Juan 15:12 - Nuevo Testamento Toba Sombrero Negro

¹² Jenjo' mach'e yamaĝajoĝonaĝac jo'ne ami janema nayi: queda'me jalcote da'me ami joqopitalo, 'noota qom nach'e naq'aeta da'me anoqopichiyapega't da'me ami.

Nuevo Testamento Toba Sur

¹² Qaq dam ÿamaxasoxonaxac mayi qami' sanema 'eeta': Ñi 'oonolec da qoñiita ÿataqta ÿauotec ca lÿa, 'eeta'am da 'eetec da ÿataqta qami' sauoteque.

La'aqtaqa Ñim Lo'onatac 'Enauacna 2013

¹² Qaq dam ỹamaxasoxonaxac maye qami' sanema 'eeta': Ñi 'oonolec da qoñiita ỹataqta ỹauotec ca lỹa, 'eeta'am da 'eetec da ỹataqta qami' sauoteque.

Juan 15:12 Iomraidhean Croise

Juan 13:34

Chane'eja nayi male ami janema jenjo' dalaĝaic yamaĝajoĝonaĝac: yataqata anoqopichiya'a't onolqa'tape da'me ami. Aueñe'tem da'me jayem da'me yataqata ami joqopitalo, nach'ena jenjo' auauoyi da'me anoqopichiya'a't qomle.

Juan 15:17

Chane'eja male ami jamaĝalo'te da'me dojo': 'noota qom anoqopichiyapega't.

Romanos 12:10

Ena'am da'me mach'e adanogaĝa'u gaa'me adaqayadi' da'me yataqachiñe adoqopichiyalo, 'uo da'me auepaquitapegalo nale nataq'aen nach'e eta't auaquiya ga'me adaqaya.

Efesios 5:2

Yataqata adoqopichiyalo naa'me adaqayadi', ena'am ca'li joñe'me Cristo da'me yataqata qo'mi noqopitalo qama'le qo'mi nep'aĝanegueta ca'li, qaedi ena'am ta'le qoyen qadajaqajec, ena'am ga'me 'naĝanaĝate c'oĝot jo'ne qoyachalegue ga'me nec'atoĝonaĝala' nale, nach'eñe jo'ne ena'am joga'me neyoĝoque jo'ne jama nale ga'me laeta, yataqata yiyamaĝaden ñe'me Dios.

1 Ts 3:12

Nach'e ena'am 'noota ta'le Qadejaliaĝanec yataqata ami yanema da'me jalcote da'me nichiguegue da'me adoqopich'ii, qaedi nichigaĝategue da'me anoqopichiyapega't nataq'aen da'me adoqopichiyalo yema ga'me jiyaĝadipi, chayovida'a da'me qo'mi auadenaĝachi da'me yataqata ami qadoqopitalo nale da'me ami.

1 Ts 4:9

Ja auoviñetaque ta'le jediñe ga'me 'yaqatac jo'ne 'yaĝatetac da'me noqopich'i adoqopichiyalo jogaa'me adaqayadi'olqa jo'ne p'iida'a ñe'me Qadet'a, qa'a joñe'me joote ami yapaĝagueneque queda'me 'noota qom anoqopichiyapega't.

2 Ts 1:3

Ami yaqaya'olqa, 'noota qom yemeda naa'me naajo' noloqo'ote janemaĝam da'me qadamaic joñe'me Dios, jouaĝat da'me ami. Nach'ena jena'me jenjo' ta'le jauoqo, qa'a da'me ami male yataqata auep'iiya'a joñe'me Dios, nataq'aen da'me di'yoq yataqata anoqopich'iya't, da'me ami naqaya' onolqa'tape da'me ami.

1 Pedro 1:22

Nayi da'me ami male auoqochiya joda'me 'naqataĝanaĝac jo'ne yataqatelegue qama'le nataq'aen da'me ami yoqovite' qaedi yataqata adoqopichiyalo jogaa'me adaqayadi'. Chane'eja 'noota qom yataqata a'nañaĝachi da'me anoqopichiyapega't onolqa'tape da'me ami.

1 Pedro 3:8

Chane'eja, 'noota qom aueñi onolec da'me adelnataĝaqui, choqoda'me joĝodayaqa naa'me adai'lidi', nataq'aen da'me ami qopitaĝanaqataqayaqa, choqoda'me ami choĝodenataĝanaĝayaqa, nataq'aen da'me ja ami 'te 'yoĝodenaĝayaqa.

1 Pedro 4:8

Nataq'aen yaguegue qomle da'me yataqata anoqopichiyapega't, qa'a da'me noqopich'i yaqanatet ta'le yapalaĝa't jalcote naa'me nepatenaĝanaĝaco.

1 Juan 3:23

Nach'eda da'me lamaĝajoĝonaĝac, qaedi jep'iyaqa joñe'me Lec'oĝot Jesucristo nataq'aen 'noota qom ñoqopitaqapega't. Naq'aeta da'me qo'mi yamaĝalo'te ca'li.

1 Juan 4:21

Dios joote qo'mi yanema dojo' lamaĝajoĝonaĝac: queda'me ta'le qadoqopita joñe'me Dios, 'noota qom nach'e ena'am ñoqopitaqapega't.

2 Juan 1:5

Nayi, am yaqayole, am ñachoĝodenot queda'me 'noota ta'le onolqa'tape qo'mi ñoqopitaqapega't. Jenjo' 'yaqatac jo'ne am janem ja namaĝajoĝonaĝac jo'ne dalaĝaic, dite da'me nach'eda da'me Dios lamaĝajoĝonaĝac jo'ne jaconaĝaguet ga'me chiyoĝogueta gaa'me noloqo'ote ca'li jep'iyaqa.