Juan 11:4 - Nuevo Testamento Toba Sombrero Negro

⁴ Mane'e da'me Jesús domachiya, qama'le enaac: —Jenjo' lapite'nayaĝac ja naqaena ta'le en yeleu q'aen, nach'edata da'me uetaue da'me nichoĝodenataĝanaĝac qaedi yaloĝon da'me 'loyaĝac ñe'me Lec'oĝot joñe'me Dios, da'me 'uo da'me li'yoĝodic joñe'me Dios.

Nuevo Testamento Toba Sur

⁴ Nachi so Jesús co'ollaq hua'axaÿa de'eda, nachi 'eeta': –De'eda nalolaxa, damayi sa ishit da taÿa'a ca nleuaxa. Chaqdata da yaqto' damayi ishit da chigoqchigui da lli'oxoyic ñi Dios, qataq yaqto' de'eda nalolaxa ishit nataq'en da chigoqchigui da lli'oxoyic na llalec ñi Dios.

La'aqtaqa Ñim Lo'onatac 'Enauacna 2013

⁴ Nache So Jesús co'ollaq hua'axaỹa de'era, nache 'eeta': –De'era lalolaxa, damaye saishet da taỹa'a ca l-leuaxa. Chaqrata da yaqto' damaye ishet da chegoqchigui da ỹachaxan da la'añaxac Ñim Lo'onatac 'Enauacna, qataq da na'añaxac maye Aỹem hueto'ot, Aỹem maye Aỹem Llalec Ñim Lo'onatac 'Enauacna.

Juan 11:4 Iomraidhean Croise

Juan 10:38

Qalaĝaja da'me qom je'etetac, temaq'aen da'me ja auacoñiyegueta naa'me 'yaqataqa, qalaĝaja a'uamaqachiñe' naa'me 'yonataqa, qaedi male auayachiñe queda'me joñe'me Taĝadena' jayem ue'tajop nataq'aen da'me jayem joue'tajop joñe'me.

Juan 11:40

Jesús 'yateguet jañe'me: —¿Qo'li ja joote am ja'aĝatem da'me qom auep'iya'a, qama'le auana qomle da'me 'lonaĝac ñe'me Dios?

Juan 12:28

Qama'le jenaac: «Taĝadena', ¡aualoĝon da'me mach'e at'onaĝac!»” Qanach'e paja'a qodomachiya ga'me najamaĝa jo'ne chiyaqapije'ma di'me piyem, jo'ne eetac: “Joote jaloĝon ca'li, qalaĝaja yitaĝa ji'iyelaĝalegue da'me jaloĝon qomle.”

Juan 17:1

Mane'e ca'li yem da'me 'yaĝatetac da'me dojo', qama'le Jesús yeloje'ma di'me piyem qama'le enaac: “Am Taĝadena', nayi male jayem novita da'me yaloqo': 'noota qom jayem a'nonaĝachichigue, qaedi nach'e ena'am da'me jayem male am 'ñonaĝachichigui.

Juan 17:10

Yema gaa'me yalemaĝaje'te nach'e ena'am adalemaĝaje'te, nataq'aen yema adalemaĝaje'te nach'e ena'am yalemaĝaje'te, qama'le da'me mach'e 'yonaĝac qoyela'a da'me uetauelo jogaa'me.

Juan 17:5

Nayi, am Taĝadena', jayem a'nonaĝachichigue da'me am jona'ajop, qaedi yitaĝa jauana da'me jalchi'ena 'yoyaĝac jo'ne onaĝaic da'me am jone'tajop ca'li da'me cha'li jona'li 'uo jenjo' aleua.

Juan 2:11

Da'me dojo' 'nanec jo'ne ya'uo ca'li ñe'me Jesús da'me ue'ta di'me Caná, di'me aleua jo'ne Galilea, nach'eda da'me jo'ne 'uaechiñe yaloĝon ca'li male naloĝola't choqoda'me en di'yoq da'me 'lonaĝac, qama'le jogaa'me lapaĝaguenataqa male yataqachiñe p'iida'a joñe'me.

