Juan 15:16 - Nuevo Testamento Toba Sombrero Negro

¹⁶ Ja ena'am ta'le jayem adiquiyaqui, dite da'me ami mach'e ami yiquiyaqa, qama'le ami jamaĝalo'te da'me oquiyi qaedi aueñi jalcote da'me anejalayaĝaqui, nach'aga jaga'me anejalai jo'ne ja yitaĝa pal. Qom naq'aeta qama'le ñe'me Taĝadena' ami yanema yema ga'me jo'ne aviyaĝañiyaque, jouaĝat da'me jayem auoqochi'taguet.

Nuevo Testamento Toba Sur

¹⁶ Qami' sa ishit co'ollaxa da aÿim qalca'aguishiqui, aÿim mayi qami' llica'agui'shi. Nachi qami' shinapegalo da yaqto' ÿataqta qalota da alaÿaxac da qanachaalataxaqui, qaq de'eda alaÿaxac da qanachaalataxaqui, damayi nachi 'eetai'. Qaq yaqto' ñi ita'a qami' ÿanema 'enauac nam qauÿaxañiÿaique da huo'otaq qoviilec da i'enaxat.

La'aqtaqa Ñim Lo'onatac 'Enauacna 2013

¹⁶ Qami' saishet co'ollaxa da Aỹem qarca'aguishiqui, Aỹem maye qami' ica'agui'she. Nache qami' shenapegalo da yaqto' ỹataqta qalota da alaỹaxac da qanachaalataxaqui, qaq de'era alaỹaxac da qanachaalataxaqui, damaye nache 'eetai'. Yaqto' Ñim Ita'a qami' ỹanema 'enauac nam qauỹaxañiỹaique da qoviilec da ỹe'enaxat.

Juan 15:16 Iomraidhean Croise

Mateo 21:22

Nataq'aen yema ga'me jo'ne aviyaĝañiyaque da'me anetamenaĝaqui, qom auep'iiya'a, ami qoyanema.

Mateo 7:7

“Auajelaĝañiyot ñe'me Dios, qama'le ami qoyanema qomle; anec'achiya joñe'me qaedi anemichiyaque ga'me auoviñetaque, qama'le auejomiyalegue qomle; auajoyiya'uet ga'me jom da'me aviyaĝañiya'uo, qama'le ami qo'youategueta qomle.

Lucas 6:13

Ca'li yovida'aguet ga'me nolo', qama'le yemata'a't gaa'me lapaĝaguenataqa, qama'le doce gaa'me yiquetelo'te jo'ne yaneque Dios lamaĝa's.

Juan 13:18

“Ja ademiya ta'le ami ja'aĝate'tape nayi, qa'a jayate'n jogaa'me jo'ne je'n yecochaĝa'u. Qalaĝaja yataqata yepaquichigui qomle da'me qoyediñe joca'li jo'ne eet'oi: «Joga'me mach'e yiqui'yaĝaua naqaega jo'ne jayem nautena jo' qomle.»

Juan 15:19

Ta'le ami ch'e aleua laje', jena'me jiyaĝadipi jo'ne aleua laje'pi ami noqopitalo, qama'le e'n ami ena'ama q'ae'n jogaa'me mach'e laqaya'. Qalaĝaja joote ami yiquiyaqa queda'me joote ami jachiyoĝotauelo joga'me ch'e aleua laje'pi. Chane'eja nach'eda jo'ne chiyaqayi da'me ami niquiya'alo, qa'a male ja ami 'te ch'e aleua laje'.

Juan 15:5

“Naqayem jo'ne jayem uva lichidic, qama'le da'me ami naqa'ami jo'ne lepeel. Ga'me jo'ne nach'e eta't jayem yoqote'taguet, nataq'aen jayem da'me joqote'taguet joga'me, qama'le jalcote ga'me nejalayaĝac; qalaĝaja qom ja jayem 'te auoqochi'taguet, qama'le qaya'te auaqanachichi.

Juan 6:70

Jesús male 'yateguet: —Da'me ami doce, ¿qo'li ja naqayem jo'ne ami yiquiyaqa? Qalaĝaja, nach'e ena'am da'me ami 'uo ga'me onolec jo'ne yataqachiñe payac.

Hechos 1:24

Qama'le eetojo' da'me netamenaĝa'j: “Am Jaliaĝanec, am jo'ne auateto'n ena'uaque naa'me qadai'li, qo'mi aualoĝonalo naa'me naajo' dojolqa, jach'e jogamaĝa auacotelegue,

Hechos 1:8

Qalaĝaja, qom ñe'me Dios Lepaqal ami neda'ñalo, qama'le auacoñiyeguet qomle da'me adañoqotaĝanaĝaqui, nataq'aen jayem a'uaĝachetac, a'uaqataĝañetapema ga'me Jerusalén laje'pi, nataq'aen ena'uaque gaa'me neda'ña di'me Judea nataq'aen di'me Samaria, chayovida'alo gaa'me lael jena'me aleua jo'ne yataqachiñe qayada'aguelo.

