Juan 13:18 - Nuevo Testamento Toba Sombrero Negro

¹⁸ “Ja ademiya ta'le ami ja'aĝate'tape nayi, qa'a jayate'n jogaa'me jo'ne je'n yecochaĝa'u. Qalaĝaja yataqata yepaquichigui qomle da'me qoyediñe joca'li jo'ne eet'oi: «Joga'me mach'e yiqui'yaĝaua naqaega jo'ne jayem nautena jo' qomle.»

Nuevo Testamento Toba Sur

¹⁸ Qaq aÿim sa ishit da imauec da qoñiita da qami' setaqtapoiguilo, cha'ayi aÿim saÿateeta nam ÿataqta llica'aguishicpi. Qalaxayi ÿataqta ipacchigui qome da 'enapec naua ñiyigui'shi n'aqtaqa, mayi 'eeta': “Cam maichi iqui'axaua, qalaq camayi aÿim dataÿa'aguet da aÿim npa'aguene'.”

La'aqtaqa Ñim Lo'onatac 'Enauacna 2013

¹⁸ Qaq Aỹem saishet da imauec da qoñiita da qami' setaqtapoiguilo, cha'aye Aỹem sauattoota nam ỹataqta ica'aguishecpi. Qalaxaye no'on da ỹataqta ipacchiguilo naua nanettralec ana nere maye huetalec na la'aqtacpi Ñim Lo'onatac 'Enauacna maye 'eeta': «Cam maiche iquia'axaua, qalaq camaye Aỹem dataỹa'aguet.»

Juan 13:18 Iomraidhean Croise

Mateo 10:36

Chane'eja gaa'me laute'u ga'me jiyaĝaua nach'egaua jo'ne mach'e laqaya'olqa.

Mateo 26:21

Mane'e ca'li cha'li deque'tape, Jesús enaac: —Eja ami ja'aĝatema queda'me 'uo ga'me jo'ne ami chiyaqauelo jayem p'alegue qomle qama'le jayem yanegue.

Mateo 26:23

Jesús 'yategueta: —Ñe'me jo'ne yepichiñgui ga'me pan jena'me mach'e qadiqui'yaĝaiqui, nach'ega jayem yanegue qomle.

Marcos 14:17

Ca'li joote pi'yaq qama'le yovi't ñe'me Jesús choqogaa'me doce lapaĝaguenataqa.

Marcos 14:18

Mane'e ca'li dajotedalegue ga'me niqui'yaĝala' da'me deque'tape, Jesús enaac: —Eja da'me ami ja'aĝatema queda'me 'uo ga'me jo'ne ami chiyaqauelo 'me ena'am dequetac nayi ñeuanaĝaua, jayem p'alegue qomle qama'le jayem yanegue.

Marcos 14:20

Qalaĝaja Jesús 'yategueta jogaa'me: —Mach'e ami jo'ne doce, ami chiyaqauelo joga'me, ga'me jo'ne yepapiaĝat ga'me pan na'me qadiqui'yaĝaiqui.

Lucas 22:21

Qalaĝaja nayi ñe'me jo'ne jayem p'alegue qomle male ue'ta jena'me jenjo' da'me dajotalegue jena'me niqui'yaĝala'.

Juan 13:21

Ca'li yomat da'me nenaĝatedegue naa'me naajo' 'laqataqa, Jesús male nomeguet joda'me yataqata ja machiñe, qa'a yajouaĝat joda'me yataqata 'yaĝatetelegue joda'me dojo': —Yataqata eja da'me dojo': da'me 'uo ñe'me ami uetauelo jo'ne jayem yaneuo qomle.

Juan 13:22

Qama'le joñaa'me nelapega't joca'li qa'a ja yayate'n jach'e jogamaĝa tachigui dojo' 'naqatac.

Juan 13:26

Jesús 'yateguet: —Jacona jenjo' pan lae, qama'le japapiaĝat qomle. Joga'me janem, male naqaega. Male yacona jo'me pan lae, cha'li yapapiaĝat, yem qama'le yanem joñe'me Judas jo'ne c'oĝot joñe'me Simón Iscariote.

Juan 15:16

Ja ena'am ta'le jayem adiquiyaqui, dite da'me ami mach'e ami yiquiyaqa, qama'le ami jamaĝalo'te da'me oquiyi qaedi aueñi jalcote da'me anejalayaĝaqui, nach'aga jaga'me anejalai jo'ne ja yitaĝa pal. Qom naq'aeta qama'le ñe'me Taĝadena' ami yanema yema ga'me jo'ne aviyaĝañiyaque, jouaĝat da'me jayem auoqochi'taguet.

Juan 15:19

Ta'le ami ch'e aleua laje', jena'me jiyaĝadipi jo'ne aleua laje'pi ami noqopitalo, qama'le e'n ami ena'ama q'ae'n jogaa'me mach'e laqaya'. Qalaĝaja joote ami yiquiyaqa queda'me joote ami jachiyoĝotauelo joga'me ch'e aleua laje'pi. Chane'eja nach'eda jo'ne chiyaqayi da'me ami niquiya'alo, qa'a male ja ami 'te ch'e aleua laje'.

