jo'ne mach'e am. Naq'aeta da'me maqachaĝa anetauana'uo ga'me onolec pata', nataq'aen nach'eda da'me 'loyaĝac jaga'me olivo.

Romanos 11:22

Chane'eja auec'aten: yataqachiñe 'noota ñe'me Dios, mate mane'e yataqachiñe ja damitelegue. Chane'eja ca'li uo'oe gaa'me e'n 'uaĝadiñe, qalaĝaja da'me am yataqata am yichoĝoden. Qalaĝaja 'noota qom nach'e eta't da'me at'oyaĝac uetaue da'me lichoĝodenataĝanaĝac joñe'me, qa'a qom ja naq'aeta nach'e ena'am am qoyichaĝaye qomle.

Romanos 8:28

Jayatenaq ñe'me Dios da'me yaqataĝata'ajalo gaa'me uo'oe 'me chiyaqayi ga'me liyamaĝa'j jogaa'me jo'ne noqopideta joñe'me, nach'egaua yiyaĝanalo joca'li joñe'me da'me jetaque nec'alaĝatedegue.

1 Corintios 13:1

Qom jayaten ta'le jadenaĝa't daa'me 'laqataqa joga'me jiyaĝa'u nataq'aen daa'me 'laqataqa jogaa'me piyem laje', qalaĝaja qom qaya'te yoqopich'i, qama'le gaa'me 'yaqataqa qaya'te yelo'teguet, jena'am jaga'me qataqui, uotaĝa ga'me natoviaĝatajec jo'ne qoyatoviaĝan nale.

Tito 2:14

Nach'eñe qo'mi nep'aĝanegueta ca'li yeleu, qaedi qo'mi yachiyoĝotauelo gaa'me ja 'noe'n, nataq'aen qaedi qo'mi yataqachiñe qo'mi yiyo'y, qaedi mach'e qo'mi e'n Dios lec'oqo'tolqa, jo'ne qa'nañaĝatetac da'me jauoqo joda'me 'noota.

Hebreos 12:15

Nach'e eta't da'me adechilela't qaedi qaya'te 'uo joga'me jetaque yeguem da'me loqopich'i joñe'me Dios, uotaĝa ta'le 'uo joga'me jetaque ami 'naĝa't, qa'a dojo' yelagaĝa'j jena'me qadayi qama'le ena'am jaga'me nana jo'ne 'uo ga'me pata' jo'ne chem, da'me t'aĝanataĝanac da'me yedo'n jogaa'me.

1 Juan 2:19

Nach'egaua jo'ne qo'mi ueteda'ajopa mañaĝa, qalaĝaja ja eja da'me qo'mi chiyoqodayilo, qama'le qo'mi ca'ae jogaa'me. Gamachaqaega jo'ne yataqata qo'mi chiyaqayilo, nach'ega qamqa'me nach'e eta't qo'mi uetauelo. Qalaĝaja, 'uo da'me dojo' qaedi di'yoqo'teque queda'me yema jogaa'me ja qo'mi 'te yotaua'n.

Apocalipsis 3:19

Da'me jayem jachimaĝategue da'me 'loyaĝa'j yema jogaa'me jo'ne joqopitalo, nataq'aen japaĝaguenataĝa'n jogaa'me. Chane'eja 'noota qom yataqata a'nañaĝachi qama'le a'niyelaqaeyot ñe'me Dios.