Hechos 10:41

Ja yema naloĝonegueta gaa'me noyaqa, dite qo'mi, jo'ne nach'e qo'mi liquiyaqa jo'ne e'n 'uaediñe qaedi choĝotaĝanaĝayaqa. Qo'mi ñeuanaqa'ta'y joñe'me da'me jeque'yaq nataq'aen da'me ñiyomaq ca'li joote 'niyelaĝajeguem.

Hechos 22:14

Yem qama'le yitaĝa enaac: «Joñe'me Nedios dia'me qadet'al am 'yatetelegue qaedi auateton da'me loequenataĝanaĝac, nataq'aen qaedi auana ñe'me jo'ne yataqachiñe chimaqachiñe nataq'aen auomachiya da'me lejamaĝa jo'ne chiyoqotoue ga'me mach'e nedegaĝat.

Hechos 9:15

Qalaĝaja ñe'me Jaliaĝanec enaac: “Oc, qa'a nach'eñe ja'atelegue ñe'me jiyaĝaua qaedi jayem 'yaĝate'tapema ena'uaque ga'me jiyaĝadipi jo'ne uetedalegue jena'me aleua, choqoga'me lejaliaĝanaqa nataq'aen nach'e ena'ama ga'me israelpi.

Romanos 1:13

Ami yaqaya'olqa, jepaquetapega ta'le auayachiñe da'me uaĝa'aegue jetaque ja'uo da'me yeuoĝoc qaedi ami jauanalo, qalaĝaja chayovida'a nayi nach'e eta't jayem nedalegue ga'me jo'ne jayem nauaneguet nale. Da'me yamaic, ena'am ta'le jetaque jatoĝon ga'me jalayaĝac ñe'me Dios Lepaqal 'me ami uetauelo, ena'am da'me joote jatoĝon gaa'me ale'u lael laqaya'.

Romanos 1:5

Chiyaqayi ñe'me Jesucristo jaconeguet da'me jayem qoyeyala'ac da'me jayem namaĝajec, jayem qoyanec da'me jo'onataĝaneuo'o, qaedi yema jena'me aleua uo'oe gaa'me p'iida'a joñe'me nataq'aen yoqochideta.

Romanos 15:4

Qa'a ena'uaque gaa'me qoyediñe joca'li gaa'me noloqo'ote 'me joote yenoĝodegue, qoyedidiñe qaedi qo'mi yapaĝague'n, qaedi chiyaqayilo jogaa'me male qanañaĝaden nataq'aen da'me qo'mi qoloyaĝanate't qaedi 'uo da'me qadeuataqataĝanaĝac.

Romanos 9:21

Ñe'me 'yoĝon jaga'me naco'na mach'e yayaten ga'me 'yetec ga'me jenal, qama'le nach'ega ga'me jenal yachiyoĝotayi jaga'me naco'na jo'ne qoyen lae't ga'me ni'yoĝodic qama'le laqaya qoyen lae't gamachaqaega.

1 Corintios 10:11

Naajo' 'nonataqa jo'ne di'yoĝoma dia'me jachiyojoĝogueta 'me qadapidi nach'enaua ena'am ta'le ch'e 'nanaqa, nataq'aen joote qoyedidiñe ena'am ta'le qo'mi qoyapetena'ata, qo'mi jo'ne jouaqatouelo naajo' p'atedegue noloqo'ote.

Gálatas 1:15

Qalaĝaja Dios jalcote jayem noqopita, qama'le chiyoqo'teguet ca'li maliaĝa ja ñiyiñe, jayem 'yatetelegue qaedi jo'onataĝaneuo'o joñe'me. Uoja'eda jayem yatetonaĝaneguet ñe'me c'oĝot qaedi ja'aqataĝanema ena'uaque gaa'me jiyaĝadipi jena'me aleua da'me onaĝaic 'naqataĝanaĝac jo'ne 'yaĝatetac joñe'me. Ca'li di'yoq da'me dojo' qama'le ja jachoĝoya gamachaqaega qaedi jayem yapaĝaguen,

Efesios 2:10

Da'me qo'mi mach'e qo'mi 'lonataqa joñe'me Dios, qama'le joqo'taqataguet joñe'me Jesucristo qaedi jauoqo'oe jogaa'me qat'onataqa jo'ne 'noote', nach'egaua jo'ne Dios joote yiyamaĝateta'ajalo qaedi je'etaqa'tape.

