Juan 12:43 - Nuevo Testamento Toba Sombrero Negro

⁴³ Qa'a ja en 'te p'ajaye da'me 'nonaĝac jo'ne yanem joñe'me Dios, dite da'me jo'ne chiyaqayilo jogaa'me ch'e jiyaĝa'u.

Nuevo Testamento Toba Sur

⁴³ qataq souaxat da namayipi nqopita da maichi lli'oxonnataxanaxac na shiÿaxauapi, qaq sa ishit da ipacapegue' cam lli'oxoyic mayi ÿanem ñi Dios.

La'aqtaqa Ñim Lo'onatac 'Enauacna 2013

⁴³ qataq souaxat da namayepi nqopita da maiche ỹo'oxoreetac na 'eeta'am shiỹaxauapi, qaq saishet da ipacapegue' cam llo'oxoyec maye ỹanem Ñim Lo'onatac 'Enauacna.

Juan 12:43 Iomraidhean Croise

Mateo 6:2

“Qo'che', qom alecochiiyalo gaa'me 'uo da'me louenaĝanaĝa'j, ena'te aueñi naua'alo naa'me layat ladico da'me a'uaĝatetapeñigue, ena'am nale ga'me yauote jogaa'me ja yataĝalo'te, nale yec'atalo gaa'me nemaĝaiqui' nataq'aen nale ueteda'a ga'me nadic jo'ne noĝoyaĝac, nach'edata da'me qaedi ga'me jiyaĝadipi yiyamaĝade'tape jogaa'me. Ami ja'aĝatema queda'me joote qoya'uo ga'me lajo'vi'y, qaya'te laqaya qomle.

Lucas 16:15

Qo'che' Jesús enapegalo jogaa'me: “Ami jo'ne aueñetapela't yataqata ami chimadichidiñe nale auajoyiya'agueta ga'me jiyaĝadipi, qalaĝaja Dios yayaten queda'me yataqachiñe ja 'noe'n naa'me adai'lidi'; qa'a ga'me yi'yoĝodetedac jena'me jiyaĝadipi, nach'ega 'yotan joñe'me Dios.

Lucas 19:17

Joñe'me najoĝola' 'yateguet: «¡Yataqachiñe 'noota: am yalemaĝajet jo'ne 'noota! Qama'le queda'me auayataĝadetelegue da'me aue'et ga'me jaleca, nayi jen anejaliaĝatelo'te gaa'me diez noyaqa.»

Juan 12:26

Qom 'uo ga'me jo'ne jetaque jayem t'onataĝaneuo'o, 'noota qom jayem equegue. Qama'le ga'me joue'ta da'me jayem, nach'e ena'am ue'ta ga'me jo'ne jayem lecochiya. Qom 'uo ga'me jayem lecochiya, ñe'me Taĝadena' nataq'aen 'nonaĝachichigui joga'me.

Juan 5:41

“Jayem ja jouetaque ta'le jaconeguet ga'me li'yoĝodenataĝanaĝa'j ga'me jiyaĝadipi,

Juan 5:44

¿Teua'atoqo' jayem auep'iiya'a da'me ami, qom auacoñiyeguet ga'me li'yoĝodenataĝanaĝa'j jogaa'me adaqayadi', qama'te ja aueloyaque ga'me ni'yoĝodenataĝanaĝac jo'ne chiyoĝogue ñe'me Dios jo'ne onolec?

Juan 7:18

Ga'me jo'ne mach'e 'naĝatetapela't, nach'ega jo'ne yelotaque da'me jo'ne mach'e 'lonaĝac. Qalaĝaja da'me jayem jo'ne jelotaque da'me 'lonaĝac ñe'me jo'ne jayem namaĝaquena, qama'le ñenaĝategue da'me eja, qa'a da'me jayem qaya'te 'yaqatac ta'le ja no'en.

Juan 8:54

Jesús 'yategueta: —Ta'le mach'e jayem da'me ñi'yoĝodela't, qama'le da'me ñi'yoĝodenaĝac qaya'te lajo'viyaĝac. Qalaĝaja da'me 'uo ñe'me Taĝadena' jo'ne jayem yi'yoĝoden, ñe'me jo'ne aueñetapega Adet'ai.

Romanos 2:29

Ga'me yataqachiñe yataqatelegue judío le'ec nach'ega p'auo, nataq'aen da'me am netaye da'me nichaĝajoĝonaĝac mach'e loĝot na'me adauel ja naqaeda ta'le chiyaqalegue ga'me qoyediñe, dite ñe'me Dios Lepaqal. Ñe'me jo'ne naq'aeta, nach'eñe da'me niyamaĝadenataguec, qalaĝaja ja chiyaqayi ga'me ch'e jiyaĝaua dite ñe'me Dios.

Romanos 2:7

Yanem da'me 'loyaĝac 'me ja 'naidena'a jogaa'me jo'ne 'nañaĝadetec da'me yelodaque, da'me 'lonaĝac ñe'me Dios da'me ja yitaĝa pal.

1 Corintios 4:5

Chane'eja da'me ami, ena'te aueñi gamachaqaega adec'atenaĝanaĝaqui qom maliaĝa ja novitequena ga'me nolo' qom 'niyelaq ñe'me Jaliaĝanec; cha'li auajoyiya'a ñe'me Jaliaĝanec qom novi' qama'le nach'eñe yachiyoĝotaue ga'me 'lalaĝa ga'me jo'ne qoyoĝotetapiñe qaedi 'yoqotelegue q'aen. Qama'le qoyaloĝon ga'me jo'ne jalchi'ena yepaquetapegalo joga'me. Qom yem da'me dojo' qama'le nach'eñe ñe'me Dios yanema da'me qaedi qo'nonaĝachiguilo jogaa'me.

2 Corintios 10:18

Ga'me jiyaĝaua jo'ne 'uo da'me niyamaĝadenataguec ja naqaega ga'me jo'ne mach'e niyamaĝadetapela't, dite ga'me jo'ne ñe'me Jaliaĝanec yiyamaĝaden.

1 Ts 2:6

Yataqata ja jeloqotac ta'le 'uo ga'me qo'mi 'nonaĝachiguilo, uotaĝa ta'le ami uotaĝa gamachaqaega ta'le qo'mi 'nonaĝachiguilo: ja naq'aeta.

1 Pedro 3:4

dite ga'me jo'ne p'auo, da'me uetaue na'me adai'lidi', 'me 'uo da'me 'lonaĝa jo'ne ja pal, nach'eda da'me at'oyaĝaqui 'me joĝodaic nataq'aen da'me 'uo da'me 'nemaĝac. Jenjo' jo'ne yataqatelegue, 'uo da'me lajo'viyaĝac let'adaic 'me 'yamaqaten ñe'me Dios.