Juan 15:15 - Nuevo Testamento Toba Sombrero Negro

¹⁵ Ja yitaĝa ami jiyaĝanaĝaneque da'me ami ñejoĝonaqa, qa'a ga'me ch'e nejoĝonec ja yayaten ga'me mach'e ye'tetac joga'me lejaliaĝanec. Ami jiyaĝanaĝaneque nayi da'me ami yaqaya', qa'a joote ami jayatenaĝanaĝaneque yema da'me jo'ne jayem 'yaĝatem ñe'me Taĝadena'.

Nuevo Testamento Toba Sur

¹⁵ Nagui sa ishit da qami' samata'aque da qami' nlataqa, cha'ayi ca chochi nlatac sa ishit da ÿaÿaten cam i'ot ca n'aco'. Qaq nagui qami' samata'aque da qami' ñauochaxa'u, cha'ayi qami' sauattonaxanaxanque 'enauac nam l'aqtacpi ñi ita'a mayi aÿim ÿami'.

La'aqtaqa Ñim Lo'onatac 'Enauacna 2013

¹⁵ Nagui saishet da qami' samata'aque da qami' nlataqa, cha'aye ca choche nlatac saishet da ỹaỹaten cam ỹo'ot ca na'aco'. Qaq nagui qami' samata'aque da qami' ñauochaxau', cha'aye qami' sa'aqtaxaatema 'enauac nam la'aqtacpi Ñim Ita'a maye Aỹem ỹami'.

Juan 15:15 Iomraidhean Croise

Mateo 13:11

Jesús 'yategueta jogaa'me: “Da'me ami qamqa'me Dios ami yatetonaĝaneque ga'me ja di'yoq jo'ne lajoĝoc da'me lejaliaĝa jodi'me piyem; qalaĝaja jogaa'me ja naq'aeta.

Lucas 10:23

Yitaĝa nejelegalo gaa'me lapaĝaguenataqa, qama'le nach'egauate' da'me dojapegue'to: “Made'tapolqa gaa'me jo'ne yauata ga'me jo'ne auañiya nayi;

Juan 12:26

Qom 'uo ga'me jo'ne jetaque jayem t'onataĝaneuo'o, 'noota qom jayem equegue. Qama'le ga'me joue'ta da'me jayem, nach'e ena'am ue'ta ga'me jo'ne jayem lecochiya. Qom 'uo ga'me jayem lecochiya, ñe'me Taĝadena' nataq'aen 'nonaĝachichigui joga'me.

Juan 13:16

Yataqata eja da'me dojo' queda'me qaya'te ta'le 'uo joga'me namaĝajec ta'le napacalegue joga'me ladipa, nataq'aen da'me qaya'te 'naqataĝanaĝanec ta'le napacalegue joga'me yamaqatac.

Juan 15:20

Anetoviñetac da'me jo'ne joote ami ja'aĝatema: «Qaya'te namaĝajec ta'le napacalegue joga'me lejaliaĝanec.» Qom naqayem da'me 'uo da'me ñecanaguec, qama'le nach'e ena'am ami 'uo da'me anecanaguequi, nataq'aen qom qoyoqocha'alo naa'me 'yaqataqa qama'le nach'e ena'am qoyoqocha'alo naa'me mach'e at'aqataqadi'.

Juan 16:12

“Jayem qa'a maliaĝa jalcote daa'me yapaĝaguenataĝanaĝaco laqaya' jo'ne te'me ami janema, qalaĝaja da'me ami maliaĝa ja auaqanachichi ta'le yema da'me auayachiñe.

Juan 17:26

Chane'eja joote am jatetonaĝanaĝaneque nataq'aen da'me mach'e at'onaĝac nach'e ena'am da'me nach'e eta't da'me jayatenaĝanaĝa'n, qaedi da'me adoqopich'i jo'ne jayem auen ue'tajop nach'e ena'am uetauelo jonaa'me, qama'le nach'ayem da'me jouetauelo.