Juan 15:25

Qalaĝaja jena'me jenjo' male 'uo nayi qaedi yepaquichiguilo naa'me nedii's jo'ne joote qoyedidiñe, da'me enaac: «Jayem niquiyata qalaĝaja ja di'yoq ga'me jayem yajouaĝatem.»

Juan 17:12

Da'me jayem ca'li cha'li jouetauelo jogaa'me, qama'le je'euoĝonot da'me adañoqotaĝanaĝac jo'ne jayem auanem, qaedi yataqata jetelalo jogaa'me. Qama'le qaya'te ta'le yejomac, dite jo'me jo'ne jalchi'ena taya'a da'me yejomac, qaedi yepaquichigui da'me 'yaĝatetac naa'me nedii's.

Juan 18:32

Chane'eja yepaquichigui da'me 'laqatac joñe'me Jesús joca'li da'me joote 'yaĝatetac da'me eeta qomle da'me leleuaĝa.

Juan 19:24

jogaa'me coico laje' male nenatetapega'ajalo: —Ena'te jecolaĝataqapiye, dite da'me ñalitaĝaye, qaedi ga'me jo'ne tachigui qama'le nach'ega jo'ne en loĝot. Chane'eja naq'aeta da'me yepaquichiguilo naa'me nedii's jo'ne Dios 'laqataqa 'me eet'oi: “Qoyaĝachilo gaa'me yeuo, Qama'le qonalitelegue jaga'me yapoto.” Qama'le naq'aeta da'me yauote ca'li gaa'me coico laje'.

Juan 19:36

Qama'le uo'oe daa'me daajo' jo'ne di'yo't qaedi yepaquichigui da'me 'yaĝatetac daa'me nedii's joca'li jo'ne eetac: “Gaa'me lep'inaqa, qaya'te 'uo ga'me qoyenoĝon.”

Juan 21:17

Male tres da'me yenat: —Simón jo'ne am lec'oĝot ñe'me Juan, ¿qo'li jayem auauotec? Ñe'me Pedro male ja matac qa'a tres da'me qoyenatetapec da'me eeta da'me yataqachiñe noqopita joñe'me Jesús, qama'le yitaĝa 'yateguet: —Jaliaĝanec, joote auayaten ena'uac: auayaten da'me am jauotec. Ñe'me Jesús male enaac: —Adetelalo naa'me yoqotel jo'ne ena'am ta'le yelopi 'naĝanaĝatel.

Juan 6:70

Jesús male 'yateguet: —Da'me ami doce, ¿qo'li ja naqayem jo'ne ami yiquiyaqa? Qalaĝaja, nach'e ena'am da'me ami 'uo ga'me onolec jo'ne yataqachiñe payac.

Hechos 1:16

“Ami yaqaya'olqa, 'uo ca'li da'me youetaque ta'le yepaque'teguelo ena'uac ga'me jo'ne Dios Lepaqal yayatenaĝanaĝanec di'me David, joote yechoĝotetac daa'me nedii's jo'ne 'yaĝatetedac di'me Judas, nach'edi qodajolegue ca'li male qoyecoñe' ñe'me Jesús.

Hechos 1:2

chayovida'a jo'me nolo' ca'li male qoyauegue di'me piyem. Ca'li maliaĝa 'uo qama'le yanema daa'me lamaĝajoĝonaĝaco jo'ne chiyaqayi q'aen ñe'me Dios Lepaqal gaa'me lamaĝa's jo'ne joote 'yatetelo'te.

2 Corintios 4:5

Nale japaĝaguenataĝanaq ja mach'e qo'mi ñapaĝaguenaqatapela't. Ja naq'aeta, dite da'me ja'aĝataqatac queda'me Jesucristo mach'e Qadejaliaĝanec, nataq'aen naqaqo'mi ami ñechataqata'ñijopa da'me ami yecochaĝalo, qa'a qolaĝague joñe'me Jesucristo.

Hebreos 4:13

Gaa'me 'lonataqa joñe'me Dios, qaya'te onolec ta'le yaqanatet ta'le nañoĝochiñejop joñe'me, dite da'me yataqata di'yoq ena'uac. Chane'eja qom male jajoqo'tot joñe'me, qama'le nach'eda da'me 'laqatac joñe'me jo'ne qo'mi naloqote'n qama'le qo'mi dechoqotaĝaneque.

Apocalipsis 2:23

Qama'le nach'e ena'am jala't qomle jogaa'me jo'ne ueteda'ajop jañe'me, qaedi yema ga'me Dios lec'oqo'tepi male yayate'n da'me naqayem jo'ne jayaten chayovida'a ga'me p'auo joga'me jiyaĝaua laqaic nataq'aen joga'me lauel. Qama'le da'me ami, onolqa'tape janema ga'me nejetenaguec jo'ne nalo'tagueta jogaa'me 'lonataqa.