Colosenses 1:23

Qom yataqachiñe ami ejoda da'me a'nañaĝachela't da'me ami t'añidañe q'ae'n joda'me adepi'i, 'noota qom ja auaĝañiyegue da'me adeuataqataĝanaĝaqui jo'ne chiyaqayi da'me onaĝaic 'naqataĝanaĝac ca'li yemta auomachiiya. Nach'eda da'me 'naqataĝanaĝac jo'ne joote qoyapaĝagueneque ena'uaque jogaa'me noyaqa jo'ne neda'ña jena'me aleua, nataq'aen jo'ne ja'aĝatetac da'me jayem nale japaĝaguenataĝan.

Colosenses 1:6

Naqaeda da'me 'naqataĝanaĝac jo'ne joote ami novida'alo, qama'le ena'am ta'le nichiquetaye da'me jalayaĝac, ena'am da'me 'uo yemeda naa'me ale'u lael. Nach'eda da'me ami chiyoqotelegue ca'li yemta auomachiiya qama'le auayachiñe joga'me lichoĝodenataĝanaĝac ñe'me Dios queda'me eja yataqatelegue.

1 Timoteo 2:7

Nach'ena jenjo' qoyen ja'aĝatetac uotaĝa jayem aqataĝanaĝaic naa'me naajo' 'naqataqa, qama'le jayem yamaĝalo joga'me ja judiopi qaedi japaĝaguetapeque gaa'me ejoda jo'ne 'laqataĝanaĝaco joñe'me Jesús. Jenjo' jo'ne ja'aĝatetac yataqata eja, ja joqovinaĝatac.

2 Timoteo 1:11

Dios en jayem lamaĝajec nataq'aen en jayem paĝaguenataĝanaĝaic qaedi ja'aĝatetac da'me dojo' 'laqataĝanaĝac jo'ne onaĝaic.

2 Timoteo 2:2

Nataq'aen jenjo' joote jayem auomachitapega ca'li japaĝague'tape gaa'me jiyaĝadipi, qama'le nayi jetaque nach'ena jenjo' auapaĝagueneque gaa'me qadaqaya' jo'ne yataqata auep'etapegalo, qaedi naajo' naqaenaua qomle yapaĝague'n gaa'me laqaya'.

Tito 1:5

Qo'che' am jepota'ña ca'li di'me Creta: qaedi aviyamaĝachiñe ga'me jo'ne maliaĝa ja je'etaq, nataq'aen qaedi yemeda gaa'me noyaqa aviyaĝanalo gaa'me 'yaĝaicachidipi jo'ne niquiyaqa qaedi yelolo'te gaa'me p'etaqadaiquipi; ga'me jo'ne joote am japaĝaguenec nach'eda a'uetec qomle.

Hebreos 11:4

Ñe'me Abel yataqata p'iya'a ñe'me Dios, qama'le ya'uo joca'li ga'me lajaqajec jo'ne onaĝaic 'me yanem joñe'me Dios, ga'me jo'ne napacalegue ga'me lajaqajec ñe'me Caín. Chane'eja nach'eñe ñe'me Abel jo'ne qoyiyamaĝaden ca'li, da'me qo'yaĝatetac da'me yataqatelegue, qama'le qoyaconeguet ga'me mach'e lajaqajec. Qama'le nayi, mate mane'e Abel joote yeleu joca'li, qalaĝaja da'me lepi'iyaĝac maliaĝa queta da'me qo'mi t'aqataĝatapema.

Santiago 3:18

Nataq'aen joga'me jo'ne yepaquetedapega joda'me 'nemaĝac nach'e eta't yaadiñi joda'me 'nemaĝac qaedi qom daqataĝan qama'le 'uo joga'me jala jo'ne ja 'nalegue.

1 Pedro 3:15

Nach'edata da'me a'nonaĝachiyegui joñe'me Cristo mach'e Adejaliaĝanequi. Nataq'aen nach'e eta't aniyamaĝacheta't da'me a'uachiyegueta ena'uaque gaa'me jo'ne denataĝatapelegue da'me jo'ne adeuataqataĝanaĝaqui 'me joote ami uetauelo.

1 Pedro 3:2

jogaa'me p'iida'a qomle ñe'me Dios qom yauata da'me at'oyaĝaqui jo'ne onaĝaic nataq'aen da'me a'nonaĝachiyegui joñe'me Dios.

1 Juan 4:10

Qama'le naq'aeta da'me noqopich'i: yaqa'a ta'le qadoqopita joñe'me Dios, dite da'me nach'eñe jo'ne qo'mi noqopitalo, ca'li namaĝa'ña jena'me aleua joñe'me Lec'oĝot qaedi nemela't qaedi qoyalat, qaedi yemeda daa'me qadoeco male qoyapalaĝa't.

1 Juan 4:19

Qama'le qadoqopita joñe'me Dios qalaqach'ele 'uaeñe joñe'me qo'mi noqopitalo.