Juan 20:17

Jesús male 'yateguet jañe'me, enaac: —Ena'te jayem anauequetañe, qa'a maliaĝa jona'li jec'ata joñe'me Taĝadena' qaedi jona'ajop qomle. Qalaĝaja da'me am, 'noota qom oc qaedi a'uaqataĝanema jogaa'me yaqaya'olqa queda'me male jec qaedi jona'ajop joñe'me Taĝadena' jo'ne nach'e ena'am mach'e Adet'ai, joñe'me jo'ne Ñedios nataq'aen da'me mach'e Anedios.

Juan 4:19

Da'me domachiya da'me dojo' jañe'me yauo, qama'le enaac: —Jaliaĝanec, male jayaten da'me am 'laqataĝanaĝanec joñe'me Dios.

Juan 8:26

Qa'a da'me jayem maliaĝa jalcote da'me jo'ne jetaque ami ja'aĝatema nataq'aen da'me jec'ate'n naa'me adaviyaĝaje'chedi'. Qalaĝaja ñe'me jo'ne jayem namaĝaquena eja da'me 'laqatac, qama'le da'me jo'ne joote jayem 'yaĝatem joñe'me, nach'eda da'me jo'ne ami ja'aĝatema da'me joue'ta jenjo' aleua.

Hechos 20:27

qa'a joote ami jechoĝotetapema ena'uac ga'me jetaque ye'et ñe'me Dios, qaya'te gamachaqaega ta'le ami joĝotetapiñejopa.

Romanos 7:15

Ja jayatenegueta naa'me chiyaqapiyilo gaa'me mach'e 'yonataqa, qa'a ja je'et ga'me jo'ne jepaquetapega, qama'te gaa'me uo'oe jo'ne jiquiya'alo yataqachiñe naqaegaua je't.

1 Corintios 2:16

Qa'a naq'aeta da'me enapega't naa'me nedii's, eet'oi: «¿Jach'e ga'me yayaten ga'me lelnataĝac ñe'me Jaliaĝanec? ¿Jach'e ga'me yaqanatet ta'le yapaĝaguen joñe'me?» Qalaĝaja da'me qo'mi, joote qo'mi uetauelo da'me lelnataĝac ñe'me Cristo.

Gálatas 4:6

Qama'le nayi queda'me ena'am ta'le yataqachiñe qo'mi lec'oqo'tolqa, Dios namaĝaquena ñe'me Lepaqal 'me ja 'nalegue jo'ne chiyaqayi ñe'me mach'e Lec'oĝot qaedi qo'mi uetauelo. Qo'che' nale ñetamenoqot ñe'me Dios, ñe'me Lepaqal qo'mi yaje'tema da'me jiyaĝanoqot: “Am Qadet'a 'me am qadoqopita.”

Efesios 1:9

qama'le qo'mi yaloĝonalo jena'me jenjo' lelnataĝac jo'ne ja di'yoq ca'li yemta 'uo jena'me jenjo' aleua, ga'me jo'ne jetaque ya'uo 'me chiyaqayi da'me qoyalat ñe'me mach'e Liquiyac.

Efesios 3:5

Jena'me jenjo' lelnataĝac joñe'me Dios ca'li dia'me 'uaediñe ja yayate'n, qalaĝaja nayi Dios male yaloĝonalo jogaa'me ja 'nalo'te jo'ne mach'e lamaĝa's nataq'aen gaa'me 'laqataĝanaĝanaqa, jouaĝat da'me 'uo ñe'me Lepaqal jo'ne uetauelo jogaa'me.

Colosenses 1:26

Dojo' yelo'teguet joda'me lelnataĝac jo'ne jetaque ye'et ñe'me Dios chiyoqo'tegueta gaa'me 'uoidi jo'ne 'uaechidiñe, qalaĝaja qaya'te joca'li ga'me jiyaĝaua ta'le yaloĝona. Qalaĝaja nayi male yataqachiñe yaloĝonalo joga'me mach'e lec'oqo'tepi.

