Juan 10:9 - Nuevo Testamento Toba Sombrero Negro

⁹ Naqayem jo'ne jayem jom: joga'me jo'ne jayem ta'uet, nach'ega jo'ne nec'alegue. Qama'le ena'am jaga'me 'naĝanaĝate qom yenoĝoneuo nataq'aen qom yenoĝonegue qama'le nach'e ena'am yauana ga'me auaqapiijat.

Nuevo Testamento Toba Sur

⁹ Qaq aÿim mayi nachaÿim lasom. Qaq ca aÿim tateu'a, nachi camayi nca'aleec. Nachi camayi 'eeta'am aca qagueta da pa'auo qataq da npa'aueguesop aca laÿi', nachi ÿanata ca 'auaqpi.

La'aqtaqa Ñim Lo'onatac 'Enauacna 2013

⁹ Aỹem Nachaỹem lasom. Qaq ca Aỹem tateua'a, nache camaye nca'alec. Nache camaye 'eeta'am aca qagueta da pa'auo qataq da npa'aueeguesop aca laỹe', nache ỹanata ca aloq.

Juan 10:9 Iomraidhean Croise

Juan 10:1

Chane'eja Jesús enaac: “Eja da'me dojo' jo'ne ami ja'aĝatema, ga'me jo'ne ja ta'uet ga'me najom jaga'me 'naĝanaĝatelpi lae't nach'ega jo'ne cachaĝaic nataq'aen da'me nach'ega jo'ne ch'e uenotoue nale jaga'me 'naĝanaĝatelpi lae't qaedi 'uo ga'me yalat.

Juan 10:3

Ga'me jo'ne jom lo'o 'youategue ga'me 'naĝanaĝatelpi lae't najom, qama'le ga'me 'naĝanaĝate nouatoqo't yiyaĝanalo gaa'me onole'tape 'naĝanaĝatel, e'n gaa'me mach'e lenaqa'te, qama'le gaa'me 'naĝanaĝatel yateto'n naa'me mach'e 'laqataqa, nataq'aen da'me yamaĝadegue qaedi e'n queda'ae q'ae'n jaga'me lae't.

Juan 10:7

Chane'eja Jesús yitaĝa 'viyelaĝalegue da'me laloĝonataĝanaĝac jo'ne joote 'yaĝatema, enaac: “Da'me dojo' jo'ne yataqachiñe eja: qa'a naqayem jo'ne jayem jom 'me tado'uet gaa'me 'naĝanaĝatel.

Juan 14:6

Jesús 'yateguet joñe'me: —Naqayem jo'ne naq'aec, 'me eja nataq'aen da'me nec'alaĝa. Qaya'te naq'aec laqaya ta'le qoyovida'a ñe'me Taĝadena'.

Efesios 2:18

Jena'me jenjo' ca'li 'lonatac ñe'me Jesucristo, en onolec ladiiuo ga'me judiopi nataq'aen gaa'me ja judiopi, male jauanaĝa ñe'me onolec 'me Dios Lepaqal, jo'ne chiyaqayi da'me male yataqata jovitaĝa ñe'me Qadet'a jo'ne ja 'nalegue.