Juan 11:25 - Nuevo Testamento Toba Sombrero Negro

²⁵ Qama'le enaac ñe'me Jesús: —Jayem naqayem jo'ne 'ñiyelaĝachidijeguem jogaa'me napa'lpi nataq'aen da'me ñec'alaĝatedegue. Gaa'me jo'ne jayem p'iida'a, mate mane'e yele'u qalaĝaja yitaĝa ñec'alaĝatedegue;

Nuevo Testamento Toba Sur

²⁵ Nachi so Jesús 'enapego' asomayi, 'eeta': –Aÿim mayi nachaÿim ñica'alaxateec ca leuaxaic, qataq nachaÿim nca'alaxa. Ca aÿim i'amaqten, qaq nai'ctaxa da ileu, qalaxayi ishit da nca'aleec.

La'aqtaqa Ñim Lo'onatac 'Enauacna 2013

²⁵ Nache So Jesús 'enapego' asomaye, 'eeta': –Aỹem Nachaỹem nca'alaxa, qataq ishet da ca leuaxaic ỹe'eguelaxalec da nca'alec ñaqa'en. Qaq cam huo'o da naquitaxac Aỹem, nache camaye na'aictaxa da ileu, qalaxaye qaltaq nca'alec.

Juan 11:25 Iomraidhean Croise

Lucas 23:43

Jesús 'yateguet: —Eja da'me am ja'aĝatem queda'me nayi jenjo' nolo' jayem oue'tajop queda'me nayi jayem qoyaconeguet da'me daja' 'lachaqa' da'me namaic.

Juan 1:4

Nach'e ena'am da'me nach'eñe jo'ne chiyaqayi da'me nec'alaĝa, qama'le da'me nec'alaĝa nach'eda jo'ne yecoyadelegue ena'uaque gaa'me jiyaĝadipi.

Juan 14:19

Qomle male ja jayem 'te yauata ga'me aleua laje'pi, qalaĝaja da'me ami qamqa'me yitaĝa jayem auañiya qomle, nataq'aen da'me adec'aletedaye qomle qa'a nach'e ena'am da'me jayem yitaĝa jec'aletaye qomle.

Juan 14:6

Jesús 'yateguet joñe'me: —Naqayem jo'ne naq'aec, 'me eja nataq'aen da'me nec'alaĝa. Qaya'te naq'aec laqaya ta'le qoyovida'a ñe'me Taĝadena'.

Juan 3:16

Qa'a naq'aeta da'me Dios noqopitalo ena'uaque gaa'me aleua laje'pi, queda'me yanegue ñe'me mach'e Lec'oĝot jo'ne onolec, qaedi ena'uaque jogaa'me jo'ne p'iida'a joñe'me ja yitaĝa yele'u dite da'me yauata da'me 'loyaĝa'j jo'ne ja 'naidena'a.

Juan 3:36

Joga'me jo'ne p'iya'a ñe'me Lec'oĝot yauana da'me 'loyaĝac jo'ne ja 'naidena'a; qalaĝaja joga'me jo'ne ja yoqo'cha ñe'me Lec'oĝot ja yauana da'me lec'alaĝa, dite da'me taue da'me ne'uaĝanaguec 'me chiyaqayi joñe'me Dios.

Juan 5:21

Qa'a naq'aeta joñe'me Taĝadena' 'niyelaĝachidijeguem jodia'me yele'u nataq'aen da'me yanema da'me lec'alaĝa'j, qama'le nach'e ena'am jayem janem da'me nec'alaĝac ga'me jo'ne jetaque ua'ajop.

Juan 5:26

Qa'a naq'aeta joñe'me Taĝadena' 'uo da'me mach'e lec'alaĝa da'me jo'ne mach'e 'loyaĝac, qama'le nach'e ena'am jayem yanem yema da'me 'yoyaĝac jo'ne 'uo da'me yec'alaĝa.

Juan 6:35

Jesús 'yategueta jogaa'me: —Naqayem jo'ne pan 'me jayem chiyaqayi da'me nec'alaĝa. Qama'le ga'me jo'ne jayem nec'ata ja yitaĝa 'uo da'me loqouaĝa, nataq'aen joga'me jayem p'iya'a ja yitaĝa ta'le yelinquip.

Juan 6:44

Qaya'te ta'le yaqanatet jayem nec'ata, qom ja jayem 'te novidaĝa'ta joga'me joñe'me Taĝadena' jo'ne jayem namaĝaquena, qama'le naqayem da'me 'ñiyelaĝachijeguem qom yovita ga'me nolo' jo'ne p'ategue.

Hechos 3:15

Qama'le naqaeda da'me aualachi ñe'me jo'ne chiyaqayi da'me yataqachiñe qat'oyaĝac. Qalaĝaja Dios chiyoĝotauelo ga'me napa'lpi, qama'le nach'eda dojo' jechoĝotaqatac.

Romanos 4:17

Naq'aeta da'me 'laqatac ñe'me Dios 'me enaac: “Am je'etem da'me am let'a gaa'me qayoĝode' noyaqapi.” Naqaeñe ñe'me Dios 'me p'iya'a ca'li di'me Abraham, nach'eñe Dios jo'ne ya'uo 'loyaĝa'j gaa'me joote yele'u nataq'aen 'ye't yema gaa'me uo'oe 'me maliaĝa ja di'yo't.

