Juan 11:51 - Nuevo Testamento Toba Sombrero Negro

⁵¹ Qalaĝaja ñe'me Caifás ja mach'e lelnataĝac da'me jo'ne nenaĝategue, qa'a nach'eñe jo'ne lejaliaĝane'j jogaa'me tamenaĝaiqui lo'ol, qama'le 'yaĝatetac da'me Dios 'laqataĝanaĝac queda'me yeleu jo' qomle ñe'me Jesús qaedi yiyamaĝam gaa'me noyaqa jo'ne judiopi.

Nuevo Testamento Toba Sur

⁵¹ Qaq so Caifás sa ishit da huo'otaq maichi ndojlec de'eda 'enapec, cha'ayi somayi nachiso so lataxala' na ntaxaÿaxanaxanecpi se'eso vi'i. Qaq ñi Dios nachi i'aqtaxanaxanec somayi da so Jesús, somayi ileualec 'enauac nam judiopi;

La'aqtaqa Ñim Lo'onatac 'Enauacna 2013

⁵¹ Qaq so Caifás saishet da 'enapec de'era da maiche chegoqchigui da lhuennataxac. Qaq cha'aye somaye, nacheso so lataxala' na ntaxaỹaxanaxanecpi se'eso vi'i, nache somaye ilota'aguet da So Jesús ileualec 'enauac na judiopi;

Juan 11:51 Iomraidhean Croise

Mateo 20:28

Qa'a mate mane'e jayem jo'ne yataqachiñe jayem Jiyaĝaua Lec'oĝot, ja ñanaequena qaedi 'uo da'me ñecochaguec, dite da'me ñanaequena qaedi yecochiyalo joga'me jiyaĝadipi 'me jalcote nataq'aen qaedi janema da'me 'yoyaĝac, qaedi ñep'aĝanegueta jogaa'me.

Juan 10:15

Qama'le nach'e ena'am da'me jayem yateton ñe'me Taĝadena' nataq'aen da'me jayem jateton ñe'me Taĝadena', qama'le janegue da'me 'yoyaĝac qaedi ñec'alaĝatedegue jogaa'me 'naĝanaĝatel.

Juan 11:49

Qama'le 'uo ga'me onolec jo'ne chiyaqauelo jogaa'me, lenaĝat da'me Caifás, 'me nach'eñe lejaliaĝane'j gaa'me tamenaĝaiqui lo'ol jojo'me uo'e, enapegalo jogaa'me: —Da'me ami qaya'te auayachiñe,

Juan 18:13

Qama'le 'uaeñe yauedeta ga'me 'lachaqa' ñe'me Anás, qa'a naqaeñe 'me li'yodo ñe'me Caifás, jo'ne lajoĝola't gaa'me tamenaĝaiqui lo'ol jojo'me uo'e.

1 Corintios 13:2

Nataq'aen qom 'uo da'me yañoqotaĝanaĝac qaedi ja'aĝatetac da'me 'laqataĝanaĝac ñe'me Dios, nataq'aen qom jayate'n ena'uaque jogaa'me 'lonataĝanaĝaco ñe'me Dios, nataq'aen jayate'n ena'uaque gaa'me uo'oe, nataq'aen qom t'adaic da'me yepe'e qaedi jaqanatet ta'le jedaĝat ga'me qajoĝonaĝa, qalaĝaja qom qaya'te yoqopich'i, qama'le ja jayem 'te p'ajaye.

2 Corintios 5:21

Ñe'me Cristo yataqata qaya'te loec ca'li, qalaĝaja Dios 'yetem da'me ena'am ta'le loeco lo'o, qaedi Cristo qo'mi yovidaĝateda'a da'me ena'am ta'le qaya'te qadejamaĝataĝac.

Gálatas 3:13

Qalaĝaja ñe'me Jesucristo nep'aĝala't yaconeguet ga'me te'me qadoĝot da'me ne'uaĝanaguec 'me qoyachalegue ga'me jo'ne ja yoqocha'alo daa'me namaĝajoĝonaĝaco. Qama'le naq'aeta da'me qo'mi nec'alaĝatedegue, qa'a daa'me nedii's enaac: “Dios ye'uaĝan gamachaqaega jo'ne yeleualegue jaga'me sodoso.”

1 Pedro 2:24

Qa'a nach'eñe ñe'me Cristo jo'ne qo'mi nep'aĝanegueta ca'li yachi'y naa'me qadoeco qama'le ga'me lapat qoyachalegue jaga'me sodoso, qaedi da'me qo'mi male qolaqa'e da'me qadoiquiyaĝac qama'le jouaqaue da'me nec'alaĝa jo'ne ja 'nalegue. Joñe'me Cristo uo'oe ca'li jogaa'me yedidiñe qaedi ami nec'alaĝatedegue.

1 Pedro 3:18

Qa'a nach'e ena'am ñe'me Cristo 'uo da'me lachoĝodec ca'li yeleu, yajouaĝa't naa'me adoecodi', onolec da'me naloĝola't qama'le ja yitaĝa ta'le di'yoq. Ñe'me jo'ne qaya'te ta'le laviyaĝajet qalaĝaja nach'e ena'am 'uo da'me lachoĝodec q'aen yajouaĝat da'me ami loeco lo'ol, qaedi ami yauegalo joñe'me Dios. Qama'le ja qalaq da'me male pal da'me ch'e nejiyaĝauayaĝac ca'li yeleu, qalaĝaja yitaĝa 'niyelaĝajeguem queda'me 'uo da'me 'loyaĝac jo'ne ja di'yoq 'me qaya'te loiquiaqa'.

1 Juan 2:2

Jesucristo nach'eñe jo'ne nemenegueta ena'uac daa'me qadoeco ca'li yeleu, qaedi naa'me qadoeco male qoyapalaĝa't, nataq'aen ja nach'e qo'mita dite da'me yema gaa'me aleua laje'pi.