Filemón 1:16

Qama'le nayi ja ena'am da'me ch'e adelatac dite da'me ena'am da'me napacalegue ga'me ch'e nelatac; ena'am ga'me yataqachiñe adaqayeja jo'ne adoqopita. Jayem jalcote da'me joqopita, qalaĝaja da'me am, 'noota qom yaguegue auen jo' qomle da'me adoqopich'i, qa'a ja nach'edata da'me ch'e adelatac, dite da'me yataqachiñe qadanogaĝaua qadaqayeja jo'ne p'iya'a ñe'me Qadejaliaĝanec.

Santiago 1:1

Jayem Santiago jo'ne jayem lalemaĝajet ñe'me Dios choqoñe'me Qadejaliaĝanec Jesucristo, yamaic ami jamaĝalo, yema da'me ami jo'ne ami Dios lec'oqo'tepi 'me auachiyoĝoyegueta jogaa'me doce Israel lec'oqo'tepi 'me laedelegue yema jena'me aleua.

Santiago 2:23

Chane'eja naq'aeta en yepaquichigui da'me jo'ne qoyediñe ca'li 'me enaac: “Abraham p'iya'a joñe'me Dios, qama'le yajouaĝat da'me lepe'e Dios yaconeguet queda'me jiyaĝaua jo'ne yataqatelegue.” Chane'eja ñe'me Abraham qoyen naigaĝaua joñe'me Dios.

1 Pedro 1:11

Joñe'me Lepaqal ñe'me Cristo ye'uauaĝanouelo da'me yayatenaĝanaĝaneque jogaa'me Dios 'laqataĝanaĝanaqa da'me eeta da'me lachoĝodec ñe'me Cristo nataq'aen da'me 'lonaĝac jo'ne p'ategue. Qama'le jogaa'me jetaque da'me yejomedalegue jach'e jogamaĝa gaa'me noloqo'ote nataq'aen ga'me jo'ne ua'a ga'me en laloqo' joñe'me Dios Lepaqal jo'ne uetauelo jogaa'me.

2 Pedro 1:1

Jayem Simón Pedro, da'me jayem necochoqo't joñe'me Jesucristo nataq'aen da'me jayem lamaĝajec joñe'me, ami jamaĝalo da'me yep'iyenataĝanaĝac, da'me ami jo'ne joote auacoñiyeguet da'me nepe'e jo'ne yataqachiñe onaĝaic, yajouaĝat da'me ami yichoĝode'n joñe'me Qanedios jo'ne Qadec'alaĝaiqui mach'e Jesucristo, nach'eñe jo'ne yataqachiñe yataqatelegue. Chane'eja da'me adepi'i male ena'am da'me jo'ne mach'e qadepe'e.

Judas 1:1

Jayem Judas 'me jayem lalemaĝajet joñe'me Jesucristo, nataq'aen jayem lanoqolec joñe'me Santiago, ami janema naa'me naajo' yedii's, da'me ami jo'ne ami noqopitalo joñe'me Qadet'a Dios nataq'aen ami netelalo joñe'me Jesucristo, qa'a joote ami yiyaĝanalo joñe'me Qadet'a, ami yiyota'alo qaedi yataqachiñe ami e'n lec'oqo'tepi.

Apocalipsis 1:1

Jenjo' jo'ne qoyen di'yoq, da'me jo'ne maliaĝa ja qoyayate'n jo'ne Dios yane'm joñe'me Jesucristo, qaedi yayatenaĝanaĝaneque jogaa'me mach'e lalemaĝaje'te ga'me jo'ne paja'a 'uo qomle, chane'eja jayem namaĝa ñe'me lamaĝajec jo'ne piyem le'ec qaedi jayem yayatenaĝanaĝan, da'me jayem Juan jo'ne mach'e jayem lalemaĝajet joñe'me.