Romanos 8:2

Qa'a da'me 'lañaĝac ñe'me Dios Lepaqal jo'ne yanegue da'me 'noyaĝac 'me chiyaqayi ñe'me Cristo Jesús, jayem chiyoĝotalegue ga'me lamaĝajoĝonaĝac da'me etaĝaloĝoc nataq'aen da'me neleuaĝa jo'ne jayem yecoñedeta't.

1 Corintios 15:18

Nach'e ena'am ta'le ja qo'niyelaĝachijeguem ñe'me Cristo, qama'le dia'me p'etaqadaiquipi jo'ne joote yele'u ja qonec'alaĝatedegue dite da'me qoyapalaĝa't.

1 Corintios 15:29

Nataq'aen gaa'me yacoteguet da'me nachilaĝanataĝanaĝac qa'a jouaĝat dia'me yele'u, ¿toqoch'e yauote da'me dojo'? Ta'le ja eja da'me yitaĝa 'niyelaĝadijeguem gaa'me joote yele'u, ¿toqoch'e yacoteguet da'me nachilaĝanataĝanaĝac qa'a jouaĝat dia'me joote yele'u?

2 Corintios 4:14

Qa'a jayatenaq qom qadeleu, Dios qo'mi 'niyelaĝachidijeguem, nach'e naq'aeta da'me 'yetem ca'li ñe'me Jesús, qama'le nach'e ena'am ami da'me 'niyelaĝachidijeguem, qama'le jec'otaĝa ñe'me qomle.

Filipenses 1:23

Nale jenate'ta jena'me jenjo', yataqata 'uo joda'me jen laqalaic joga'me jetaque ja'uo, qa'a qom ua'ña da'me jeleu, male jajoya'aguet joñe'me Qadejaliaĝanec Jesucristo, jo'ne nach'ena yataqata jepaquetapega.

Filipenses 3:10

Qama'le nayi nach'edata da'me yataqata jetaque jateton ñe'me Cristo, qaedi yataqata ñauela't da'me lañoqotaĝanaĝac, nach'eda jo'ne chiyaqayi da'me nec'alijeguem ca'li joñe'me, qama'le qom 'uo ga'me yachoĝodec qomle, jetaque jena'am joñe'me ca'li yataqata qoya'uo da'me lachoĝodec, nataq'aen joda'me leleuaĝa ca'li, nach'e ena'am jetaque jena'am qomle da'me jayem,

1 Ts 4:14

Qa'a nach'ena jena'me jenjo' joote jayatenaq, ca'li yeleu joñe'me Qadejaliaĝanec Jesús qama'le nec'alijeguem ca'li, qama'le nach'e ena'am yataqata jep'iyaqa ñe'me Dios nec'alaĝachidijeguem jo' qomle jogaa'me jo'ne p'iida'a ñe'me Jesús ca'li yele'u.

Apocalipsis 1:18

nataq'aen da'me naqayem jo'ne nach'e eta't da'me jec'aletaye: naqayem jo'ne jeleu ca'li, qalaĝaja nayi male nach'e eta't da'me jec'aletaye, qama'le jayem ue'tajop da'me yañoqotaĝanaĝac qaedi 'ñiyelaĝachidijeguem gaa'me joote yele'u, da'me jachiyoĝotedaue di'me napa'lpi necoñetaĝaiqui'.

Apocalipsis 20:5

Qama'le nach'ena 'me 'uaechiñe da'me uo'oe jogaa'me jo'ne qo'niyelaĝachidijeguem. Qalaĝaja jodia'me napa'l laqaya' ja yitaĝa ta'le nec'aledijeguem chayovida'a qom yenoĝodegue jogaa'me mil 'uoidi.

Apocalipsis 21:4

Qama'le joñe'me yiyo'y yema naa'me lachi'y ga'me jiyaĝadipi. Ja yitaĝa ta'le 'uo da'me yeleu ga'me jiyaĝaua, uotaĝa ta'le 'uo joga'me noyetac. Male qaya'te lachoĝode'j, nach'e ena'am da'me qaya'te layaliaĝa'j, qa'a ena'uaque jogaa'me 'uaechidiñe, nayi male ja yitaĝa ta'le uo'oe.

Apocalipsis 22:1

Qama'le joñe'me piyem le'ec jayem yaloĝona di'me ñache jo'ne chichiñe jena'me noĝop jo'ne le'ec. Qama'le da'me 'loyaĝac di'me ñache ena'am ta'le cristal, nataq'aen da'me chiyoqotelegue ñe'me lejaliaqa' joñe'me Dios choqoñe'me 'Naĝanaĝate Lec'oĝot.

Apocalipsis 22:17

Joñe'me Dios Lepaqal nataq'aen jañe'me jo'ne jetaque en loua ñe'me 'Naĝanaĝate Lec'oĝot enaac: —¡Auanaequena! Da'me ami jo'ne jayem auomachiiya, aueñeetac: —¡Auanaequena! Joga'me jo'ne yelinquip, qa'a 'uo da'me lamaic da'me jayem nec'ata, qama'le 'noota qom niyomigui jenjo' noĝop jo'ne 'uo da'me nec'alaĝa, jena'me noĝop jo'ne ja qodicot.