Juan 11:44 - Nuevo Testamento Toba Sombrero Negro

⁴⁴ Joga'me jo'ne te'me joote yeleu male nenoĝonegue, jonaa'me loua' choqonaa'me lapia'te naĝatetayelo jogaa'me laĝanaqa'te, nataq'aen ga'me latajoĝoc lecoĝojop qoyen ga'me ualoq lae. Jesús yamaĝalo'te ga'me jiyaĝadipi: —Auejoyelegue, anaqachi' naa'me laĝanaqa'te qama'le auomachii'ta da'me ec.

Nuevo Testamento Toba Sur

⁴⁴ Nachi som leuaxaic npa'auec, somayi qoÿaxatta'aguelo naua lhua'q qataq naua lchil som laxataxa, qataq qoÿaxattagui na lashic so hualoq. Nachi so Jesús 'enapega somayipi, 'eeta': –Ña qausoigue damayi, nachi qauaqÿa'a da queuoÿapigui'.

La'aqtaqa Ñim Lo'onatac 'Enauacna 2013

⁴⁴ Nache som leuaxaic mpa'auec. Somaye qoỹaxatta'aguelo naua lhua'q qataq naua lchel som laxataxat qataq qoỹaxattagui na lashec so hualoq laỹe. Nache So Jesús 'enapega somayepi, 'eeta': –Ña qanqache na laxataxat damaye, nache qauaqaỹa'a da queuoỹapigui'.

Juan 11:44 Iomraidhean Croise

Marcos 5:43

Qalaĝaja joñe'me Jesús jalcote da'me damaĝajoĝolegue qaedi qaya'te qo'yaĝatem da'me dojo'; yem qama'le damaĝajoĝolegue da'me qoyanem ga'me yalic jaga'me q'añole.

Lucas 19:20

“Qalaĝaja laqaya dajoya'aguet enaac: «Jaliaĝanec, janjo' jana'me anaicaua. Yecoĝoñi da'me jiyamaĝat;

Lucas 7:15

Chane'eja ñe'me joote yeleu mañaĝa ñiyiñe ca'li qama'le paja'a doje, qama'le Jesús yanot jaga'me lat'e.

Juan 10:30

Ñe'me Taĝadena' nataq'aen jayem, onolec da'me mach'e qat'oyaĝac.

Juan 11:39

Jesús enaac: —Anaqachi na'me qa'. Marta, jañe'me laqaya di'me yeleu, enapega joñe'me: —Jaliaĝanec, joote ja no'en da'me laeta, qa'a joote cuatro jaa'me noloqo'ote da'me yeleu.

Juan 11:43

Ca'li yem da'me nenaĝategue da'me dojo', qama'le netenec da'me liyaĝanaĝac: —¡Lázaro, anenoĝonegue, oca'e na'me nojo'!

Juan 19:40

Chane'eja José nataq'aen Nicodemo yacota ca'li ga'me lapat joñe'me Jesús, qama'le lecoĝotec ga'me nanaĝat jo'ne qoyojomiñegue ga'me yoĝoqui, qa'a naq'aeta da'me jo'ne quetede'egue 'me en 'loyaĝa'j joga'me judiopi nale yijediñi joga'me yeleu.

Juan 20:5

Qama'le cha'li ñiyiñejop da'me yec'atenoue jaga'me napa'l lae't, qama'le yauana ga'me ueta'ña jogaa'me nanaqa'te, qalaĝaja ja yenoĝoneuo.

Juan 20:7

Nach'e ena'am yauana ga'me ualoq lae jo'ne qolecoĝoye jo'me laqaic ca'li joñe'me Jesús, da'me ja uetauelo jaa'me laqaya', dite da'me neyoqotaya di'me ueta'ña.

Juan 5:21

Qa'a naq'aeta joñe'me Taĝadena' 'niyelaĝachidijeguem jodia'me yele'u nataq'aen da'me yanema da'me lec'alaĝa'j, qama'le nach'e ena'am jayem janem da'me nec'alaĝac ga'me jo'ne jetaque ua'ajop.

Juan 5:25

Eja da'me ami ja'aĝatema: da'me male qoyoqo'ta ga'me nolo', nataq'aen da'me joote novi', qom jodia'me yele'u domachita da'me yajamaĝa, jayem mach'e Lec'oĝot joñe'me Dios, qama'le jogaa'me jo'ne domachita male nec'aletedaye.

Filipenses 3:21

Jena'me jenjo' qadapachiyaĝac jo'ne choĝolaĝaic male qoyapalaĝat qomle, qalaĝaja joñe'me male en nec'alijeguem jena'me jenjo' qadapat, qama'le qoyen yataqata onaĝaic, chayovida'a neleguemaĝata da'me 'loyaĝac joñe'me. Yataqata 'uo da'me lañoqotaĝanaĝac qaedi ya'uo da'me dojo', qa'a nejaliaĝatelo'te yema jogaa'me uo'oe.

Apocalipsis 1:18

nataq'aen da'me naqayem jo'ne nach'e eta't da'me jec'aletaye: naqayem jo'ne jeleu ca'li, qalaĝaja nayi male nach'e eta't da'me jec'aletaye, qama'le jayem ue'tajop da'me yañoqotaĝanaĝac qaedi 'ñiyelaĝachidijeguem gaa'me joote yele'u, da'me jachiyoĝotedaue di'me napa'lpi necoñetaĝaiqui'.