Juan 11:41 - Nuevo Testamento Toba Sombrero Negro

⁴¹ Qama'le qonaqategue ga'me qa'. Ñe'me Jesús male yeloje'ma di'me piyem qama'le enaac: —Taĝadena', am janem da'me yamaic queda'me jayem anaquiaĝana.

Nuevo Testamento Toba Sur

⁴¹ Nachi qanqateec so coma'. Nachi so Jesús ÿamato'ot na piguem, nachi 'enapeco': –'Am ita'a, 'am sanot da ñi'achiquiaxac, cha'ayi 'am aÿim 'au'axaÿa.

La'aqtaqa Ñim Lo'onatac 'Enauacna 2013

⁴¹ Nache qanqat so coma'. Nache So Jesús ỹamato'ot na piguem, nache 'enapeco': –'Am Ita'a, 'am sanot da ña'achecỹaxac, cha'aye 'am Aỹem 'aua'axaỹa.

Juan 11:41 Iomraidhean Croise

Mateo 11:25

Jo'me jojo' nolo', Jesús enaac: —Nayi am 'ñonaĝachigui, am Taĝadena', Lejaliaĝanec di'me piyem nataq'aen jena'me aleua, qa'a auoĝochi'ñejopa jogaa'me yatenaĝanaĝayaqa nataq'aen tadenataĝanaĝayaqa naa'me naajo' uo'oe, qama'le aualoĝonalo joga'tae'me 'najodolqa.

Mateo 11:26

Eja da'me dojo', am Taĝadena', qa'a naq'aeta da'me mach'e auepaquetapega.

Mateo 27:60

qama'le yachaue ga'me dalaĝaic napa'l lae't jo'ne na'ña ga'me mach'e 'naleua jo'ne taue ga'me qa' t'adaic ga'me lejedec. En lapadenaĝat ga'me qa' t'adaic ga'me nadiiuo joga'me napa'l lae't, yem qama'le ec.

Marcos 15:46

Chane'eja José ecot ga'me ualoq jo'ne chiyaqayi jaga'me lino, naqachiñe ga'me lapat ñe'me Jesús qama'le lecoĝoye joga'me. Yem qama'le yachaue ga'me napa'l lae't jo'ne nejedec ga'me qajoĝonaĝa, nataq'aen ga'me lauac ga'me napa'l lae't en lapadenaĝat ga'me qa' t'adaic.

Lucas 10:21

Qanach'ega ua'a ca'li, ñe'me Dios Lepaqal najaqachigui q'aen ñe'me Jesús da'me lamaic, qama'le enaac: “Am 'ñonaĝachigui, Taĝadena', Jaliaĝanec di'me p'ajeguem piyem nataq'aen jena'me aleua, qa'a aualoĝonalo dojo' jogaa'me ja t'añi'y gaa'me uo'oe jo'ne auoĝochi'ñejopa gaa'me yatenaĝanaĝayaqa nataq'aen tadenataĝa'n. Eja, Taĝadena', qa'a naq'aeta da'me jo'ne auepaquetapega.

Lucas 18:13

Qalaĝaja ñe'me lo'o da'me qoyejeten di'me Roma nach'e ua'a ga'me qaya'ta, ja nepetapela't ta'le nalo'taguet da'me yeloje'mec di'me piyem, dite da'me ye'uaĝalegue jaga'me letogue, qama'le enaac: «¡Degueja da'me yachoĝodec am Dios, 'noota qom jayem avichoĝoden, jo'ne jayem loeco lo'o!»

Lucas 24:2

Mane'e ca'li yovi't, qama'le yauata ga'me qa' t'adaic jo'ne lapadenaĝat ga'me nadiiuo ga'me napa'l lae't;

Juan 11:22

Qalaĝaja jayaten nayi ñe'me Dios am yanem yema ga'me aviyaĝanaque.

Juan 17:1

Mane'e ca'li yem da'me 'yaĝatetac da'me dojo', qama'le Jesús yeloje'ma di'me piyem qama'le enaac: “Am Taĝadena', nayi male jayem novita da'me yaloqo': 'noota qom jayem a'nonaĝachichigue, qaedi nach'e ena'am da'me jayem male am 'ñonaĝachichigui.

Juan 20:1

Joca'li ne'teta jo'me nolo' jo'ne domingo, queda'me joote yenoĝonegue jo'me nolo' jo'ne niyamaqatac, qama'le María jo'ne Magdala laje dajoyi jaga'me napa'l lae't, qama'le yauana ga'me qa' jo'ne lapadenaĝat joga'me nadiiuo da'me joote qonaqat.

Hechos 7:55

Qalaĝaja ñe'me, najaqachigui ñe'me Dios Lepaqal, yeloje'mec di'me piyem qama'le yauana da'me 'lonaĝac joñe'me Dios, nataq'aen Jesús nechateta'ña ga'me p'aye yayaten ñe'me Dios.

Filipenses 4:6

Ena'te aueñi lichiguilo naa'me adai'lidi' nale, dite da'me nach'e eta't anetameñetac, qama'le anachoĝodeñitapecot joñe'me Qadet'a Dios nale 'uo joga'me auoviñetaque, nataq'aen auañem da'me adamaiqui nale.