Juan 12:25 - Nuevo Testamento Toba Sombrero Negro

²⁵ Ga'me jo'ne ch'e yauotec da'me mach'e nejiyaĝauayaĝac, yejomaĝanac; qalaĝaja ga'me jo'ne ja yema'a da'me netela da'me mach'e nejiyaĝauayaĝac nayi, da'me maliaĝa uetalegue jena'me jenjo' aleua, nach'ega yiyamaĝateta't qaedi 'uo da'me 'loyaĝac jo'ne ja 'naidena'a.

Nuevo Testamento Toba Sur

²⁵ Ca ÿauotec da maichi nachaalataxac, nachi damayi ishit da daqat; qaq cam sa ÿauota'ac da nachaalataxac nagui da ñaq hueta'a ana 'alhua, nachi camayi qaÿaÿamaxat qome da nachaalataxac, da yaqto' chochaq tateec.

La'aqtaqa Ñim Lo'onatac 'Enauacna 2013

²⁵ Ca ndotec da ỹauotec da maiche nachaalataxac, nache camaye ishet da deqat, qaq cam sa ỹauotec da nachaalataxac nagui da ñaq hueta'a ana 'alhua, nache camaye qaỹaỹamaxat da nachaalataxac da yaqto' chochaq tatec.

Juan 12:25 Iomraidhean Croise

Mateo 10:39

Ñe'me jo'ne jetaque nec'alaĝategue da'me mach'e 'loyaĝac, qama'le qodoĝotaĝanec qomle, qalaĝaja ñe'me jo'ne jayem uajouem da'me 'loyaĝac, nach'eñe qamqa'me nec'alaĝategue qomle.

Mateo 16:25

Qa'a ga'me jo'ne jetaque nec'alaĝategue ñe'me lepaqal qaedi ja yeleu, yataqachiñe ja yaqanatet, dite da'me yema qodoĝotaĝanec. Qalaĝaja qom 'uo ga'me jetaque nemela't ñe'me lepaqal qa'a uajoilegue da'me jayem, nach'ega jo'ne qonec'alaĝategue qomle.

Mateo 19:29

Nataq'aen ena'uaque gaa'me jo'ne queda'e ga'me 'lachaqa't, uotaĝa gaa'me laqaya'olqa, uotaĝa gaa'me let'al, uotaĝa gaa'me c'oqo'te uotaĝa 'naleua, qa'a jouaĝat da'me jayem quetegue, qama'le yitaĝa uoja'ega cien 'viyelaĝalegue da'me yitaĝa qoyanema qomle, nataq'aen nach'e ena'am qoyanema da'me 'loyaĝa'j 'me ja 'naidena'a.

Marcos 8:35

Qa'a ga'me jo'ne jetaque nec'alaĝategue ñe'me lepaqal qaedi ja yeleu, yataqachiñe ja yaqanatet, dite da'me yema qodoĝotaĝanec. Qalaĝaja qom 'uo ga'me jetaque nemela't ñe'me lepaqal qa'a uajoilegue da'me jayem nataq'aen qa'a yaconeguet da'me 'naqataĝanaĝac jo'ne onaĝaic, nach'ega jo'ne qonec'alaĝategue qomle.

Lucas 14:26

“Qom 'uo ga'me jetaque jayem equegue qama'te da'me loqopich'i jo'ne jayem yanem ja napacalegue ga'me let'a nataq'aen lat'e, jaga'me loua, jogaa'me c'oqo'tolqa, nataq'aen jogaa'me mach'e laqaya'olqa, chayovida'a da'me mach'e 'loyaĝac, qama'le ja yaqanatet ta'le yapaĝaguenatac.

Lucas 17:33

Gamachaqaega jo'ne jetaque nec'alaĝategue da'me mach'e 'loyaĝac qamqa'me ja yaqanatet ta'le nec'alaĝatela't qomle; qalaĝaja gamachaqaega jo'ne ja yauotec da'me mach'e 'loyaĝac, qamqa'me nec'alegue qomle.

Hechos 20:24

Qalaĝaja jayem qaya'te jen chiyaqayi da'me ta'le jen diyachigui jena'me yeuel qa'a jouaĝat da'me 'yoyaĝac, nach'eda eeta da'me taya'ague da'me yeloiquiaĝac nataq'aen jepaquetelegue da'me 'yonataĝanaĝac jo'ne jayem yanem ñe'me Jaliaĝanec, queda'me qaedi ja'aĝatetac da'me onaĝaic 'naqataĝanaĝac jo'ne 'yaĝat da'me lichoĝodenataĝanaĝac ñe'me Dios.

Hechos 21:13

Qalaĝaja Pablo 'yategueta: —¿Toqoch'e anoyeñitac nataq'aen jayem a'vichiyec da'me jayem totelegue? Jayem joote ñiyamaĝateta't ja nach'edata da'me jayem qoyecoñe' dite da'me nach'e ena'am jeleu qom joue'ta di'me Jerusalén, qa'a jajouem ñe'me Jaliaĝanec Jesús.

Hebreos 11:35

Uo'oe gaa'me yauo' jo'ne yauanalo da'me yitaĝa nec'aledegue jogaa'me mach'e laqaya' jo'ne joote yele'u. Nataq'aen uo'oe gaa'me jiyaĝa'u laqaya' jo'ne yeletem da'me layaliaĝa'j, queda'me ja yacoteguet da'me ta'le qoyejodegue, qa'a yayate'n da'me yitaĝa nec'alidijeguem, qama'le yauata da'me nec'alaĝa jo'ne onaĝaic.

Apocalipsis 12:11

Da'me lomataĝanaĝa'j jogaa'me qadaqaya'olqa chiyoĝotayi jaga'me letauo' joñe'me 'Naĝanaĝate Lec'oĝot, jaga'me letauo' jo'ne naliñi qoyen ca'li yeleu, Choqonaa'me 'naqataqa jo'ne 'yaĝate'tape. Ja t'oita da'me qoyalatalo'te, Dite da'me najetede'eguet da'me leleuaqa'.