Juan 5:23

qaedi yema jayem qo'nonaĝachigui, da'me nach'e ena'am qo'nonaĝachigui da'me jo'ne yanem joñe'me Taĝadena'. Qa'a joga'me jo'ne ja jayem 'te 'nonaĝachichigui, nach'e ena'am ja 'nonaĝachichigui ñe'me Taĝadena', joñe'me jo'ne nach'eñe 'me jayem namaĝaquena.

Juan 8:54

Jesús 'yategueta: —Ta'le mach'e jayem da'me ñi'yoĝodela't, qama'le da'me ñi'yoĝodenaĝac qaya'te lajo'viyaĝac. Qalaĝaja da'me 'uo ñe'me Taĝadena' jo'ne jayem yi'yoĝoden, ñe'me jo'ne aueñetapega Adet'ai.

Juan 9:24

Jogaa'me judiopi lajoĝola'te yitaĝa yiyaĝata ñe'me jiyaĝaua jo'ne qanam qaedi yena't: —Nayi da'me jajoyaqa'aguet ñe'me Dios, qama'le qo'mi a'uaĝatema ga'me yataqatelegue. Qa'a da'me qo'mi jayatenaq jo'me jiyaĝaua da'me loeco lo'o. ¿Jach'e ga'me mach'e at'aqatac?

Juan 9:3

Jesús 'yategueta jogaa'me: —Ja naqaegaua gaa'me jo'ne mach'e loeco, nach'e ena'am ja naqaega ga'me jo'ne mach'e let'al loe'j. Qalaĝaja qaedi uoja'ae da'me en di'yoq q'aen 'me lañoqotaĝanaĝac joñe'me Dios,

Romanos 11:11

Nayi jachimaqataĝan: ¿Jeele joga'me judiopi da'me poguelaĝa'n, nedo'ta't da'me ja yitaĝa ñidijeguem? ¡Aja'y, ja naq'aeta! Dite da'me ja yoqochi'y joga'me judiopi, laqaya' yaqanate't da'me yovidalegue da'me nec'alaqataĝanaĝac, qaedi ga'me Israel c'oqo'te male netotapiye'ajalo.

Filipenses 1:11

Chane'eja joda'me lecochaĝac joñe'me Jesucristo male ami yaloĝonalo joda'me 'noota ta'le a'vichi, qaedi yataqata qo'nonaĝachigui joñe'me Dios chayovida'a da'me yataqata qonenaĝachijeguem joda'me lenaĝat joñe'me.

Filipenses 1:20

Ja jetaque jen lichigui nale jena'me yeuel, dite da'me qom maliaĝa jayem 'uo, uotaĝa qom male jeleu, jetaque jaco'teguet joda'me 'yañaĝac, qaedi nale jayem qoyec'atetac, male yataqata qo'nonaĝachigui joñe'me Cristo.

1 Pedro 1:21

Chiyaqayi joñe'me Cristo, da'me ami male auep'iiya'a ñe'me Dios, 'me 'niyelaĝachijeguem joñe'me, yachiyaqaue di'me napa'lpi 'lachaqa', qama'le yanem da'me 'lonaĝac qaedi male auep'iiya'a joñe'me Dios jo'ne anaquichitapega.

1 Pedro 4:11

Qom 'uo ga'me yayaten da'me t'aqataĝan, qama'le 'noota qom 'yaĝatema gaa'me 'laqataqa joñe'me Dios. Nach'e ena'am qom 'uo ga'me laqaya jo'ne lecochiyalo gaa'me laqaya', qama'le 'noota qom yapoteneguet da'me 'lañaĝac jo'ne yanem joñe'me Dios. Yema ga'me 'noota jo'ne a'vichetac, 'noota qom a'vichi qaedi male nach'e ena'am qo'nonaĝachigui joñe'me Dios, yajouaĝat da'me nach'eñe joñe'me Jesucristo jo'ne loĝot da'me 'noyaĝac choqoda'me nañoqotaĝanaĝac jo'ne ja pal. Jaja'a, nach'e naq'aeta da'me dojo'.

1 Pedro 4:14

'Noota qom ami made'tapolqa qom 'uo ga'me ami ye'ue'tape yajouaĝat da'me ademii'teguet joñe'me Cristo, qa'a da'me 'lonaĝa ñe'me Dios Lepaqal nach'e eta't ami uetauelo.